Матвеев, Владимир Владимирович
| Владимир Владимирович Матвеев | |
|---|---|
| Володя Матвеев | |
 Володя Матвеев концертыште. 2014 ий. П. Васильевын фотожо. | |
| Шочмо кече | 1989 ий 27 ага (37 ий) |
| Шочмо вер | Марий АССР, Юлсер кундем Отымбал ял |
| Гражданлык |
 СССР Россий |
| Подданстве | Россий |
| Паша сомыл | мурызо, радиовӱдышӧ, драматург, серызе, почеламутчо |
| Пелаш | Лира |
| Икшыве-влак | Владислава, Дамир, Амира |
| Награде да премий |
Марий Эл Республикысе М. Шкетан лӱмеш Кугыжаныш премий (2013) Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премий (2020) |
Влади́мир Влади́мирович Матве́ев (шоч. 27 ага 1989, Отымбал, Марий Автоном Совет Социализм Республик) — марий мурызо, радиовӱдышӧ, серызе, драматург, журналист, сценарист, Марий Эл Республикысе М. Шкетан лӱмеш Кугыжаныш премийын лауреатше (2013), Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийын лауреатше (2020). Российысе журналист-влак ушемын йыжъеҥже (2020 ий), Российысе писатель-влак ушемын йыжъеҥже (2022 ий).
Илыш корныжо
Володя Матвеев Юлсер кундем Порат ялшотан илемын Отымбал ялыштыже вич шочшан ешеш шочын-кушкын. Отымбал школышто тÿҥалтыш класслаште тунемын, 6-шо класс гыч Пöтъял тунемме рÿдерыш куснен. Тушто тÿҥалтыш музык шинчымашым налын: баян дене шокташ тунемын (туныктышыжо — Геннадий Анатольевич Романов). Школ пеленысе сылнымут кружокышто шке возымо мастарлыкшым терген (туныктышыжо — Нина Павловна Синичкина). Шке шочмо ялысе тӱвыра пöрт пелен самодеятельностьыштат шуаралтын, мураш да кушташ кумылаҥын (тӱвыра пӧрт вуйлатыше — Галина Алексеевна Дмитриева). Икманаш, сылнымут да муро тӱня дек йӧратымаш тудын шочмо Отымбал клубыш коштмыжо да Пӧтъял тунемме рӱдерыште тунеммыж годым ылыжын[1].
2011 ийыште Марий кугыжаныш университетым «журналистике» специальность дене тунем пытарен[2][3]. Университетын да факультетын мер илышыштыже шкежым чолган ончыктен[4]: «Студент шошо» фестивальын лектышыже почеш «Эстраде сымыктыш» номинацийыште призовой вер-влакым налын. Кудымкар олаште эртыше «IFUSCO-2010» финн-угор студент-влакын калык-влак кокласе шанче конференцийыш шанче шымлызе семын ушнен.
2014 ийыште И. С. Палантай лӱмеш Марий республикысе тӱвыра да сымыктыш колледжын «эстраде творчестве» заочный отделенийжым тунем пытарен[2][4]. Туныктышын, эстраде коллектив вуйлатышын дипломжо уло.
2020 ий гыч — Марий национал конгресс исполкомын директоржо. Тӱрлӧ социально-кӱлешан да тӱвыра проект-влакын авторжо да соавторжо[4].
Паша (журналистике)
- 2007-ше ий гыч «Марий Эл Радиошто» пашам ышта. Ончыч тушто тунемме-производственный практикым эртен, вара пашаш налыныт[1].
- 2007-ше ий гыч — корреспондент;
- 2012-шо ий гыч — сем редактор;
- 2015-ше ий гыч — тӱҥ редактор[5].
Ончыч «Поэтъял», «Коҥгадӱр воктене», «Шӱдыран кастене» да эше ятыр передачым ямдылен. 2010-шо ий гыч «Ӱмыргорно» передачым вӱда. Журналистике аланыште тыршымыжым кӱкшын аклен, Марий Эл Республикысе тӱвыра, печать да калык-влакын пашашт шотышто министерствын Чап Таныкше (2020), Марий Эл Республикысе Виктерын Чап Таныкше (2015), Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийже (2020) дене палемденыт. Россий Федерацийысе Кугыжаныш Думын Депутатше-влакат тиде пашажлан Таумутым кучыктеныт: Лариса Николаевна Яковлева (2015), Светлана Юрьевна Солнцева (2020).
2020-шо ийыште Сар dетеран Наталья Александровна Иванова нерген «Ӱмыргорно» передаче кышкарыште ямдылыме радиоочеркше Россий кӱкшытысӧ «Российын Патриотшо-2020» конкурсышто сеҥыше-влак радамыш логалын (III-шо степенян kауреат).
2020-шо ийыште «Марий Эл Радион» пашаеҥже-влак В. Аптулаев да Ж. Фёдорова дене пырля Кугу Сеҥымашлан 75 ий темме лӱмеш да Марий Эл Республикын 100 ияш лӱмгечыже вашеш ямдылыме передаче-влаклан Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийже дене палемдалтын[4].
Мурызо семын
Эше Отымбал школын тӱҥалтыш класслаштыже тунеммыж годым верысе тӱвыра пӧртыш коштын да ансамбльыште шуаралтын. Солист семынат икмыняр мурым мурен. 2000-шӧ ийыште Пӧтъял тунемме рӧдерыште 9-ше классыште тунеммыж годым мураш тӱҥалын. Мурызо да семлызе Вячеслав Осипов дене палыме лиймеке, тудын дене пырля икмыняр мурым йоҥгалтарашлан ямдылен. 2005 ийыште кугу сценыш лектын. 2008 ий гыч моло автор-влакын возымо почеламутышт да семышт дене муро-влакым луктеш. Алена Яковлева дене «Касарыдыме сулык» ныжыл мурым йоҥгалтара. Тиде дуэт Марий Эл Радион йодыштмашыж почеш тудо жапыште «Идалыкын эн чапле дуэтше» лӱмым сулен. Ты жапыштак шке возымо почеламутшылан мурым мураш тӱҥалеш, концертлашке моткоч чӱчкыдын коштеш. Гастроль дене Татарстан, Пошкырт Эл, Свердловск вел, Виче вел марте шуэш[6].
2010—2011 ийла гыч Анатолий Зарецких дене икмыняр гана чолга дуэтым чоҥа, пырля ятыр кундемыш гастроль дене тарванат, пырля Йошкар-Олаште кугу концертым шындат. Тиде жап гыч Володя Матвеевын муро-влакыштыже калык сем деке шӱмаҥмаш шижалташ тӱҥалеш. Куштымаш такмак-влакым ямдыла, «Куэрлаште» мурым луктеш. Варажым «Куэрлаште» мурылан профессиональный клипым луктеш.
Театр постановко-влак
- «Марпа» моноспектакль, 2012 ий, Марий самырык театр[7].
- «Ош тӱняш толмо годым» 2013 ий, Курыкмарий драме театр[8].
- «Ава капитал», 2020 ий, М. Шкетан лумеш драме театр[9].
Муро-влак
- Володя Матвеев — Унам-влаклан.
- Володя Матвеев — Тыге лиеш мо йӧраташ?!
- Володя Матвеев — Икымше лум.
- Володя Матвеев — Шем шинчан таҥем.
- Володя Матвеев — Тылат мурем.
- Володя Матвеев — Мый толам тый декет.
- Володя Матвеев — Шыманрак шинчашкет ончынем.
- Володя Матвеев да Анатолий Зарецких — Сагынет гын…
- Володя Матвеев, Эльвира Трифонова, Анатолий Зарецких, Лилия Петухова, Артур Ефремов — Чоным почын мурена.
- Володя Матвеев да Наташа Пушкина — Йӱржӧ йӱреш.
- Володя Матвеев — Йӧратен шынденам.
- Володя Матвеев — «Кече тый улат».
Суаптар да чаплӱм
- «Ший памаш» финно-угор калык кокласе эстраде муро фестивальын III-шо степенян Лауреатше (2011);
- Марий Эл Республикысе кугыжаныш погынын Таумутшо (2011);
- Марий Эл Республикысе М. Шкетан лӱмеш Кугыжаныш премий (2013)[4];
- Марий Эл Республикысе Виктерын Чап Таныкше — радиовещанийыш надырым пыштымылан (2015);
- Т ӱшка увер кыл-влак коклаште эртаралтше «Российын патриотшо» конкурсын III-шо степенян лауреатше (2020);
- Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премий (2020)[10];
- «Марий Эл Республикылан — 100 ий» шарнымаш медаль (2022);
- «Марий Элын шӧртньӧ перожо» премий (2023)[11];
- «Марий Эл Республикылан — 100 ий» шарнымаш медаль (2023);
- Марий Эл Республик вуйлатышын радиовещанийым вияҥдымаште надырлан Таумутшо (2023).
Палемдымаш
- ↑ 1 2 Известный в Марий Эл журналист, певец и драматург Владимир Матвеев: «В моей жизни все взаимосвязано», <https://www.marpravda.ru/news/religiya/izvestnyy-v-mariy-el-zhurnalist-populyarnyy-pevets-dramaturg-vladimir-matveev-v-moey-zhizni-vse-vzai/>. Тергыме: 12 сӱрем 2024.
- ↑ 1 2 Страница Вдадимира Матвеева «ВКонтакте» (руш.). vk.com. Тергыме кече: 20 пургыж 2025.
- ↑ Усталык шӱлыш тудын чоныштыжо ила... (мар.). kidsher.ru. Тергыме кече: 20 пургыж 2025. (Архивная копия)
- ↑ 1 2 3 4 5 МБУ «Централизованная библиотечная система администрации Волжского муниципального района». cbspomary1.ru. Тергыме кече: 20 пургыж 2025.
- ↑ Матвеев Владимир — Марийский язык — все произведения автора (руш.). Россия для всех. Тергыме кече: 20 пургыж 2025.
- ↑ Альбомы и дискография Володя Матвеев | Last.fm (руш.). Last.fm. Тергыме кече: 20 пургыж 2025.
- ↑ Марийский театр юного зрителя (руш.). www.mari-tuz.ru. Тергыме кече: 20 пургыж 2025.
- ↑ Марышев Николай Леонидович — Театральные архивы России и русского зарубежья. theatre-museum.ru. Тергыме кече: 20 пургыж 2025.
- ↑ АВА каПИтАЛ / Материнский капитал — М.Шкетан лӱмеш Марий кугыжаныш драме театр, <https://shketan.ru/piece/ava-kapital/>. Тергыме: 20 пургыж 2025.
- ↑ Стали известны обладатели молодежных премий Марий Эл (неопр.). kidsher.ru. Тергыме кече: 12 сӱрем 2024.
- ↑ «Золотое перо Марий Эл» получил главред «Марий Эл радио» Владимир Матвеев (руш.). Тергыме кече: 3 шыжа 2025.