Краев, Валерий Константинович

Валерий Константинович Краев
Шочын	1948 ий 20 идым(1948-09-20) Семисола, Морко район, Марий АССР, СССР
Колен	2021 ий 7 ӱярня(2021-03-07) (72 ий) Моско, Россий
Шинчымаш	СССР МВД академий (1991)
Шанче степень	юридический шанче кандидат (2000)
Награде
Сарзе службо
Службо жап	1970 — 2007 ийла
Войска род	СССР МВД — РФ МВД
Званий	генерал-лейтенант

Валерий Константинович Краев (20 идым 1948, Семисола (Морко кундем), Марий Автоном Совет Социализм Республик — 7 ӱярня 2021, Моско) — совет да российысе правам аралыше да уголовно-исполнительный орган-влакын пашаеҥже, генерал-лейтенант. Мурманск областьысе Кӧргӧ паша виктемын (1988—1997) да Свердловск областьысе Кӧргӧ пашан тӱҥ виктемжын вуйлатышыже (1997—1999).

Илыш корныжо

1948 ий 20 сентябрьыште Марий АССР Морко районысо Семисола ялыште шочын.

1967 ийыште Сурск технологический техникумым тунем лектын. 1973 гыч 1976 ий марте СССР-ын МВД-ын Киев кӱшыл школыштыжо тунемын. 1991 ийыште СССР-ын МВД-ын Академийжым тунем лектын.

1970 ий гыч Совет армийыште сарзе службым эртымеке, СССР МВД-ын кӧргӧ паша органышкыже линейный милиций пӧлкан милиционер должностьыш колтеныт. 1976 гыч 1997 ий марте Мурманск облисполкомын Кӧргӧ паша виктемыштыже — Мурманск областьын Кӧргӧ паша виктемыште — оператив да вуйлатыше должностьлаште пашам ыштен: инспектор, уголовный розыск пӧлкан вуйлатышыже, Кӧргӧ пашан Первомайский район виктем вуйлатышын алмаштышыже да вуйлатышыже, а 1988 гыч 1997 ий марте — Мурманск облисполкомын Кӧргӧ паша виктемын — Мурманск областьын Кӧргӧ паша виктемын — вуйлатышыже.

1997 гыч 1999 ий марте — Свердловск областьысе Кӧргӧ пашан тӱҥ виктемжын вуйлатышыже. 1999 гыч 2007 ий марте Россий Федерацийысе Юстиций министерствын уголовно-исполнительный системыштыже оператив виктемын вуйлатышыже да Наказанийым шуктышо Тӱҥ виктем вуйлатышын алмаштышыже, 2003 ий гыч — Наказанийым шуктышо Федерал службо вуйлатышын икымше алмаштышыже лийын. 1999 гыч 2000 ий марте Дагестаныште да Чечняште кайыше сарзе действий-влакын участникше лийын. 2000 ийыште «Тӱшка преступностьлан ваштареш шогымаш» теме дене юридический шанче кандидат шанче степеньым налашлан диссертацийым арален. 2007 ий гыч — «Россий Федерацийын правам аралыше орган да спецслужбо-влакын пашаеҥыштын Ассоциацийышт» Чумырроссийысе организацийын вице-президентше.

2021 ий 7 мартыште Москошто колен.

Суаптар-влак

• Кок Патырлык орден;
• II степенян «Шочмо Эл ончылно суаплан» орденын медальже;
• МВД-н сулло пашаеҥже.

Палемдымаш

Литератур

• Мочаев В. А. Краев Валерий Константинович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 188. — 2032 экз. — ISBN 5-87898-357-0.
• Кольская энциклопедия. В 5 т. / Гл. ред. А. Н. Виноградов. — СПб. : ИС ; Апатиты : КНЦ РАН, Т. 2: Е — К, 2009. — 496 с. — ISBN 978-5-9637-0022-8
• Краев Валерий Константинович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 452. — 872 с. — 3505 экз. — ISBN 978-5-94950-049-1.
• Мочаев В. А., Колесников А. Ю. Краев Валерий Константинович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 222. — 606 с. — 1500 экз. — ISBN 978-5-905314-35-3.

Кылвер-влак

• Зона уверенного приёма // Российская газета