Двинянинов, Альберт Валентинович

Альберт Валентинович Двинянинов
Альберт Валентинович Двинянинов
Шочмо кече	21 идым 1929 (96 ий)
Шочмо вер	Олени, Масканур ял шотан илем[d], У Торъял кундем, Марий автоном область, Горький край, РСФСР[d], СССР;
Эл	СССР; Россий;
Награде да премий	Марий АССР-ысе тӱвыран сулло пашаеҥже[d] МАССР Кӱшыл Каҥаш Президиумын Чапкагазше[d]

Альберт Валентинович Двинянинов (1929 ий 21 сентябрь, Шура, Марий автоном область) — совет да россий журналист. Марий АССР-ысе тӱвыран сулло пашаеҥже (1989). «1941–1945-ше ийлаште Кугу Ачамланде сарыште Сеҥымашлан 80 ий темме лӱмеш» лӱмгече медаль дене суапландаралтын (2025).

Илыш корныжо

Альберт Двинянинов 1929 ий, идым тылзын 21-ше кечынже, Какшан мучаш (Пектубай) вел Шура ялыште шочын. Кызыт тиде ял У Торъял кумдыкышто улеш. Ешыште ныл йоча лийын. Аваже тӱҥалтыш школысо йоча-влакым туныктышылан пашам ыштен. Ачаже 1942 ийыште фронтыш каен^[1].

Альберт Валентинович Пектубай кыдалаш школышто 10 классым тунем пытарен да Педагогике институтын историй факультетышкыже тунемаш пурен.

Институт деч вара Кожласола кыдалаш школышто (Провой) ныл ий немыч йылмым да историйым туныктышылан пашам ыштен. Тыгак кас школышто экономике географийым туныктен, молан манаш гын, ту жапыште туныктышо-влак ситен огытыл.

Вара Йошкар-Олаш куснен да «Марийская правда» газетыште сылнымут пашаеҥ олмым айлен, партий илыш пӧлкам вуйлатен, тыштак сулен налме канышыш лекмешкыже тыршен. Но Альберт Валентинович паша деч посна шинчен кертын огыл, «Профсоюзный диалог» газетын редакторжо лийын. Вара «Сельская жизнь» газетыште тыршен.

2000-ше ийлаште мемнан республикыште "История сел и деревень Республики Марий Эл" серий дене книга-влак лукталтыныт. Альберт Валентинович Медведево район нерген «43-шо ийыште шочшо» книгам ямдылымаште тыршен.

Тыгак У Торъял да Юрино кундемысе калыкын тылыште тыршымыж нерген книгалан ончылмут-очеркым возен. Альберт Валентинович кызытат шуко лудеш да самырык-влак дене шке шинчымашыжым куанен пайла. Тудо мемнан шочмо мланде, республик нерген шуко оҥайым палыше мутмастар.

Ешыже

шольыжо: Арнольд (1937—2021) — совет радиокылкучышо (радионастройщик), Социалист Пашан Талешкыже (1974).

Суаптарже-влак

МАССР Кӱшыл Каҥаш Президиумын Чапкагазше (1982)^[1]
Марий АССР-ысе тӱвыран сулло пашаеҥже (1989)^[1]
«1941–1945-ше ийлаште Кугу Ачамланде сарыште Сеҥымашлан 80 ий темме лӱмеш» лӱмгече медаль (2025)^[2]

Палемдымаш

↑ ¹ ² ³ Марийская биографическая энциклопедия-2, 2017, с. 120.
↑ Марийская правда

Литератур

Мочаев В. А. Двинянинов Альберт Валентинович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 120. — 606 с. — 1500 экз. — ISBN 978-5-905314-35-3.

Кылвер-влак

[_523cc8ecd44d4461-1] ¹ ² ³ Марийская биографическая энциклопедия-2, 2017, с. 120.

[2] Марийская правда

[1]

[2]