Козлов, Вениамин Васильевич
| Вениамин Васильевич Козлов | |
|---|---|
 | |
|
| |
.png){kind=small} Йошкар-Олан 1-ше мэрже
.png){kind=small} |
|
| 1991 ий 29 декабрь — 2000 ий 27 декабрь | |
| Губернатор |
Зотин, Владислав Максимович Кислицын, Вячеслав Александрович |
| Ончычсо пашаеҥ | Самусев, Михаил Данилович |
| Алмаштыше | Тарков, Владимир Васильевич |
|
|
|
| Шочын |
1950 ий 12 пеледыш (76 ий) Крутолисье, Шанчара район, Киров область, РСФСР, СССР |
| Шинчымаш |
А. М. Горький лӱмеш Марий политехник институт Амалкалыме пашан тӱнямбал академийже |
| Награде | Марий Эл Республикын сулло чоҥышыжо (1995) |
Вениамин Васильевич Козлов (шоч. 12 пеледыш 1950, Крутолисье[d], Киров область, РСФСР[d], СССР) — россий кугыжаныш да администраций пашаеҥ. Йошкар-Оласе погынын I—II созывывласе председательже (1991—2000). Марий Элысе Йошкар-Ола администрацийын икымше вуйлатышыже / мэрже (1991—2000). Марий Эл Республикын сулло чоҥышыжо (1995).
Ӱмыргорныжо
1950 ий 12 июньышто Виче кундем Шанчара вел Крутолисье ялыште чодыра озан ешыштыже шочын[1][2].
1959 ийыште ешыж дене пырля Марий АССР-ысе Йошкар-Олаш илаш куснен. 1967 ийыште Йошкар-Оласе 5-ше №-ан кыдалаш школым тунем лектын да шке паша корныжым Йошкар-Оласе полупроводник ӱзгар-влак заводышто радиотарманым монтажлыше семын тӱҥалын[2].
1968—1970 ийлаште Совет Армий радамыште служиен.
1976 ийыште А. М. Горький лӱмеш Марий политехник институтым «Чоҥышо инженер» специальность дене тунем лектын[1][2].
1976—1989 ийлаште «Марспецстроймеханизация» трестын 19-ше №-ан лӱмын ыштыме чоҥышо-монтажлыше управленийыштыже (СМУ-19) прораб, тӱҥ инженер, вуйлатышылан пашам ыштен. 1989—1991 ийлаште «Марспецстроймеханизация» трестым вуйлатышын алмаштышыже лийын[1][2].
Марий ССР Йошкар-Оласе калык депутат-влак Каҥашын сессийын 1991 ий 28 январьысе пунчалже дене Йошкар-Оласе Каҥаш исполкомын председательжын икымше алмаштышыже — Йошкар-Олан озанлык кышкаржым вуйлатышыже олмыш пеҥгыдемдалтын[2].
Марий ССР-ын Президентше В. М. Зотинын 1991 ий 29 декабрьысе 9 №-ан кӱштыкшӧ дене Йошкар-Оласе исполкомын председательже — Йошкар-Ола администрацийын вуйлатышыже. 1995 ийыште Москошто Амалкалыме пашан тӱнямбал академийжым тунем лектын[1]. Йошкар-Оласе Погынын 1-ше сессийыштыже, 1996 ий 25 октябрьысе пунчалже дене, Йошкар-Оласе Погынын председательжылан сайлалтын[2].
1996 ий 12 декабрьыште Йошкар-Ола администраций Вуйлатышым икымше гана калык сайлымаште Йошкар-Ола администраций Вуйлатышылан сайлалтын. Тиде олмышто 2000 ий 27 декабрь марте пашам ыштен. 2000 ийысе сайлымаште Марий Эл Республикын Президентше олмыш шке лӱмжым темлен[1][2].
1990—1993 ийлаште Йошкар-Оласе каҥашын депутатше, 1993—2000 ийлаште — Марий Эл Республикын Кугыжаныш Погынжын да Йошкар-Оласе ола погынын I—II созывласе депутатше лийын[1][2][3].
1995 ийыште тудлан «Марий Эл Республикын сулло чоҥышыжо» чаплӱмым пуэныт. Ту ийыштак тудо «Мэр-95» российысе конкурсын лауреатше лийын[1]. 1992 ийыште Марий Эл Республикын Чаптаныкше дене палемдалтын[2].
2000 ий гыч — Йошкар-Олаште «Магнит» ООО-н директоржо. Кызыт Йошкар-Олаште ила.
Суаптар-влак
- Марий Эл Республикын сулло чоҥышыжо (1995)[1];
- Россий Федерацийысе туныктышын отличникше[4];
- Марий Эл Республикын Чап таныкше (1992 ий 13 ноябрь, 2000) — Марий Эл Республикын чоҥымо организацийлаштыже шуко ий пашам тыршен ыштымылан[4].
Палемдымаш
- ↑ 1 2 3 4 5 6 7 8 Мочаев, 2017, с. 207.
- ↑ 1 2 3 4 5 6 7 8 9 Пять мэров марийской столицы: вспомнить поименно (руш.). Важные новости дня. Марий Эл. Йошкар-Ола. Тергыме кече: 17 теле 2023.
- ↑ Список депутатов Государственного Собрания Республики Марий Эл. xn--80aaa1cdgel.xn--p1acf. Тергыме кече: 17 теле 2023.
- ↑ 1 2 Козлов Вениамин Алексеевич (неопр.). Марийская история в лицах. Тергыме кече: 17 теле 2023.
Литератур
- Козлов Вениамин Васильевич // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 265. — 2000 экз. — ISBN 5-87898-197-1.
- Мочаев В. А. Козлов Вениамин Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 175. — 2032 экз. — ISBN 5-87898-357-0.
- Мочаев В. А. Козлов Вениамин Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 207. — 606 с. — 1500 экз. — ISBN 978-5-905314-35-3.
Кылвер-влак
- Марийская история в лицах. Козлов Вениамин Васильевич
- Архивный путеводитель. Фонд № Р-11. Козлов Вениамин Васильевич — Глава самоуправления, Глава администрации — Мэр города Йошкар-Олы (12 июня 1950 года —)
| Йошкар-Олан мэр-влакше | |||
|---|---|---|---|
|
| | |
