Красилов, Алексей Александрович

Алексей Александрович Красилов
Шочмо кече	22 ӱярня 1929(1929-03-22)
Шочмо вер	Яраҥ уезд, Угарман область, РСФСР, СССР
Колымо кече	1 сорла 1992(1992-08-01) (63 ий)
Колымо вер	Йошкар-Ола, Марий Автоном Совет Социализм Республик, Россий
Эл	СССР  Россий
Паша сомыл	фрезеровщик
Награде да премий

Алексей Александрович Красилов (1929 ий 22 март, Яраҥ уезд, Угарман область — 1992 ий 1 август, Йошкар-Ола, Марий ССР) — совет обороно йӧнозанлыкын ончыл еҥже, СССР радиопромышленность министерствын Марий машиностроитель заводшын фрезеровщикше (Йошкар-Ола), Социалистический Паша Герой (1971).

Биографий

1929 ийыште Изи Юхтунур ялыште шочын. Кыдалаш школын 7 классшым тунем пытарен.

1947 ий гыч 297 №-ан Марий машиностроитель заводышто фрезеровщиклан пашам ышташ тӱҥалын. Чолга новатор да рационализатор, 10 авторлык свидетельствыже да шкенжын сайлык тамгаже лийын.

СССР Кӱшыл Каҥаш Президиумын 1971 ий 26 апрельысе тӱчмӧ Указше дене Алексей Александрович Красиловлан вичияш планым шуктымаште да у техникым ыштымаште кугу суапшылан Социалистический Паша Герой лӱмым пуымо, Ленин орден ден «Сорла ден Чӧгыт» медальым кучыктымо.

1985 гыч 1990 ий марте Марий АССР Кӱшыл Каҥашын депутатше лийын.

1991 ийыште сулен налме канышыш лектын.

Пытартыш ийлаште Йошкар-Олаште илен. 1992 ий 1 августышто колен.

Награде ден лӱм-влак

• «Сорла да Чӧгыт» шӧртньӧ шӱдыр (26.04.1971);
• Ленин орден (26.04.1971);
• моло медаль-влак;
• Йошкар-Олан чапланыше гражданинже.

Шарныш

Марий машиностроитель заводын зданийыштыже Суворов урем, 15 пӧрт адрес дене шарнымаш оҥам сакыме.

Умылтарымаш

Палемдымаш

Кылвер-влак

• Алексей Александрович Красилов (руш.). Сайт «Герои страны».