Боголюбова, Лилия Владимировна

Лилия Владимировна Боголюбова
Лилия Петухова
Шочмо годсо лӱм	Лилия Владимировна Петухова
Шочмо кече	1992 ий 30 пеледыш(1992-06-30) (34 ий)
Шочмо вер	Марий Эл, Морко кундем, Кожлаер ял
Гражданлык	Россий
Паша сомыл	мурызо
Икшыве-влак	Артём эрге Риана ӱдыр

Лилия Петухова (Лилия Владимировна Боголюбова (Петухова)) (шоч. 30 пеледыш 1992, Кожлаер, Марий Автоном Совет Социализм Республик) — марий мурызо.

Илыш корно

Лилия Петухова 1992 ий пеледыш тылзын 30-шо кечынже Морко кундемысе Кожлаер ялыште шочын. Аваже — Петухова Асия Гаптулхаковна, кевытоза, ачаже — Петухов Владимир Николаевич, самодеятельный композитор, Моско олаште пашам ышта.

Тунеммаш да паша

Тӱҥалтыш шинчымашым Кожлаер школышто налын. 10-11 классым Волаксола кыдалаш школышто пытарен. 2009-2010 ийыште ФГОУ СПО «Йошкар-Оласе строительный техникумышто» экономик-правовой пӧлкаште юристлан тунем лектын (специальность — правоведение, хозяйственно-правовой специализаций, квалификаций - юрист).

2010-2013 ийлаште АНО ВПО «Межрегиональный открытый социальный институтышто» заочно юридический факультетыште тунемын. Специальность — юриспруденций, специализаций — гражданско-правовой, квалификаций — юрист. Тунемме жапыште пашам ыштен — Морко рӱдӧ эмлымверыште тӱҥ эмлызын секретарьжылан тыршен. 2014 ий гыч 2019 ий марте ООО «Жилкомсервис» организацийыште юрисконсультлан пашам ыштен. Кызыт сурт кокла сомылкам виктара да кок йочам ончен кушта.

Еш

2014 ийыште ешым чумырен. Пелашыже — Боголюбов Алексей Валерьевич. Кок икшывышт уло: Артём ден Риана.

Мурымаш паша

Мураш изинекак йӧратен. Ачаже — гармоньчо, аважат мураш йӧрата, сандене, очыни, мураш-кушташ йоча годымак тунемын. Йоча садыш коштмо годым районысо конкурслаште таҥасен, сеҥыше радамыш лектын, ялысе клуб пашаеҥ-влак дене тӱрлӧ яллашке концерт дене коштыныт. Ты годымак мурызо лияш эреак шонен.

2011 ийыште «Марий Эл Радион» эртарыме «идалыкысе муро» концертыште икымше гана «Йолташемлан» муро дене кугу сценыш калык ончыко лектын, радиоэфирыште икымше йоҥгалтарыме мурыжо «шочмо кече».

Усталык кылым марий эстрадын шӱдыржӧ-влак дене кучен: Володя Матвеев, Артур Ефремов, Эльвира Трифонова, Анатолий Зарецких, Ирина Якаева. Нине артист-йолташыже-влак дене пырля ик гана веле огыл Российыште марий-влакын тӱшкан илыме верлашке гастроль дене пырля коштыныт: Свердловск вел, Пошкырт Эл, Удмуртий, Татарстан.

Муро-влак

• «Шочмо кече»
• «Йӧратыме пагыт»
• «Йолташемлан»
• «Марий ӱдыр»
• «Ондалыш таҥем»
• «Ош висвис»
• «Кодшо йӧратымаш»
• «Такмак-влак»
• «Ял гыч фронтышко»
• «Авай, авайна»
• «Кушто улат, пиалем»
• «Авай»
• «Шинчаштемже тыйынак веле»
• «Кеч лӱметым каласал»
• «Вучем шуматкечым»
• «Тыланет кӧра»
• «Йӧратымаш ила»
• «У такмак-влак»
• «Вучо, вучо»
• «Вашлиймаш»
• «Поран»

Чап танык-влак

• 2008 ий — «Талантан самырык тукымлан полшымаш» направлений почеш Морко кундемысе администраций вуйлатышын грантшым сеҥен.
• 2008 ий — «Икоян Россий» партийысе марий регионысо пӧлкан дипломжо дене «Художественное творчество» номинацийыште палемдалтын.

Палемдымаш