Глушков, Леонид Павлович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Глушков.
Леонид Павлович Глушков
Глушков Леонид Павлович.jpg
Шочмо кече 8 шыжа 1938(1938-10-08) (87 ий)
Шочмо вер
Гражданлык  СССР →  Россий
Паша сомыл ечызе, ече дене куржталмаште тренер, педагог
Награде да премий

«РСФСР-ын сулло тренерже» знак
Изображение нагрудного знака мастера спорта СССР
Марий АССР-ысе кап-кыл тӱвыран сулло пашаеҥже (1988)

Леонид Павлович Глушков (шоч. 8 шыжа 1938, Памашнур, Марий Автоном Совет Социализм Республик) ― совет да россий спортсмен, ече дене куржталмаште тренер. «Спартак» ДСО-н Марий кундемысе каҥашын тренерже (1962―1987), СССР-ын ече дене куржталме шотышто тренер-влак каҥашын йыжъеҥже (1971―1980). Марий Эл Республикысе кап-кыл тӱвыра, спорт да туризм министрын алмаштышыже, икымше алмаштышыже (1990―2001). Российысе ече дене куржталше федераций Президиумын йыжъеҥже (1992―2000). РСФСР-ын сулло тренерже (1974). Марий АССР-ысе кап-кыл тӱвыран сулло пашаеҥже (1988). СССР-ын спорт мастерже (1964).

Илыш корныжо

1938 ий 8 шыжаште кызытсе Марий Элын Куженер вел Памашнур ялешыже шочын[1][2][3]. Изинек ача деч посна кодын, тудын аваже, Елизавета Кузьминична, 5 йочам ончен куштен, сар жапыште колхоз председательлан пашам ыштен[4].

7 ияш гыч Княжна (Данилово) ялыште илен, кызыт тудо Йошкар-Ола кумдыкышто улеш.

1957 ийыште Татар АССР-ысе Васильевысе чодыра-техникумым тунем пытарен[1][2].

1958―1961 ийлаште Совет армийыште служитлен.

Саратовысе автокорно институтыш  (руш.) (мар. тунемаш пурен, но спортышто кодаш шонен пыштен.

1961 ийыште Озаҥыште обороно ыштыкверыште ечызе-влакым тренироватлаш тӱҥалын[1][2].

1962―1987 ийлаште ― «Спартак» ДСО-н Марий кундемысе каҥашын тренерже[5][6].

1960-шо ийла мучаште «Спартакын» рӱдӧ, пӱтынь российысе каҥаш командын тренер штабшым да Марий АССР-ысе ече дене куржталше сборныйын штабшым вуйлатен[5][6].

1971―1980 ийлаште ― СССР-ын ече дене куржталше сборныйышто тренер каҥашын йыжъеҥже[1][2][5][6].

1986 ийыште, пашам кодыде, Н. К. Крупская лӱмеш Марий педагогике институтын кап-кыл шотышто куштымаш факультетшым тунем пытарен[1][2][7].

1987―1990 ийлаште ― Йошкар-Олаште ече дене куржталмаш шотышто СДЮШОР-ын  (руш.) (мар. кугурак тренерже[1][2].

1990―2001 ийлаште ― Марий Эл Республикысе Кап-кыл тӱвыра, спорт да туризм министрын алмаштышыже, икымше алмаштышыже[1][2].

Тренер паша

Изиж годсек ече дене коштын, 16 ияш икымше разрядым шуктен. Татарстанысе Васильевысе автокорно техникумышто тунеммыж годым лӱмынак ече дене таҥасаш ямдылалташ тӱҥалын[6].

Армийыште служитлымыж годым Кечывалвел-Урал сарзе округын  (руш.) (мар. призёржо, Подмосковье сарзе часть ден соединений-влакын чемпионжо лийын[6].

1964 ийыште тудо ече дене коштмаште СССР-ын спорт мастерже лийын[1][2][6].

Тренерлан пашам ыштыме жапыште 50 утла СССР да Российын спорт мастержым ямдылен, нунын радамыште 1974 ийысе ече дене коштмаште тӱнямбал чемпион Н. Селюнина[1][2]. Тудын вуйлатымыж почеш «Спартак» ЦС ДСО сборныйышто ӱдырамаш команде эстафетылаште Совет Ушемын чемпионатлаштыже 6 гана ончыл вер-влакым сеҥен налын, «Спартак»-ын Марий кундемысе сборныйжо 1974 да 1975 ийлаште российысе «Спартак»-ын чемпионатыштыже сеҥен, а 1975 ийыште Петрозаводскышто пӱтынь ушемысе обществын чемпионатыштыже эн виян лийын[5][8][6].

1992―2000 ийлаште ― Российын Ече дене куржталмаш федераций президиумын йыжъеҥже[1][2][5][9].

Кап-кыл тӱвырам да спортым вияҥдымашке надырлан 1974 ийыште тудлан «РСФСР-ын сулло тренерже» чаплӱмым пуымо, а 1988 ийыште ― «Марий АССР-ысе кап-кыл тӱвыран сулло пашаеҥже» лӱм дене палемдыме. Оҥпале, медаль да Марий АССР Кӱшыл Каҥаш Президиумын Чаптаныкше дене палемдалтын[1][2][5][6].

Пагалымаш

  • РСФСР-ын сулло тренерже (1974)[1][2][5][7]
  • Марий Эл Республикын спорт ветеранже (2020)[7]
  • Марий АССР-ысе кап-кыл тӱвыран сулло пашаеҥже (1988)[1][2][5][7]
  • Ече дене коштмо шотышто СССР-ын спорт мастерже (1964)[1][2][5][7]
  • Марий АССР Кӱшыл Каҥаш Президиумын Чаптаныкше (1974)[1][2][7]

Палемдымаш

  1. ↑ 1 2 3 4 5 6 7 8 9 10 11 12 13 14 15 Энциклопедия Республики Марий Эл, 2009, с. 307—308.
  2. ↑ 1 2 3 4 5 6 7 8 9 10 11 12 13 14 15 Мочаев, 2017, с. 101—102.
  3. ↑ Памашнур | Родная Вятка (руш.). rodnaya-vyatka.ru. Тергыме кече: 23 шыжа 2025.
  4. ↑ Наш календарь: девять лет назад русские в Марий Эл обрели, наконец, свой культурный центр (руш.). МариМедиа. Тергыме кече: 23 шыжа 2025.
  5. ↑ 1 2 3 4 5 6 7 8 9 Admin Глушков Леонид Павлович | Спорт-страна.ру (руш.) (28 шыжа 2024). Тергыме кече: 23 шыжа 2025.
  6. ↑ 1 2 3 4 5 6 7 8 Его «Спартак» 6 раз завоевывал призовые места на чемпионатах Советского Союза, <https://www.marpravda.ru/news/sport/ego-spartak-6-raz-zavoevyval-prizovye-mesta-na-chempionatakh-sovetskogo-soyuza/>. Тергыме: 23 шыжа 2025. 
  7. ↑ 1 2 3 4 5 6 Глушков Леонид Павлович | Музей (руш.). museum.marsu.ru. Тергыме кече: 23 шыжа 2025.
  8. ↑ Новости Конганурской средней школы (руш.). kongschool.narod.ru. Тергыме кече: 23 шыжа 2025.
  9. ↑ Региональная ОО "Федерация Лыжных Гонок Республики Марий Эл": ИНН 1215079683, ОГРН 1021200010193 – проверить контрагента в системе СТАР (руш.). СТАР — Система Торговых Аналитических Решений. Тергыме кече: 23 шыжа 2025.

Литератур

  • Мочаев В. А. Глушков Леонид Павлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 90. — 2032 экз. — ISBN 5-87898-357-0.
  • Глушков Леонид Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 307—308. — 872 с. — 3505 экз. — ISBN 978-5-94950-049-1.
  • Кудрявцева В. В., Мочаев В. А. Глушков Леонид Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 101—102. — 606 с. — 1500 экз. — ISBN 978-5-905314-35-3.
  • Антонов А. Его «Спартак» 6 раз завоёвывал призовые места на чемпионатах Советского Союза // Марийская правда. ― 2018. ― 8 октября.

Кылвер-влак

"https://mhr.ruwiki.ru/w/index.php?title=Глушков,_Леонид_Павлович&oldid=1232575" гыч налме