Трифонова, Эльвира Андреевна
| Эльвира Андреевна Трифонова | |
|---|---|
| Эльвира Трифонова | |
 Марий мурызо сценыште П. Васильевын фотожо. | |
| Шочмо кече | 1968 ий 12 пеледыш (58 ий) |
| Шочмо вер | Марий АССР, У Роҥго кундем Колыгудо ял |
| Гражданлык |
 СССР Россий |
| Паша сомыл | мурызо |
| Икшыве-влак | эрге |
| Награде да премий | |
Эльвира Трифонова (Пустой шаблон {{ВД-Преамбула}}) — марий мурызо, Марий Эл Республикысе тӱвыран сулло пашаеҥже (1998).
Биографий
Эльвира Трифонова Марий АССР, У Роҥго кундем, Колыгудо ялыште 1968 ий пеледыш тылзын 12-шо кечынже шочын. У Роҥгысо школын 8 классшым 1983 ийыште пытарен. Вара Йошкар-Олаш, сем училищыш тунемаш пурен. Домра дене йоҥгалтарен. Вара Марий кугыжаныш педагогик институтышто шинчымашым поген, вара угыч сем училищыш вокальный пӧлкаш пурен.
И.С. Палантай лӱмеш музыкальный училищыште тунеммыж годымак, тудо Йошкар-Оласе М.И.Калинин лӱмеш тӱвыра полат пеленсе "Наигрыш" калык семӱзгар оркестрыште шоктен. Вуйлатен ты коллективым Александр Леонидович Федяев. Эльвиран сай йӱкшым колынат, чӱчкыдынак оркестр почеш мураш лекташ йодын.
|
- А вара Александр Леонидович Медведево районысо Ежово селашке культура пöртыш пашам ышташ кусныш. Оркестржат туштак ыле. Музыкальный училище деч вара мыйым 1987 ийыште Параньгашке йоча музыкальный школыш пашам ышташ колтышт. Ик ий гыч Н.Крупская лӱмеш пединститутыш тунемаш пурышым. Тунамак Ежово селасе культура пöртыш пашаш налыныт. Пединститут деч вара эше музыкальный училищын вокальный отделенийжым тунем лектын шуктенам. Кок гана музыкальный училищым тунем пытаренам вет. - Ондак домристка, а вара вокалистка семын.
|
|
Еш
Пелашан. Эргыже уло.
Тӱвыра паша
Тӱҥ шотышто марий калыклан Эльвира Трифонова мурызо семын палыме. Тиддеч посна Эльвира МарКТУ пеленысе «Светлица» руш калык мурым мурышо ансамбльым вуйлата. Чӱчкыдын пырля концертым шындат. Тылеч посна Эльвира Трифонова «Марий памаш» ансамбль дене пашам ышта. Ты коллектив марий калык мурымат йоҥгалтара. Мурызо Ежово селасе культура да каныме рӱдерыште "Журавушка" ветеран да "Ежики" йоча ансамбль-шамычым вуйлата (1998 ий гыч). Но тидын дене гына ок серлаге. Эльвирам "Гармонь" калык ансамбльын солисткыже семынат палат. Икмыняр ий ончыч ты коллектив дене Нижний Новгород олашке "Венок Поволжья" фестиваль-конкурсыш миен ыле. Калык мурым йоҥгалтарыше мурызо-влак коклаште икымше верым да лауреат лӱмым сеҥен налын. Пашажым кӱкшын аклен, Эльвира Трифоновалан Марий Эл тӱвыран сулло пашаеҥже лӱмым пуеныт.
Муро-влак
Шкет мурымаш
- Эрвел такмак-влак (?)
- Иленат кертам улмаш (?)
- Алян мурыжо (?)
- Рвезе, тый каласе (?)
- Кеҥеж кас (?)
- Лиеш сӱанет (?)
- Чеверынат-чеверын (?)
- Вучем пӧртылметым (?)
- Ош луман эрдене (2017)
- Мые тыйым ужам гын (2018)
- Ах, могае лийынам (2018)
- Авалта пиал тӱням (2021)
- Шерге илышем (2022)
- Лийнем эре йӧратымет (2023)
- Поро лийже, марий калыкна (2023)
Дуэт
- Йӧраташ – пиал (2023). Йорга каче дене пырля
Ансамбль
- Чоным почын мурена (?) – Эльвира Трифонова, Анатолий Зарецких, Лилия Петухова, Володя Матвеев, Артур Ефремов дене пырля
- Олян гына (?) – Эльвира Трифонова, Анатолий Зарецких, Володя Матвеев дене пырля