Жуков, Валентин Семёнович

Валентин Семёнович Жуков
Валентин Семёнович Жуков
Шочмо кече	1 пургыж 1916
Шочмо вер	Жданово ял, Яраҥ уезд, Виче губерний, Россий империй
Колымо кече	18 ага 1968 (52 ий)
Колымо вер	Йошкар-Ола, РСФСР[d], СССР;
Пурымаш	СССР
Войскан родшо	кавалерий[d]
Службо жап	1937—1939; 1941—1944
Званий
Часть	53 гвардейский кавалерий полк
Командоватлен	орудий расчёт дене
Кредалмаш/сар	Кугу Ачамланде сар;

Валентин Семёнович Жуков (1916, 1 февраль, Жданово ял, Виче губерний — 1968, 18 май, Йошкар-Ола) — Пашазе-кресаньык Йошкар Армийын изирак сержантше, Кугу Ачамланде сарын салтакше, Совет Ушемын Талешкыже (1943).

Илыш корныжо

Валентин Жуков 1916 ий 1 февральыште Жданово ялыште^{[К 1]} шочын. Тӱҥалтыш шинчымашым налын, тиддеч вара Горькийысе автомобиль заводым ыштымаште, вара Таганоргысо тӱрлӧ чоҥымо пашам шуктен. 1937—1939 ийлаште Пашазе-кресаньык Йошкар Армийыште служитлен. Демобилизоватлалтын, Виче кундемыш пӧртыльым. 1941 ий декабрьыште Жуков уэш армийыш налалтын да фронтыш колталтын. Касвел да Рӱдӧ фронтысо кредалмаште лийын, 61 армийысе 7-ше гвардий кавалерий корпусышто 15-ше гвардий кавалерий дивизийын 53 гвардейский кавалерий полкын 45 миллиметран орудийже дене командоватлен. Украинский ССР-ын Черново кундемжым утарыме годым поснак ойыртемалтын^[2].

1943 ий 21 сентябрьыште Жуковын расчётшо шолым чоҥен да шке орудийжым Снов эҥер гоч вончыктарен. Лишнак немыч снаряд пудештмек, саргурал вӱдыш логалын, туге гынат салтак-влак тудым касвел серышке луктын кертыныт. Смяч села верч кредалмаште, эскадрон пелен сарым вӱдышыла, Жуковын расчётшо тушман ваштареш тулым виктарен. Немыч войска-шамычын контратакыштым чактарыме годым расчёт тушман пехотын штурмовой орудийжым да взвод деч утларак немыч пехотым пытарен^[2].

СССР Кӱшыл Совет Президиумын 1943 ий 24 декабрьысе кӱштыкше дене «немыч захватчик-влак дене кучедалме, Днепр эҥерым форсироватлыме да тидын годым лӱддымылыкым ончыктышо» гвардийын изирак сержантше Валентин Жуков Совет Ушемын Талешкыже чаплӱмым сулен, Ленин орден да 2632 номеран «Шӧртньӧ Шӱдыр» медальым кучыктымо^[2].

Ик кредалмаште Жуков нелын сусырген да 1944 ийыште эмгак лийме шот дене демобилизоватлалтын. Горькийыште илен, Горьков автомобиль заводышто слесарьлан пашам ыштен, вара Волжскыш куснен, Волжскысе кагаз комбинатыште тыршен. Илышыжын пытартыш ийлажым Йошкар-Олаште илен. 1968 ий 18 майыште колен^[2].

Тыгак 2-шо степенян Ачамланде сар орден дене (7.12.1942^[3]) да икмыняр медаль-влак дене суапландарыме^[2].

Шарныктыш

Талешкын лӱмже Киров оласе Пионер полатын шындерыштыже мемориал оҥаште

Талешкын лӱмжым Киров оласе Пионер полатын шындерыштыже Виче кундемын Совет Ушемын Талешкыже-влак лӱмеш мемориал оҥаш палемдыме.
Геройын лӱмжым Моско олан Сеҥымаш паркыштыже верланыше Кугу Ачамланде сарысе Рӱдӧ тоштерын Чап залыштыже шӧртньӧ буква дене возымо.
Геройын шӱгар ӱмбалныже чапкӱм шогалтыме.
Жуковлан чапкӱм Шанчара вел Матвенур селаште вераҥдыме^[2].

Палемдымаш

↑ Жданово (руш.). Родная Вятка (22 вӱдшор 2015). Тергыме кече: 11 сорла 2019. Архивлыме 12 сорла 2019 ий.
↑ ¹ ² ³ ⁴ ⁵ ⁶ Валентин Семёнович Жуков (руш.). Сайт «Герои страны».
↑ Наградной лист в электронном банке документов «Подвиг народа».

Умылтарымаш

↑ Деревня Жданово, относившаяся к Ихтинской, затем — к Санчурской волости Яранского уезда, в последующем входила в состав Куртьинского, Кричейского сельсовета Санчурского района Кировской области; упразднена 26.12.2000^[1].

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Смирнов В. Адрес подвига — вятский. — Киров, 1995.

[1] Жданово (руш.). Родная Вятка (22 вӱдшор 2015). Тергыме кече: 11 сорла 2019. Архивлыме 12 сорла 2019 ий.

[wh-3] ¹ ² ³ ⁴ ⁵ ⁶ Валентин Семёнович Жуков (руш.). Сайт «Герои страны».

[4] Наградной лист в электронном банке документов «Подвиг народа».

[2] Деревня Жданово, относившаяся к Ихтинской, затем — к Санчурской волости Яранского уезда, в последующем входила в состав Куртьинского, Кричейского сельсовета Санчурского района Кировской области; упразднена 26.12.2000^[1].

[К 1]

[2]

[3]

[1]