Иоанн (Широков)

Иоанн епископ
Иоанн епископ
	Волоколамск епископ,; Моско епархийын викарийже
	1936 ий 1 август — 1937 ий 19 август
Ончыч лийше	Иоанн (Соколов)
Алмаштыше	Алексий (Палицын)
Шочмо годым лӱм	Андрей Алексеевич Широков
Шочмаш	7 (19) теле 1893; Озаҥ, Озаҥ уезд[d], Озаҥ губерний, Россий империй;
Колымаш	19 сорла 1937 (43 ий); Моско, РСФСР[d], СССР;
	РУВИКИ.Медиаште медиафайл-влак

Иоанн епископ (тӱняште Андрей Алексеевич Широков; 7 [19] теле 1893, Озаҥ, Озаҥ уезд^[d], Озаҥ губерний, Россий империй — 19 сорла 1937, Моско, РСФСР^[d], СССР) — Руш православий черкын епископшо, Волоколамск епископ, Моско епархийын викарийже.

Илыш корно

Андрей Широков 1893 ий 7 (19) декабрьыште Озаҥ олаште Озаҥысе реальный училищын пӱртӱс шанче (естественные науки) туныктышыжын ешыштыже шочын^[1].

1904—1912 ийлаште Озаҥ оласе 3-шо номеран гимназийыште тунемын. Гимназийым тунем пытарымеке, тудо тӱням коден, монастырьыш каяш шонен пыштен. Но, ача-аваже тидын шотышто тореш лийыныт: нуно тудым университетыш пураш ӱшандареныт.

1917 ийыште тудо Озаҥ университетым (руш.) (мар. тунем пытарен да тудым Черке Историй кафедрыште профессор стипендиат семын коденыт.

1922 ийыште Озаҥысе Иоанн-Предтеченский монастырьыш колыштшо семын пурен.

1923 ий 4 январыште «Черкым поктымо жапыште, тудлан служитлаш шонен» епископ Чистопольский Иоасаф тудым Иоанн лӱм дене монахыш тӱредын, варажым иеромонах саныш палемдыме.

1-ше Закаспийский округын, Полторацк (Асхабад) оласе Шнуй Ырес черкын благочинныйже Павел Каллистов священникын 1923 ий 8 сентябрьыште Тихон Патриархлан возымо докладыштыже палемдалтын: «Туркестанлан шкевуя (самостоятельный) епископ кӱлешак — „… юмынйӱла шинчымашан, пеҥгыде монах илышан, виян проповедник да политически ӱшанле кандидат“. Ӱпӧ оласе епископ Андрей — Иоанн иеромонахым (Андрей Алексеевич Широковым) темла»^[2].

1925—1926 ийлаште посна назначениян Соловецкий лагерьыште петырымаште лийын.

1929 ий 4 ноябрьыште Марий епископлан, Угарман епархийын викарийжлан хиротонийым эртен.

1930 ийыште Озаҥ епархийым (руш.) (мар. жаплан виктарен.

Москосо да Коломнысо Блаженнейший митрополит Сергий (Страгородский) Моско епархийын викарийже-влак дене. Шола могырышто Иоанн епископ (Широков), покшелне Серги епископ (Воскресенский), пурла могырышто Алексий епископ (Сергеев).

1931 ий 2 июнь гыч — Чебоксарысе епископ.

1931 ий 29 июль гыч — Марий епископ, Угарман епархийын викарийже.

1931 ий 16 сентябрь гыч — Волоколамск епископ, Моско епархийын викарийже.

1934 ий 10 апрельыште Патриарх Местоблюстительын алмаштышыже Сергий митрополит (Страгородский) «Балахна епископлан, Горький епархийым вуйлатышылан да Горький Митрополит епархийыште уке улмыж годым Горький крайын Областной Архиерейжын пашажым шуктышылан» шогалтыме.

Тудо ийынак 3 майыште Горький епархийым вуйлатышылан Евгений (Зёрнов) митрополитым шогалтыме, а Иоанн епископ Муром епископ, Горький епархийын викарийже титулым налын.

1934 ий 14 май гыч — Орехово-Зуево епископ, Моско епархийын викарийже.

О. А. Кавелинан уверже почеш, Москошто Полянкыште Григорий Неокесарийскийын храмыштыже служитлен. Службо-влак кужун шуйненыт, устав почеш эртеныт.

1936 ий январь гыч — Дмитров епископ, Моско епархийын викарийже.

1936 ий 19 июль гыч — Волоколамск епископ, Моско епархийын викарийже.

Юмылан кумалме деч вара, кас шумым ончыде, тудо чыланыштым сугыньлен да вара Моско деч ӧрдыжкӧ шке келийышкыже каен. Уремыштат, мӧҥгыштыжат эре рясе да скуфья дене лийын, кидыштыже чёткым кучен. Тудын пытартыш службыжо Пӱтӧ арнян Кугу Шочмынжо лийын. Ик кече ончыч шкежак «Чертог Твой» мурым мурен.

1937 ий 27 апрельыште арестоватланет. 1937 ий 19 августышто СССР Кӱшыл судын Сарзе коллегийжын пунчалже почеш лӱен пуштыныт. Москосо Донской шӱгарлаште иза-шольо шӱгарлаште тойымо.

Иоанн епископым пуштмо нерген пале лийын огыл, сандене 1943 ий 27 октябрьыште Москон да уло Русьын Патриархше Сергий Руш православий черке паша шотышто Каҥашыш икмыняр иерархым, нунын коклаште Иоанн епископым, амнистироватлымаш да черке пашаш ушымаш йодмаш дене лектын; вашешыже кучем-влак Иоанн епискомын тырмаште колымыж нерген увертареныт^[3].

Палемдымаш

↑ Иоанн (Широков Андрей Алексеевич), епископ (неопр.). nmbook.ru. Официальный сайт Православного Свято-Тихоновского гуманитарного университет. Тергыме кече: 27 вӱдшор 2026.
↑ Краткий оперк положения, сложившегося в российской церкви к 1923—1924 гг. (руш.). web.archive.org. Тергыме кече: 29 вӱдшор 2026.
↑ Иоанн (неопр.). Православная Энциклопедия. Тергыме кече: 27 вӱдшор 2026.

Литератур

Тихон (Затёкин), игумен, Дёгтева О. В. Иоанн (Широков), епископ Муромский (1934—1934) // Святители земли нижегородской. — Нижний Новгород: Центр содействия бизнесу, 2003. — С. 484—485. — 537 с. — ISBN 5-00-002241-6.
Иоанн // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 152. — 2032 экз. — ISBN 5-87898-357-0.
Д. Н. Никитин. ИОАНН // Православная энциклопедия. — М., 2010. — Т. XXIII : «Иннокентий — Иоанн Влах». — С. 465-466. — 752 с. — 39 000 экз. — ISBN 978-5-89572-042-4.
Иоанн (Широков Андрей Алексеевич) // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 398—399. — 872 с. — 3505 экз. — ISBN 978-5-94950-049-1.

[:0-1] Иоанн (Широков Андрей Алексеевич), епископ (неопр.). nmbook.ru. Официальный сайт Православного Свято-Тихоновского гуманитарного университет. Тергыме кече: 27 вӱдшор 2026.

[2] Краткий оперк положения, сложившегося в российской церкви к 1923—1924 гг. (руш.). web.archive.org. Тергыме кече: 29 вӱдшор 2026.

[3] Иоанн (неопр.). Православная Энциклопедия. Тергыме кече: 27 вӱдшор 2026.

[1]

[2]

[3]