Гоник, Лидия Александровна
| Лидия Александровна Гоник | |
|---|---|
 | |
| Шочмо кече | 1936 ий 9 ага |
| Шочмо вер | Половинка ст., Кизел район, Пермь область, РСФСР, СССР |
| Колымо кече | 2020 ий 6 пеледыш (84 ий) |
| Колымо вер | Йошкар-Ола, Марий Эл, Россий |
| Гражданлык |
 СССР →  Россий |
| Паша сомыл | педагог, завуч, пионервожатый |
| Награде да премий | |
Лидия Александровна Гоник (1936 ий 9 май, Половинка станций, Кизел вел, Пермь кундем, РСФСР, СССР ― 2020 ий 6 июнь, Йошкар-Ола, Марий Эл, Россий) ― совет да россий туныктышо. Марий Эл Республикын калык туныктышыжо (2001). Марий АССР школын сулло туныктышыжо (1987).
Илыш корныжо
1936 ий 9 майыште кызытсе Пермь кундем Кизел район Половинка станцийыште шочын[1][2][3].
1953 ийыште Йошкар-Олаш толын, Марий АССР Провой вел Красногорск школым тунем пытарен[4]. 1955 ийыште Йошкар-Оласе педагогике училищым, 1964 ийыште ― Н. К. Крупская лӱмеш Марий педагогический институтым (заочно) тунем пытарен[1][2][3].
Илышыж мучко пӱтынек манме гаяк Йошкар-Оласе 11 №-ан кыдалаш школышто пашам ыштен: 1955―1961, 1975―2001 ийлаште ― кугурак пионервожатый, туныктышо, тӱҥалтыш классын завучшо. 1961―1975 ийлаште Йошкар-Оласе 9 №-ан школын тӱҥалтыш класс туныктышыжо. Тудын педагогике стажше 46 ий шотлалтеш[1][2][4][3].
1987 ийыште Марий АССР-ын сулло туныктышыжо лийын. 2001 ийыште тудлан шуко ий поро кумыл дене туныктымо пашалан «Марий Эл Республикын калык туныктышыжо» чаплӱмым пуымо[1][2][3].
2020 ий 6 июньышто Йошкар-Олаште колен.
Пагалымаш
- Марий Эл Республикын калык туныктышыжо (2001)[1][2][3]
- Марий АССР школын сулло туныктышыжо (1987)[1][2][3]
- РСФСР калык просвещенийын отличникше
- СССР просвещенийын отличникше
Палемдымаш
- ↑ 1 2 3 4 5 6 Мочаев, 2017, с. 104.
- ↑ 1 2 3 4 5 6 Энциклопедия Республики Марий Эл, 2009, с. 308.
- ↑ 1 2 3 4 5 6 Гоник Лидия Александровна (руш.). Тергыме кече: 5 ага 2022. Архивлыме 5 ага 2022 ий.
- ↑ 1 2 Гоник Лидия Александровна | Минобрнауки Республики Марий Эл | ВКонтакте (руш.). vk.com. Тергыме кече: 5 ага 2022.
Литератур
- Кавиева Л. Г. Гоник Лидия Александровна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 92. — 2032 экз. — ISBN 5-87898-357-0.
- Гоник Лидия Александровна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 308. — 872 с. — 3505 экз. — ISBN 978-5-94950-049-1.
- Кавиева Л. Г. Гоник Лидия Александровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 104. — 606 с. — 1500 экз. — ISBN 978-5-905314-35-3.