Илисавский, Василий Иванович
| Василий Иванович Илисавский | |
|---|---|
 | |
| Шочмо кече | 1895 ий 19 шорыкйол |
| Шочмо вер | |
| Колымо кече | 1969 ий 13 шорыкйол (73 ий) |
| Колымо вер | Йошкар-Ола |
| Гражданстве |
 Россий империй →  СССР |
| Профессий | артист, режиссёр |
| Театр | Республикысе курчак театр |
| Суаптар | |
Василий Иванович Илисавский (1895 ий 19 (31) январь, Тетюш, Тетюш уезд, Озаҥ губерний, Россий империй — 1969 ий 13 январь, Йошкар-Ола) — тӱвыра пашаеҥ, артист да режиссёр. Театр пашаеҥ-влак ушемын Марий пӧлкажым ыштыше кокла гыч иктыже (1942 ий), тудын председательже.
Илыш корныжо
Самарысе театр студийым тунем пытарен, 1920, 5-ше армий политпӧлкан, Юл кундем да Урал театр-влакын актёржо, 1937 ий гыч Йошкар-Олаште.
Руш труппын актёржо да режиссёржо, тыгодымак 1945 ий гыч 1948 ий марте — курчак театрын тӱҥ режиссёржо да директоржо; коллективым шочыктымаште кугу рольым модын. СТД (ончыч ВТО) Марий пӧлкам ыштыше-влак кокла гыч иктыже, 1942, тудын председательже.
1958 ий марте — Марий кугыжаныш драме театрын руш труппысо актёржо.
1958–1964 ийлаште Марий республикысе курчак театрым вуйлатен. Тудо труппым шочыктмаште, тудым вияҥдымаште кумда верым айлен. Тудын лукмо «Каштанка», «Йӱштӧ коча», «Алёнушка акаж ден Иванушка шольыжо», «Ший кӱч», «Чыташ лийдыме изи слон», «Пырысын пӧртшӧ» спектакль-влак йоча-влаклан моткоч келшеныт. Театр республикын районлашкыже гастроль дене кошташ тӱҥалын. Василий Илисавский калыкле репертуарлан тӱткышым ойыраш тӱҥалын. 1961 ийыште марий курчакым вӱден модшо артист-влакын труппышт шочын, марий йылме дене спектакль-влакым шындаш тӱҥалыныт: «Чапаевын тӱлегенже», «Йошкар ӱп», «Кок ваштар», «Маска Йыван», «Мондалтше ава»[1].
Ешыже
- Эргыже: кумдан палыме российысе физик Юрий Васильевич Илисавский.
- Уныкаже: российысе семмастар Василий Илисавский.
Суаптар-влак
- МАССР Кӱшыл Каҥаш Президиумын Чапкагазше (1945, 1949)[2].
Палемдымаш
Литератур
- Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 151. — 2032 экз. — ISBN 5-87898-357-0.
- Илисавский А. В. Илисавский Василий Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 176. — 606 с. — 1500 экз. — ISBN 978-5-905314-35-3.