Быстряков, Владимир Николаевич

Владимир Николаевич Быстряков
Владимир Николаевич Быстряков
Шочмо кече	1900 ий июль
Шочмо вер	Озаҥ губерний, Россий империй
Колымо кече	1938 ий 27 идым
Колымо вер	СССР
Пурымаш	Россий империй; РСФСР; СССР
Войскан родшо	Пашазе-Кресаньык Йошкар Армий, ОГПУ, Юстиций
Службо жап	1918 ий — 1928 ий, 1937 ий
Кредалмаш/сар	Российыште граждан сар

Владимир Николаевич Быстряков (сӱрем 1900, Эҥерсола, Чарла уезд, Озаҥ губерний, Россий империй — 27 идым 1938, Йошкар-Ола, Марий Автоном Совет Социализм Республик, РСФСР^[d], СССР) — кугыжаныш лӱдыкшыдымылык шотышто пашаеҥ, Марий АССР НКВД тройкын йыжъеҥже.

Илыш корно

1918 ий гыч Пашазе-кресаньык Йошкар Армийыште (РККА) (руш.) (мар., 1920 ий гыч РКП(б) йыжъеҥ. 1922 ий марте РККА-н кыдалаш командный составшым ямдылыше Смоленскысе курсышто тунемын. 1921 ий мартыште Кронштадт пуламырым темдалмаште лийын. 1922 ий гыч ГПУ-н чекым оролышо войскаштыже лийын. 1925 ий марте ОГПУ-н Ленинградысе чек школын колыштшыжо. 1925 ий гыч 1928 ий марте чек заставын начальникше. 1928 ий гыч 1929 ий марте Марий автоном областьыште Оршанке чодыра йӧнозанлык ыштыкверын директоржо. 1929 ий гыч 1930 ий марте Оршанке район Советын Исполнитель комитетшын председательже. 1930 ий гыч 1934 ий марте ВКП(б) Марий кундемысе эскерыше комиссий председательын алмаштышыже, тидын годымак 1931 ийыште ВКП(б) РК пеленысе курсышто тунемын. 1934 ий гыч 1935 ий марте Марий кундемысе Потребитель коопераций ушемын председательже. 1935 ий гыч Марий автоном кундемысе прокурорын алмаштышыже. 1937 ийыште Марий автоном кундемын прокуроржо. 1938 ий май марте Марий АССР Советын Исполнитель комитетшын председательже. 1938 ий 20 майыште НКВД (руш.) (мар. тудым арестоватлен да тудо ийынак 27 сентябрьыште лӱен пуштын.

Суаптар-влак

Йошкар Тисте орден, 1922^[1]

Палемдымаш

↑ Приказ РВСР № 44.

Кылвер-влак

Справочник по истории Коммунистической партии и Советского Союза 1898—1991

[1] Приказ РВСР № 44.

[1]