Зеленин, Дмитрий Константинович

Дмитрий Константинович Зеленин
Шочмо кече	21 шыжа (2 кылме) 1878
Шочмо вер	Люк[d], Сарапул уезд, Виче губерний, Россий империй
Колымо кече	31 сорла 1954(1954-08-31) (75 ий)
Колымо вер	Ленинград, РСФСР, СССР
Эл	Россий империй  СССР
Шанче алан	этнографий
Паша вер	Харьков калыкле университет[d] Санкт-Петербургысо кугыжаныш университет[d]
Образований	Виче духовный семинарий[d] Тарту университет[d] (1904)
Шанче званий	СССР Шанче академийын йыжыҥъеҥ-корреспондентше (1925)
Тунемшыже-влак	Н. И. Гаген-Торн
Награде ден премий-влак
РУВИКИ.Медиаште медиафайл-влак

Дми́трий Константи́нович Зеле́нин (21 шыжа [2 кылме] 1878, Люк^[d], Виче губерний — 31 сорла 1954, Ленинград) — руш да совет этнограф, диалектолог да фольклорист.

Илыш корно

Виче губерний Сарапул уезд Люк селаште нужна псаломщик ешеш шочын. Виче духовный семинарийым (1898) да Юрьев университетын историй-филологий факультетшым (1904) тунем пытарен.

Икымше гана университетыште тунеммыж годым савыкталташ тӱҥалын. Руш калык поэзий да кутырымо ойыртем нерген тӱҥ паша-влакым 1900—1915 ийлаште савыктен. Ятыр пашаже Виче кундем дене кылдалтын, тушко шанчызе экспедицийыш толеден. Ятыр ий шке землякше-влак дене пеҥгыде кылым кучен, Виче шанче архив комиссийын пашашкыже ушнен.

«Великорусские говоры с неорганическим и непереходным небрежением задненёбных согласных в связи с течениями позднейшей великорусской колонизации» теме дене магистр диссертацийым арален (СПб., 1913), тушто эрвел славян-влакын ныл укшлан шелалтше этнике да диалект ойыртем шотышто тезисым негызлен. Тиде концепций тудын тӱҥ, иктешлыше «Эрвел славян этнографий» («Восточнославянская этнография») (1927 ийыште немыч йылме дене савыкталтын) монографийыштыже вияҥын, тушто тудо йӱдвел да кечывалвел великоросс-влак коклаште «илыме верын, вургем ден илыш-йӱлан моло ойыртемже» дене «пӱсӧ ойыртемым» палемден.

1915 ийыште Петроград университетыште славян да нунын пошкудышт нерген курсым лудын. 1916 ий гыч Зеленин Харьков университетыште руш йылме да сылнымут кафедрым вуйлатен, славян-руш филологий кабинетым вуйлатен. Тудын ты пашаш ушнымыж дене Слободской Украине тоштерын этнографий экспозицийже ышталтын.

1917 ий 12 апрельыште Моско университетыште «Руш мифологийын очеркше» («Очерки русской мифологии») теме дене докторлык диссертацийым арален. Ты паша шанчыеҥын ик эн кӱлешан пашажлан шотлалтеш, вет тудлан тудо Император Шанче академийын премийжым сулен.

1925 ийыште Ленинградыш пӧртылын, тушто тудым Ленинград университетын этнографий кафедрын профессоржылан шогалтеныт. 1926 гыч 1949 ий марте Кунсткамерыште пашам ыштен, Казахстан, Алтай да Приуралье мучко экспедицийлаште лиеден.

Сарапул земский тоштерым негызлыше-влак кокла гыч иктыже.

Пытартыш жапыште С. П. Толстов да сталин закалкын моло марксистше Зелениным «великорусский шовинизмлан» да «расизмлан» шылталеныт. Тыге тудым савыктымаш деч кораҥденыт (кеч тунам озаланыше марризм дене ӧкымеш модыныт гынат).

Шанче паша

Зеленинын революций деч ончычсо этнографий пашаже-влак тӱҥ шотышто эрвел славян-влакын материальный культурыштлан да ӱшанымашыштлан пӧлеклалтыныт. «Славян филологий ден тӱвыра историйын очеркышт» («Очерки славянской филологии и истории культуры») серийыште, кудым савыктымаште Макс Фасмер вуйлатен, 1927 ийыште Зеленинын ямдылыме эрвел славян этнографий нерген икымше систематический изложений лектын (немыч йылме дене).

Эрвел-славян фольклористикым вияҥдымаште Зеленинын чумырымо йомак сборник ден руш такмак-влакын ыҥышт, тиде фольклор жанрын эстетический йӧнжӧ нерген тудын шонымашыже кугу рольым модын. Тудын савыктыме йомакше-влак чӱчкыдынак В. Проппын пашалаштыже цитироватлалтыт. Зеленин «заложные покойники» терминым (тиде явлений шотышто икымше гана каласкалымаш семынак) шонен муын.

1930-шо ийлаште Зеленин П. Г. Богатырёвын функциональный йӧнжылан кумылаҥын да сибирьысе шаманизмым шымлаш пижын. Тудо тюркологийышкат надырым пыштен, онгон-влак нерген икымше капитальный пашам ямдылен. Зеленинын сар деч вара возымо пашаже-влак савыкталтын огытыл да йомдарымылан шотлалтыт.

Мер-шанче паша

• 1904 — Руш географий ушемын йыжыҥъеҥже;
• 1927 — Чехословакийысе Этнографий тоштер президиумын йыжыҥъеҥ-корреспондентше (Společnosti Narodopisneho Museu Československeho);
• 1929 — Institut international de Coopération intellectuelle-н шанче корреспондентше (Париж);
• 1929 — Verein für Volkskunde Этнографий ушемын йыжыҥъеҥ-корреспондентше (Вена);
• 1942 — Лужицы йолташ-влак ушемын йыжыҥъеҥ-корреспондентше;
• 1942 — Болгар шанче академийын йыжыҥъеҥ-корреспондентше.

Тӱҥ паша-влак

• Новые веяния в народной поэзии. — М., 1901.
• Н. И. Ильминский и просвещение инородцев. — СПб.: «Русская школа», 1902. — 20 с.
• Песни деревенской молодёжи. — Вятка, 1903.
• Отчёт о диалектологической поездке в Вятскую губернию. — СПб.: тип. Имп. Акад. наук, 1903. — 189 с.
• Народные присловья и анекдоты о русских жителях Вятской губернии (Этногр. и ист.-лит. очерк). — Вятка: Губ. тип., 1904. — 54 с.
• Кама и Вятка. Путеводитель. — Юрьев, 1904.
• Русская соха, её история и виды. — Вятка, 1908
• Великорусские говоры…. — СПб.: Отд. рус. яз. и словесности Имп. Акад. наук, 1913. — XVI, 544 с., 1 л. карт.
• Великорусские сказки Пермской губернии. — Пг., 1914—656 c.
• Великорусские сказки Вятской губернии. — Пг., 1915—640 c.
• Библиографический указатель русской этнографической литературы о внешнем быте народов России. 1700—1910 гг. — СПб., 1913—733 c.
• Очерки русской мифологии. Вып. 1: Умершие неестественной смертью и русалки. — Пг., 1916.
• Russische (Ostslavische) Volkskunde = Русская (восточнославянская) этнография. — Лейпциг, 1927.
• Примитивная техника гончарства «налепом» (au colombin) в Восточной Европе // Этнография. 1927. Кн. III. № 1
• Имущественные запреты как пережитки первобытного коммунизма. — Л., 1934
• Культ онгонов в Сибири. — М.-Л.: 1936
• Тотемы-деревья в сказаниях и обрядах европейских народов. — М.-Л., 1937
• Восточнославянская этнография = Russische (Ostslawische) Volkskunde (1927) / пер. с нем. К. Д. Цивиной. — М.: Наука (ГРВЛ), 1991. — 511 с. — (Этнографическая библиотека). — ISBN 5-02-016500-0.

Уэш савыктыме

• Избранные труды. Статьи по духовной культуре 1901—1913 гг. — М.: Индрик, 1994
• Избранные труды. Очерки русской мифологии. — М.: Индрик, 1995
• Избранные труды. Статьи по духовной культуре 1917—1934 гг. — М.: Индрик, 1999
• Очерки славянской мифологии. М.: Издательский дом «Вече», 2021. ISBN 978-5-4484-3007-7.

Суаптар-влак

• РГО-н Этнографий да статистике пӧлкажын кугу шӧртньӧ медальже — этнографий дене паша тӱшкалан (1912);
• Паша Йошкар Тисте орден (10.06.1945);
• 1941—1945 ийласе Кугу Ачамланде сарыште чолга пашалан медаль (1945);
• СССР Шанче академийлан 200 ий темме лӱмеш чапкагаз (1945).

Шарнымаш

Шанчызым шарныме лӱмеш чӱчкыдын «Зеленин лудмаш» — этнографий, фольклористике да лишыл дисциплине-влакын проблемыштлан пӧлеклалтше шанче конференций-влак — эртаралтыт.

Палемдымаш

Кылвер-влак

• Зеленин Дмитрий Константинович // на сайте «ХРОНОС»
• Сосницкий Д. А., Ростовцев Е. А. Зеленин Дмитрий Константинович // Биографика СПбГУ
• Зеленин Д. К.: Сочинения