Бурнашева, Елена Эдуардовна

РУВИКИ — эрыкан энциклопедий гыч материал
Елена Эдуардовна Бурнашева
Бурнашева, Елена Эдуардовна.jpg
Шочмо кече 3 сӱрем 1962(1962-07-03) (64 ий)
Шочмо вер
Эл
Награде да премий

Еле́на Эдуа́рдовна Бурна́шева (шоч. 3 сӱрем 1962, Озаҥ) — российысе тӱвыра пашаеҥ, сымыктышым шымлыше. Марий Эл Республикысе тӱвыран сулло пашаеҥже (2011). Республикысе сӱретсымыктыш тоштерын, Калыкле сылнысымыктыш галерейын, Марий Эл Республикысе калык-влак келшымаш пӧртын директоржо[1].

Илыш корныжо

1962 ий 3 июльышто Озаҥыште шочын. Вара еш Йошкар-Олаш илаш куснен[2][3].

1984 ийыште Марий кугыжаныш университетын филологий факультетшым тунем пытарен, «филолог, руш йылме ден литературым туныктышо» специальностьым налын. Икмыняр жап школышто пашам ыштен, вара 1997 ийыште Сергей Чавайн лӱмеш калыкле книгагудыш пӧлка вуйлатышылан пашаш куснен[4]. Вара Марий Эл Республикысе сӱретче-влак ушемын ответственный секретарьже лийын. Республикысе сӱретсымыктыш тоштерыште пашам ыштен[3].

2000 ийыште Илья Репин лӱмеш Санкт-Петербургысо художестве академийын  (руш.) (мар. теорий да сымыктыш историй факультетшым тунем пытарен, сымыктышым шымлыше специальностьым налын. 2005 ий гыч — Республикысе сӱретсымыктыш тоштерын директоржо[3]. Тидын годымак, 2000 ий гыч 2012 ий марте, МарГТУ-што туныктышылан пашам ыштен[4]. 7 №-ан Набережный сайлыме йырвелыште «Йошкар-Ола» ола округысо депутат погынын шымше созывысе депутатше лийын. 2020 ий 23 декабрьыште эртыше ола погынын сессийыштыже, шке кумылжо почеш, тудын депутат сомылжым жап деч ончыч чарыме[5].

2020 ий 25 декабрьыште Марий Эл Республикын Тӱвыра, печать да калык-влакын пашашт шотышто министр алмаштышын сомылжым жаплан шукташ шогалтыме[6][5]. Тиде должностьышто тудо министерствын профессионал сымыктыш, тӱвыра, образований да пашалык погым ситарымаш пӧлкан пашажым вуйлатен да эскерен. 2023 ий мартыште, шке йодмыж почеш, Марий Эл Республикын тӱвыра, печать да калык-влакын пашашт шотышто министрын алмаштышыже должность гыч кораҥын[7][8].

2023 ий 10 апрель гыч уэш Республикысе сӱретсымыктыш тоштерым вуйлаташ тӱҥалын[7].

Тӱвыра пого шотышто эксперт улеш, автор семын экскурсий-влакым эртара[9].

Чаплӱм ден суаптар-влак

Палемдымаш

  1. ↑ Директор Республиканского музея изобразительных искусств и Национальной художественной галереи | Республиканский музей изобразительных искусств (руш.). www.rmii.ru. Тергыме кече: 21 кылме 2025.
  2. ↑ 1 2 Бурнашева Елена Эдуардовна, <https://marihistory.ru/index.php/2011-01-01-19-53-52/2867-2012-08-16-19-04-48>. Тергыме: 21 кылме 2025. 
  3. ↑ 1 2 3 Мне нравится удивлять людей, <https://www.marpravda.ru/news/religiya/mne-nravitsya-udivlyat-lyudey/>. Тергыме: 21 кылме 2025. 
  4. ↑ 1 2 Бурнашева Елена Эдуардовна | Музей (руш.). museum.marsu.ru. Тергыме кече: 21 кылме 2025.
  5. ↑ 1 2 Директор музея Елена Бурнашева стала заместителем министра культуры Марий Эл, <https://vnd12.ru/news/kultura/23216-direktor-muzeya-elena-burnasheva-stala-zamestitelem-ministra-kultury-mariy-el.html>. Тергыме: 21 кылме 2025. 
  6. ↑ Волжская Правда - Елена Бурнашева назначена замминистра культуры Марий Эл (руш.). www.vpgazeta.ru. Тергыме кече: 21 кылме 2025.
  7. ↑ 1 2 Кидшер (2023-04-10), Экс-заместитель главы Минкультуры Марий Эл возглавил музей ИЗО, <https://kidsher.ru/ru/news/42689/>. Тергыме: 21 кылме 2025. 
  8. ↑ Кидшер (2023-04-01), Замминистра культуры Бурнашева уволилась по собственному желанию, <https://kidsher.ru/ru/news/42340/>. Тергыме: 21 кылме 2025. 
  9. ↑ Авторская экскурсия Елены Эдуардовны Бурнашевой по выставке «Праздники по-русски» 2024, Йошкар-Ола — дата и место проведения, программа мероприятия., <https://www.culture.ru/events/4172516/avtorskaya-ekskursiya-eleny-eduardovny-burnashevoi-po-vystavke-prazdniki-po-russki>. Тергыме: 21 кылме 2025. 
  10. ↑ Замминистра культуры наградили медалью ордена (руш.). МариМедиа. Тергыме кече: 21 кылме 2025.
  11. ↑ Кидшер (2025-10-19), Нагрудный знак «За вклад в развитие культуры Республики Марий Эл», <https://kidsher.ru/ru/dossier/44903/>. Тергыме: 21 кылме 2025. 
"https://mhr.ruwiki.ru/w/index.php?title=Бурнашева,_Елена_Эдуардовна&oldid=1233580" гыч налме