Кочемасов, Станислав Григорьевич

РУВИКИ — эрыкан энциклопедий гыч материал
Станислав Григорьевич Кочемасов
Kocemasov S G.jpg
Шочмо кече 25 сӱрем 1934(1934-07-25)
Шочмо вер Тула, РСФСР, СССР
Колымо кече 3 теле 2003(2003-12-03) (69 ий)
Колымо вер
Пурымаш  СССР  Россий
Войскан родшо СССР-ын сарзе-юж вийже[d] да СССР Стратегий кӱлешлыкан ракет войска[d]
Службо жап 1952—1994
Званий
Генерал-полковник
Награде да премий
Орден Октябрьской Революции Орден Красного Знамени Орден Красной Звезды Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина»
SU Medal 30 Years of the Soviet Army and Navy ribbon.svg SU Medal 40 Years of the Armed Forces of the USSR ribbon.svg SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg
SU Medal 70 Years of the Armed Forces of the USSR ribbon.svg
Отставкыште 1994 ий гыч, шанче пашаште

Станислав Григорьевич Кочемасов (25 сӱрем 1934, Тула, Моско область — 3 теле 2003, Моско) — совет да российысе сар вуйлатыше, генерал-полковник (1988). Сарысе шанче доктор (1996)[1].

Илыш корныжо

1952 ийыште кыдалаш школым тунем пытарен. 1952 ий август гыч СССР Сар Вийыштыже. Ачинскысе Мӱндыр авиацийын сар авиаций-техник училищыжым  (руш.) (мар. (1954) тунем лектын. 1955 ий январь гыч Сар-юж вийлаште служитлен — шотлышо да планлыше техник, 1956 ий январь гыч — Мӱндыр авиацийын 201-ше неле бомбардир авиаций дивизийын 1096-шо посна бомбардир авиаций полкын виян саркуралын (силовая установка) паша регламентшым да ачалыме пашам шуктышо авиаций тӱшкан техникше. Тиде ийыштак тудым ракет войскаште служитлаш уэш тунемаш колтеныт[1].

1961 ийыште Харьковысо кӱшыл авиаций-инженер сар училищым тунем пытарен. Училищым тунем пытарымеке, Стратегий кӱлешан ракет войскаште (СКРВ) служитлен: 41-ше гвардий ракет дивизийыште (Алейск) расчётын вуйлатышыже, 1961 ий ноябрь гыч — тӱшка вуйлатышын алмаштышыже, 1963 ий январь гыч — ракет полкысо тӱшкам вуйлатыше лийын. 1962 ийыште ВВС-н Космонавт-влакым ямдылыме рӱдерыште космонавт-влакым кокымшо гана погымашке ушнен, но космонавт отрядыш пурталтын огыл. 1963 ий апрель гыч 39-ше гвардий ракет дивизийыште (Пашино, Новосибирск область) служитлен — ракет дивизийын эре ямде улшо да сарысе вашпижмашлан ямдылыше пӧлкан кугурак полышкалышыже, 1966 ий ноябрь гыч — ракет полкын штаб вуйлатышыже, 1968 ий февраль гыч — 14-ше ракет дивизийыште сарым виктарыме шотышто ракет полк командирын алмаштышыже[1].

1970 ийыште Ф. Э. Дзержинский лӱмеш Сар академийын команде факультетшым тунем пытарен. 1970 ий июль гыч 225-ше ракет полкын командирже, 1971 ий август гыч — 59-ше ракет дивизий командирын алмаштышыже (Карталы, Челябинск кундем). 19.04.1973 гыч 30.08.1976 ий марте — Йошкар-Оласе 14-ше ракет дивизийын командирже. Дивизийым РВСН коклаште эн сай радамыш луктын.

1978 ийыште К. Е. Ворошилов лӱмеш СССР Сар Вийын Тӱҥ штабысе Сар академийжым  (руш.) (мар. тунем пытарен. 1978 ий август гыч — командующийын икымше алмаштышыже да 21.04.1980 гыч 12.06.1984 ий марте — Омскысо 33-шо ракет армийын командирже. Барнаулысо дивизийым чоҥаш да сарысе оролымашке шогалташ кугу надырым пыштен. 1981 ий гыч Новосибирскысе дивизийын ракет полкшо-влак сарысе оролымашке шогалаш тӱҥалыныт.

1984 ий июньышто 2-шо виктерын вуйлатышыжлан, 1985 ий апрельыште — СССР Сар Вийысе Тӱҥ штабын Тӱҥ писын вашештыше виктержын 3-шо виктер вуйлатышыжлан — Тӱҥ штабын писын вашештыше Тӱҥ виктер вуйлатышын алмаштышыжлан шогалтыме.

1987 ий июль гыч 1994 ий 3 сентябрь марте — Стратегий кӱлешлыкан ракет войскасе Тӱҥ штабын начальникше (тиде пашашкыже Россий Федерацийын Аралтыш министржын 1992 ий 30 сентябрьысе кӱштыкше дене уэш шогалтыме). Сарысе оролымо кышкарым саемдаш, командысе пункт-влакым сарым виктарыме автоматизироватлыме кышкарже дене пойдараш, куснылшо ракет кышкарым да нуным виктарыше куснылшо пункт-влакым кучылтмо шот-радамым ямдылаш да илышыш шыҥдарашлан, кугу тӱткышым ойырен. РВСН-ысе Тӱҥ штабын вуйлатышыже-влак кокла гыч икымше, кудо сар шанче дене пеҥгыдын кылдалтше лийын. Тудо шкеак шымлыме пашам вӱден, войскалаште сар-шанче конференцийлаште чолган тыршен, Ракет войскаште методике каҥашымашым шкеак чумырен да эртарен. 17.07.1987 гыч 6.11.1994 ий марте РВСН-ысе Сар каҥашын йыжъеҥже.

1994 ий сентябрь гыч ийгот дене кылдалтше шапашыште. Россий Федерацийысе Аралтыш министерствын Экологий рӱдерыштыже шанче пашаеҥлан тыршен.

Шанче кандидат (темыже — «Тополь» куснылшо колтышо курал-влакым, БЖРК-м кызытсе техник йӧн дене оролымаш да аралымаш). Сар шанче доктор (1994, темыже — РВСН-ын 2015 ий марте вияҥдыме тӱҥшоныш (концепций), тиде тӱҥшоныш илышыш шыҥдаралтын). Сар шанче академийын чынле йыжъеҥже (1996).

1959 гыч 1991 ий марте КПСС йыжъеҥ лийын.

Москошто илен. 2003 ий 3 декабрьыште колен. Троекуров шӱгарлаште тойымо[1].

Суаптарже-влак

Сарзе лӱмпале-влак

  • Техник-лейтенант (4 шыжа 1954)
  • Кугурак техник-лейтенант (18 пургыж 1958)
  • Инженер-капитан (7 июль 1961)
  • Инженер-майор (6 август 1965)
  • Инженер-подполковник (6 сентябрь 1969)
  • Подполковник (7 ӱярня 1973)
  • Полковник (19 апрель 1973)
  • Генерал-майор (13 пургыж 1976)
  • Генерал-лейтенант (1 ноябрь 1980)
  • Генерал-полковник (16 пургыж 1988)[1]

Палемдымаш

  1. ↑ 1 2 3 4 5 Марийская биографическая энциклопедия-2, 2017, с. 221.

Литератур

  • Военный энциклопедический словарь ракетных войск стратегического назначения / Министерство обороны РФ.; Гл.ред.: И. Д. Сергеев, В. Н. Яковлев, Н. Е. Соловцов. — Москва: «Большая Российская энциклопедия», 1999. — С. 258. — 632 с. — 8500 экз. — ISBN 5-85270-315-X..
  • Сухина Г. А., Маслий С. Б. Военный совет Ракетных войск стратегического назначения. Историко-биографический очерк. — ЦИПК РВСН, 2007.
  • Кочемасов Станислав Григорьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 187. — 2032 экз. — ISBN 5-87898-357-0.
  • Носов В. Т. Стратеги. Командующие ракетными армиями, командиры ракетных корпусов. — ЦИПК РВСН, 2008. — 276 с..
  • Носов В. Т., Резник А. В. Стратеги. Командиры ракетных дивизий.. — ЦИПК, 2009.
  • Омская гвардейская Бериславско-Хинганская дважды Краснознаменная ордена Суворова II степени ракетная армия / сост. Ермолаев В. В., Повар В. В.; под общ. ред. Г. Н. Привалова. — Омск: ООО «Полиграфический комплекс КАН», 2009. — 372 с..
  • Кочемасов Станислав Григорьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 451. — 872 с. — 3505 экз. — ISBN 978-5-94950-049-1.
  • А. В. Меляков, Е. В. Поступная. Генералы: харьковский биографический словарь / В. И. Голик, С. И. Посохов. — Харьков: Точка, 2013. — С. 69. — 497 с. — ISBN ISBN 978-617-669-133-4.
  • Опарина Т. Т., Мочаев В. А. Кочемасов Станислав Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 221. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Кочемасов,_Станислав_Григорьевич&oldid=1233553" гыч налме