Горшков, Захар Ефимович
| Захар Ефимович Горшков | ||||
|---|---|---|---|---|
 | ||||
| Шочмо кече | 1910 ий 19 шыжа | |||
| Шочмо вер | Титово, Чембар уезд, Пенза губерний, Россий империй | |||
| Колымо кече | 2000 ий 11 шорыкйол (89 ий) | |||
| Колымо вер | Йошкар-Ола, Марий Эл, Россий | |||
| Гражданлык |
 Россий империй →  СССР → Россий |
|||
| Паша сомыл | партий пашаеҥ, колхоз председатель | |||
| Награде да премий |
|
|||
Захар Ефимович Горшков (19 шыжа 1910, Титово[d], Чембар уезд[d], Пенза губерний[d], Россий империй — 11 шорыкйол 2000, Йошкар-Ола, Марий Эл Республик, Россий) — совет озанлык да партий пашаеҥ. Марий АССР Медведево район Чапаев лӱмеш колхоз председатель (1958–1973). Ленин орденын кавалерже (1971). 1931 ий гыч ВКП(б) йыжъеҥ. Марий АССР Кӱшыл Каҥашын 6–7-ше созывысе депутатше (1963–1971).
Илыш корно
1910 ий 19 октябрьыште Пенза кундем кызытсе Пачелма район Титово посёлкышто корно оролын ешыштыже шочын[1].
1929 ийыште ялысе школым (4 классым), 1937 ийыште Самарыште ялозанлык школым тунем пытарен[1].
1931 ийыште ВКП(б)-ш налыныт. Тамбов да Пенза кундемлаште партий пашаеҥ лийын[1].
1945 ийыште Москошто Ленин лӱмеш курсым тунем пытарымеке, Марий АССР-ыш колтеныт: Роҥго ВКП(б) райкомын кокымшо секретарьже лийын[1].
1953 ийыште Угарман кундем партий школым тунем пытарен. 1953–1958 ийлаште — Куженер КПСС райком секретарь[1].
«Кумловичтӱжемаш-влак» радамыш пурен: 1958–1973 ийлаште — Марий АССР Медведево районышто ушен ыштыме Чапаев лӱмеш колхозын (Пӱясер села) председательже. Тудын годым Марий республикыште ты озанлык ик эн ончыл верыште лийын[1][2][3][4].
1963–1971 ийлаште Марий АССР Кӱшыл Каҥашын 6-шо да 7-ше созывласе депутатшылан сайлалтын[1][4][5].
Калык озанлыкым вияҥдымашке надыржылан Ленин орден, «Чап Тамга» орден да медаль-влак дене палемдалтын[1].
2000 ий 11 январьыште Йошкар-Олаште илыш дене чеверласен[1].
Суаптар
- Ленин орден (1971)[1]
- «Чап Тамга» орден (1965)[1]
- «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)[1]
Палемдымаш
- ↑ 1 2 3 4 5 6 7 8 9 10 11 12 Мочаев, 2017, с. 108.
- ↑ Нурма (Пиясир) | Государственное бюджетное учреждение "Государственный архив Республики Марий Эл". gosarhivrme.ru. Тергыме кече: 12 пургыж 2026.
- ↑ Нурма (Пиясир, Мазарская, Богородское) | Родная Вятка. rodnaya-vyatka.ru. Тергыме кече: 12 пургыж 2026.
- ↑ 1 2 Горшков Захар Ефимович (руш.). Марийская история в лицах. Тергыме кече: 12 пургыж 2026.
- ↑ Официальный сайт Госсобрания Республики Марий Эл. old.gsmari.ru. Тергыме кече: 12 пургыж 2026.
Литератур
- Васильев К. Место в строю // Марийская правда. — 24 февраля 1963. — № 47.
- Мочаев В. А. Горшков Захар Ефимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 108. — 606 с. — 1500 экз. — ISBN 978-5-905314-35-3.
Кылвер-влак
- Шыжа тылзын 19 кечынже шочшо-влак
- 1910 ийыште шочшо-влак
- Алфавит почеш персоналий-влак
- Чембар уездыште шочшо-влак
- Шорыкйол тылзын 11 кечынже колышо-влак
- 2000 ийыште колышо-влак
- Йошкар-Олаште колышо-влак
- Ленин орден дене суапландаралтше-влак
- «Почёт пале» орден дене суапландаралтше-влак
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- Колхоз председатель-влак
- Марий АССР-ысе Кӱшыл Каҥашын депутатше-влак
- Угарманысе виктем институтым тунем лекше-влак
- ВКП(б) йыжъеҥ-влак