Смирнов, Иван Викентьевич

Иван Викентьевич Смирнов
Иван Викентьевич Смирнов
Тичмаш лӱм	Иван Викентьевич Смирнов
Шочмо кече	2 сӱрем 1961 (65 ий)
Шочмо вер	Кугу Пызак, Чӱксола ял шотан илем[d], У Торъял кундем, Марий Автоном Совет Социализм Республик, РСФСР[d], СССР;
Эл	СССР; Россий;
Паша сомыл	театр актёр, мурызо
Награде да премий	Марий Эл Республикын калык артистше (1999) Марий Эл Республикын сулло артистше (1995) Олык Ипай лӱмеш Кугыжаныш премий Марий Эл Республикын кугыжаныш премийже

Иван Викентьевич Смирнов (шоч. 2 сӱрем 1961, Кугу Пызак, Марий Автоном Совет Социализм Республик) — совет да российысе актёр, мурызо, марла муро-влакын авторжо. Марий Эл Республикын сулло артистше (1995), Россий Федерацийын сулло артистше (2007), Марий Эл Республикын калык артистше (1999).

Илыш корныжо

1961 ий 2 июльышто Марий АССР У Торъял вел Кугу Пызак ялысе колхозник-влакын ешыштышт шочын^[1]. Ешыште визымше, эн изи йоча лийын. Тудын чӱчӱжӧ-влак гармоньым шоктеныт, нунын деч Иван Смирнов изиж годымак тиде семӱзгарым шокташ тунемын^[2]^[3]. Школышто тунеммыж годым сем школыш коштын, баяным шокташ тунемын. Школ да районысо пайрем концертлаште шке моштымыжым ончыктен^[3].

1978 ийыште кыдалаш школым тунем пытарымеке, М. Горький лӱмеш Марий кугыжаныш политехник институтын чодыра инженер факультетышкыже тунемаш пурен^[2]. Но 2-шо курс деч вара тунеммым кудалтен. Иван Смирнов тыге шарналтен:

Ачам-авам актёр лийын кертмемлан нигунар ӱшанен огытыл. Авам нуным чыган-влак дене таҥастарен, кудышт шке мурен-куштымыштлан оксам але кочкышым йодын коштыт. Но мыйын кокам, республикын сулло артисткыже Зоя Янаева, тунам верысе радиошто дикторлан пашам ыштен, да тудын марийже, политехник институтын туныктышыжо, мыйын чоныштем артист пашаште кӱлшӧ нӧшмым ужыныт, институтым кодаш ача-авамым кутырен келыштареныт, Шкетан лӱмеш калыкле драме театр гыч ГИТИС-ыш тунемаш пураш темленыт. Мый тиде ошкыллан пеш тыршен ямдылалтынам^[3].

Тыге 1980 ийыште Смирнов А. В. Луначарский лӱмеш Кугыжаныш театр сымыктыш институтын актёр пӧлкасе студентше лийын. РСФСР-ын калык артистше Павел Хомскийын курсыштыжо калыкле студий кышкарыште тунемын^[2].

Институтым 1985 ийыште тунем пытарымеке, Йошкар-Олашке пӧртылын, М. Шкетан лӱмеш Марий кугыжаныш драме театрыште пашам ышташ тӱҥалын да тунамак Совет Армийыш налыныт^[2]^[3].

Армий деч вара театрыш пӧртылын.

1994 ийыште Смирнов И. С. Палантай лӱмеш сем училищым тунем лектын^[2]^[3].

Марий Элыште Иван Смирнов актёр семын веле огыл, тыгак марий муро-влакын авторжо да кумдан палыме мурызо семын чапланен, тудын репертуарыштыже 100 утла произведений уло^[2].

Иван Смирнов марла муро-влакым мура

Суаптар

Марий Эл Республикын сулло артистше (1995);
Россий Федерацийын сулло артистше (2007);
Марий Эл Республикын калык артистше (1999);
Самырык тукымын Олык Ипай лӱмеш кугыжаныш премийжын лауреатше (1996);
Марий Эл Республикын М. Шкетан лӱмеш Кугыжаныш премийжын лауреатше (2011)^[2]^[4].

Ойырырымо роль да спектакль-влак

«Акпатыр» (С. Чавайн) — Тойблат
«Латкокымшо йӱд» (У. Шекспир) — Фест
«Шӱм парым» (К. Коршунов) — Володя
«Морко сем» (Миклай Рыбаков) — Стапан Микале
«Чоя Скапен» (Мольер) — Скапен
«Сонарзе ден суксо» (А. Островский) — Нароков
«Пӧръеҥ пиал» (Б. Шоу) — Наполеон
«Сонар содом» (В. Вампилов) — Кушак
«Каче пазар» (Н. Гоголь) — Подколесин
«Ой, луй модеш» (А. Пудин, В. Пектеев) — Кырля
«Эреҥер» (М. Шкетан) — Ванька
«Чодыра» (А. Островский) — Восмибратов
«Поргем ӱмбалне ӱжара» (Ю. Байгуза) — Иксан
«Кеҥеж йӱд» (Н. Арбан) — Шумелев
«Ачийжат-авийжат…» (М. Шкетан) — Урядник
«Мӱкш отар» (С. Чавайн) — Пӧтыр
«Юмынӱдыр / Дочь Бога» (Н. Пушкина, С. Яндукова) — Вӱдон (2023)^[4]

Фильмографий

Фильмын лӱмжӧ		Роль
Тургым	1990
Салика	2010	Ози Кузи
Ял ӱмбалне мужыр йӱксӧ	2013	Шумат

Йоҥгалтарыме мурыжо-влак

Иван Смирнов — Кӧ шонен (мутшо Геннадий Оярын, семже Юрий Евдокимов-Тойварсын)
Иван Смирнов — Куку кумыл (мутшо Вячеслав Абукаев-Эмгакын, семже Сергей Маковын)
Иван Смирнов — Ой, луй модеш! (калык муро)
Иван Смирнов — Тый шарнет (мутшо Альбертина Иванован, семже Валерий Кульшетовын)
Иван Cмирнов — Тыйым вел йӧратем (мутшо Юрий Васильевын, семже Иван Смирновын)
Иван Смирнов — Эх, ух, ах (мутшо Вячеслав Абукаев-Эмгакын, семже Вениамин Захаровын)
Иван Смирнов — Коваем (мутшо ден семже Тимофей Петуховын)
Иван Смирнов — Калаче-мочыла (мутшо ден семже Анатолий Калининын)
Иван Смирнов — Эре коктын (мутшо Василий Крыловын, семже Юрий Евдокимов-Тойварсын)

Палемдымаш

↑ Театральная гостиная продолжает свою работу (неопр.). Музей истории города Йошкар-Олы (21 шорыкйол 2020). Тергыме кече: 12 идым 2024.
↑ ¹ ² ³ ⁴ ⁵ ⁶ ⁷ Иван Смирнов (VI) (неопр.). Кино-Театр.Ру. Тергыме кече: 11 идым 2024.
↑ ¹ ² ³ ⁴ ⁵ Марина Оленева (01.11.2019), Народный артист РМЭ, Заслуженный артист России Иван Смирнов: "Моя мама сравнивала актеров с цыганами", <https://www.marpravda.ru/news/religiya/narodnyy-artist-rme-zasluzhennyy-artist-rossii-ivan-smirnov-moya-mama-sravnivala-akterov-s-tsyganami/?ysclid=m0xzorlqm1491883329>. Тергыме: 11 идым 2024.
↑ ¹ ² Смирнов Иван Викентьевич, <https://shketan.ru/workers/smirnov-ivan-vikentevich/>. Тергыме: 12 идым 2024.

Кылвер-влак

Смирнов Иван Викентьевич – М.Шкетан лӱмеш Марий кугыжаныш драме театр, <https://shketan.ru/workers/smirnov-ivan-vikentevich/>. Тергыме: 6 шыжа 2025.

[1] Театральная гостиная продолжает свою работу (неопр.). Музей истории города Йошкар-Олы (21 шорыкйол 2020). Тергыме кече: 12 идым 2024.

[:8-2] ¹ ² ³ ⁴ ⁵ ⁶ ⁷ Иван Смирнов (VI) (неопр.). Кино-Театр.Ру. Тергыме кече: 11 идым 2024.

[:9-3] ¹ ² ³ ⁴ ⁵ Марина Оленева (01.11.2019), Народный артист РМЭ, Заслуженный артист России Иван Смирнов: "Моя мама сравнивала актеров с цыганами", <https://www.marpravda.ru/news/religiya/narodnyy-artist-rme-zasluzhennyy-artist-rossii-ivan-smirnov-moya-mama-sravnivala-akterov-s-tsyganami/?ysclid=m0xzorlqm1491883329>. Тергыме: 11 идым 2024.

[:0-4] ¹ ² Смирнов Иван Викентьевич, <https://shketan.ru/workers/smirnov-ivan-vikentevich/>. Тергыме: 12 идым 2024.

[1]

[2]

[3]

[4]