Кононов, Иван Алексеевич

РУВИКИ — эрыкан энциклопедий гыч материал
Иван Алексеевич Кононов
Кононов Иван Алексеевич.jpg
Шочмо кече 6 ӱярня 1946(1946-03-06)
Шочмо вер
Колымо кече 22 идым 2020(2020-09-22) (74 ий)
Эл
Тунеммаш
В Рувики есть статьи о других людях с такой фамилией, см. Кононов.

Коно́нов Ива́н Алексе́евич (6 ӱярня 1946, Ленинград — 22 идым 2020) — россий скульптор, мер пашаеҥ. «Йӱладыме верлаште илыше казак-влакым ушымаш» («Объединение казаков мест нетрадиционного проживания») Пӱтыньроссийысе мер организацийын атаманже[1].

Илыш корно

1946 ий 6 мартыште Ленинградыште шочын[2].

1963 ийыште Ленинградсе покшел сымыктыш школым, 1981 ийыште И. Я. Яковлев лӱмеш Чуваш кугыжаныш педагогике институтым  (руш.) (мар. тунем пытарен. Философий доктор, Информатизаций тӱнямбал академийын академикше.

1965—1989 ийлаште РСФСР Сымыктыш фондын Марий мастерскойлаштыже пашам ыштен. 1989 ий гыч СССР Сӱретче-влак ушемын  (руш.) (мар. йыжъеҥже[3].

1990 ийыште Марий Эл гыч каен; Абхазийыште, Москошто ыштен; бизнес да политике дене пашам ышташ тӱҥалын, 1999 ийыште 18-ше №-ан Марий округ гыч РФ Кугыжаныш Думыш  (руш.) (мар. баллотироватлалтын [4].

2020 ий 22 сентябрьыште колен[5].

Усталык

Кугу Ачамланде сарыште колышо сарзе-влаклан ятыр скульптур композицийын, политик пашаеҥ-влакын скульптур портретыштын, тыгак фонтан да парк скульптур-влакын авторжо[6].

Тудын пашаже-влак коклаште: Д. Митрофанов, В. Иванов сӱретче-влакын портретышт (1974); «Чоткар», «Акпатыр», «Онар» медаль-влак (1972); Морко посёлкышто колышо сарзе-влаклан памятник (1973)[4].

Иван Кононовын ик масштабный шонымашыже Россий Ачамланде Талешке-влакын Галерейышт лийын — тиде Иван Грозный жап гыч кызытсе жап марте историй пашаеҥ-влакым авалтыше паша цикл (нунын коклаште: Дмитрий Донской, Александр Невский, Матвей Иванович Платов казак атаман, Фёдор Фёдорович Ушаков). Кажне скульптур воктене талешкын суапшыжым возымо стендым да тудын пашажым сӱретлыше сӱрет-влакым вераҥдаш палемдалтын[2].

Палыме произведенийже-влак:

  • «Пеледыш» триптих (1985). Пашам пу гыч пӱчкеден ыштыме;
  • А. А. Ширнинын скульптур портретше (1986), алюминий гыч литьё йӧн дене ыштыме;
  • «Звеньевая» скульптур (1989). Композицийыште кап-кылым пашалан тунемше ӱдырамашын капшын лывыргын савырнымыжым да тарванымыжым эскерен ончыктымо. Тиде мланде ӱдырамашыште кугу илыш куат авалталтын.
  • «Пеледыш» триптих (1985, пу, пӱчкедымаш).

    «Пеледыш» триптих (1985, пу, пӱчкедымаш).

  • Скульптор А. А. Ширнинын портретше (1986, алюминий, литьё).

    Скульптор А. А. Ширнинын портретше (1986, алюминий, литьё).

  • Звеньевая (1989, алюминий, литьё).

    Звеньевая (1989, алюминий, литьё).

Мер паша

  • Казак войскан генерал-майоржо[7];
  • Калык-влак кокласе казак ушымашын икымше вице-президентше;
  • Кавказ калык-влак конфедераций Парламентын йыжъеҥже;
  • Репрессироватлыме калык-влак Парламентын йыжъеҥже;
  • Кӱшыл Казак Академийын вице-президентше (Нью-Джерси, США)[8];
  • «Бородино 2045» РОО-н (Регионысо мер организацийын) ревизий комиссийын председательже[2].

Ончер-влак

Коллекций-влак

Скульпторын пашаже-влак Тимофей Евсеев лӱмеш Марий Эл Республикын Национальный тоштерыштыже аралалтыт[10].

Палемдымаш

  1. ↑ "Объединение казаков" - Москва - Председатель совета атамана Кононов Иван Алексеевич - ИНН 7704237538 (руш.). checko.ru. Тергыме кече: 12 ӱярня 2026.
  2. ↑ 1 2 3 6 марта родился наш дорогой уважаемый Иван Алексеевич Кононов – председатель ревизионной комиссии РОО«Бородино 2045», Атаман Всероссийской организации казаков, имеющей отделения в 52 регионах. Поздравляем с Днём Рождения! Желаем Ивану Алексеевичу Многая и Благая лета!!! – Официальный сайт Региональной общественной организации «Бородино 2045» (неопр.). www.borodino2012-2045.com. Тергыме кече: 12 ӱярня 2026.
  3. ↑ Кононов Иван Алексеевич (руш.). Русский музей. Тергыме кече: 17 ӱярня 2026.
  4. ↑ 1 2 Марийская биографическая энциклопедия-2, 2017, с. 214.
  5. ↑ Выражаем свои искренние соболезнования родным и близким в связи с безвременной кончиной Ивана Алексеевича Кононова. Светлая память об Иване Алексеевиче Кононове навсегда рстанется в наших сердцах! – Официальный сайт Региональной общественной организации «Бородино 2045» (неопр.). www.borodino2012-2045.com. Тергыме кече: 12 ӱярня 2026.
  6. ↑ Скульптор и атаман. - 4) Статьи о выдающихся и интересных людях. - Каталог статей - СНГЮ сайт народа города Юбилейного. sngy.ucoz.ru. Тергыме кече: 12 ӱярня 2026.
  7. ↑ Кононов Иван Алексеевич - актуальная биография (неопр.). runetbook.ru. Тергыме кече: 12 ӱярня 2026.
  8. ↑ Кононов Иван Алексеевич, <https://marihistory.ru/2011-01-01-19-53-52/4494-kononov-ivan-alekseevich.html>. Тергыме: 4 теле 2025. 
  9. ↑ Виртуальная выставка "100 лет со дня образования Союза Советских Социалистических Республик" | Республиканский музей изобразительных искусств (руш.). www.rmii.ru. Тергыме кече: 12 ӱярня 2026.
  10. ↑ Кононов Иван Алексеевич Звеньевая. Скульптурная композиция. goskatalog.ru. Государственный каталог Музейного фонда Российской Федерации. Тергыме кече: 12 ӱярня 2026.

Литератур

  • Прокушев Г. И., Мочаев В. А. Кононов Иван Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 214. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Кононов,_Иван_Алексеевич&oldid=1222939" гыч налме