Коковихин, Александр Михайлович

РУВИКИ — эрыкан энциклопедий гыч материал
Александр Михайлович Коковихин
Коковихин, Александр Михайлович.jpg
Шочмо годсо лӱм Александр Михайлович Коковихин
Шочмо кече 1967 ий 31 сорла(1967-08-31)
Шочмо вер РСФСР, Марий АССР, Йошкар-Ола
Колымо кече 2025 ий 13 идым(2025-09-13) (58 ий)
Колымо вер Йошкар-Ола
Гражданлык  СССР
 Россий
Паша сомыл серызе, почеламутчо, амалкалче
Награде да премий

Марий Эл Республикысе Олык Ипай лӱмеш Кугыжаныш самырыктукым премий (2000), Марий Эл Республик Серызе-влак ушемын Чапкагазше

Коковихин Александр Михайлович (31 сорла 1967, Йошкар-Ола — 13 идым 2025, Йошкар-Ола) — инженер-механик, поэт. Олык Ипай лӱмеш Кугыжаныш самырыктукым премийын лауреатше (2000). Россий Федерацийысе серызе-влак ушемын йыжъеҥже (2001). Марий Эл Республикын С. Чавайн лӱмеш кугыжаныш премийжын лауреатше (2017).[1].

Илыш корныжо

Пашазе ешеш шочын. Йошкар-Оласе 24 №-ан школышто тунемын. 1991 ийыште А. М. Горький лӱмеш Марий политехник институтым инженер-механик специальность дене тунем пытарен, Марий машиначоҥышо заводышто конструкторлан (1991—1994), механикым погымо цехыште кугурак мастерлан пашам ыштен. 1995—2020 ийлаште амалкалче пашам шуктен. Пытартыш паша верже — Баумаркет УР-ын (ужалыше рӱдер) электроӱзгар пӧлкаже[1].

Икымше савыкталтше почеламутшо-влак 1987 ий дене палемдалтыныт. 1989 ий гыч тӱҥалын, возымыжо «Марийская правда», «Молодёжный курьер» газетлаште, «Пачемыш» журналыште, «Дружба» ий еда лекше альманахыште савыкталтыныт[1].

1991 ий гыч Александр Коковихин «Сылнымут шыже» семинарлаште чолган тыршен. 2001 ий гыч Россий Федерацийысе серызе-влак ушемын йыжъеҥже. 2012 ий гыч Марий Эл серызе-влак ушемын вуйверыштыже руш поэзий пӧлкан пашажым вӱден. Почеламутшо-влак «Трибунал» рӱдӧ газетыште, «Новый мир» «Юность» журналлаште, «Глагол», «Илья», «45-я параллель» альманахлаште савыкталтыныт. Тудын поэзийже шкешотан чонкумыл, пеш тыглай корно, поян метафора да авторын шке тӱня ончалтышыже, умылымашыже улмо дене ойыртемалтыт. Александр Коковихинын почеламут аршашыжым В. Абукаев-Эмгак марлаҥден. Поэт шкеже В. Абукаевын, А. Иванован, З. Дудинан да молынат почеламутыштым рушлаш кусарен[1].

Газет ден журналлаште южо мут модышан, шкем воштылмо, мыскара почеламутшо-влакым А. Коковихин Ихуто Маслиничас, Миха К., Зонов, Юлия Столовая шоялӱм-влак дене савыктен[1].

«Около себя» / «Шкем воктене» да «Танцую аистом» / «Аистла куштем» почеламут книгаж-влак дене А. Коковихин Олык Ипай лӱмеш Кугыжаныш самырыктукым премийым сулен (2000). «Нанизывая ахинею» / «Кӱлдымашым керыштын» почеламут книгаже «Марий Элын эн сай книгаже — 2005» конкурсын дипломантше лийын. 2017 ийыште «Отдайте поэту планету» (2013) и «С поправкой на чудо» (2017) книгаж-влак дене Александр Коковихин Марий Эл Республикын С. Чавайн лӱмеш кугыжаныш премийже дене палемдалтын[1].

Россий писатель-влак ушемын Чаптаныкше дене палемдалтын (2008). Верысе радион да телевиденийын эфирлаштыже почеламутшо-влакым войзен[1].

2025 ий 13 сентябрыште шӱмжӧ шогалын[2][3].

Тӱҥ произведенийже-влак

  • Стихи // Молодеж. курьер. 1993. 18 авг.
  • Около себя: стихи. Йошкар-Ола, 1995. 144 с.
  • Танцуя аистом: стихи. СПб, 2000. 80 с.
  • Стихи // Сотовый мед. Йошкар-Ола, 2000. С. 74—79.
  • Стихи // Мар. правда. 2000. 20 июня.
  • Стихи // Русское слово Марий Эл. Йошкар-Ола, 2004. С. 366—368.
  • Нанизывая ахинею: стихи. Йошкар-Ола, 2004. 112 с.
  • Стихи // Мар. правда. 2004. 30 нояб.
  • Стихи // Мар. правда. 2007. 25 сент.

Марлаш кусарыме

  • Чыла — жаплан; Йӧратыме жап: почеламут-вл. / В.Абукаев-Эмгак кусарен // Кугарня. 2000. 17 нояб.

Илышыже да творчествыже нерген литератур

  • Стрельникова Л. «Увы, не ценят нынче рифмоплетов…» // Молодеж. курьер. 1995. 2 марта.
  • Краснов И. Букет от Коковихина // Новая молодеж. газета. 2000. 25 мая.
  • Апатеева Р. Александр Коковихин: «Вот увижу свою мечту…» // Мар. правда. 2000. 20 июня.
  • Карпов И. Жизнь как елово, или Слово как игра, или Грустная улыбка Александра Коковихина // Известия Марий Эл. 2000. 12 окт.
  • Ускова Е. Коковихин — поэт настоящий // Новая молодеж. газ. 2000. 12 окт.
  • Ойыртемалтше йӱкан поэт // Марий Эл. 2000. 10 нояб.
  • Александр Коковихин // Ончыко. 2002. № 2. С. 157, 159.
  • Писатели Республики Марий Эл : автобиобиблиогр. сб. Йошкар-Ола, 2004. С. 34.
  • МБЭ. Йошкар-Ола, 2007. С. 176.

Суаптар

Палемдымаш

  1. ↑ 1 2 3 4 5 6 7 Александр Коковихин (руш.). mari-lab.ru. Тергыме кече: 6 кылме 2025.
  2. ↑ В Марий Эл умер поэт Александр Коковихин, <https://www.marpravda.ru/news/zhizn-v-mariy-el/v-mariy-el-umer-poet-aleksandr-kokovikhin/>. Тергыме: 6 кылме 2025. 
  3. ↑ В Йошкар-Оле попрощаются с поэтом Александром Коковихиным, <https://www.mk-mari.ru/social/2025/09/15/v-yoshkarole-poproshhayutsya-s-poetom-aleksandrom-kokovikhinym.html>. Тергыме: 6 кылме 2025. 

Литератур

"https://mhr.ruwiki.ru/w/index.php?title=Коковихин,_Александр_Михайлович&oldid=1234099" гыч налме