Баженов, Василий Александрович

Василий Александрович Баженов
Василий Александрович Баженов
Шочмо кече	1919 ий 10 вӱдшор
Шочмо вер	Мунанге ял Уржум уезд Виче губерний
Колымо кече	1987 ий 6 вӱдшор (67 ий)
Колымо вер	Йошкар-Ола
Гражданлык	СССР
Паша сомыл	Слесарь-инструментальщик

Василий Александрович Баженов (1919 ий 10 апрель, Уржум уезд Виче губерний Мунанге — 1987 ий 6 апрель, Йошкар-Ола Марий АССР) — СССР электрон йӧнозанлык министерствысе Йошкар-Оласе полупроводник ӱзгарым лукшо заводын слесарь-ӱзгарчыже. Социалист Пашан Талешкыже (26.04.1971).

Илыш корныжо

1919 ий 10 апрельыште Вӱрзым уезд Мунанге ялеш руш ешыште шочын. Кыдалаш шинчымашым тичмашын огыл налын, У Торъял МТС-ыште мотористлан пашам ыштен. 1939 ийыште Йошкар Армийыш налалтын. Сарзе службыжо Забайкальеште сапёр подразделенийыште эртен.

1945 ий августышто совет-япон сарын салтакше.

1946 ийыште шочмо кундемыш пӧртылын да Йошкар-Оласе полупроводник прибор заводыш мотористлан пашам ышташ пурен. Варажым слесарь-ӱзгарчылан тунем шуын. Варарак мастерлан пашам ыштен, 1964 ий гыч слесарь-ӱзгарче. Самырык пашаеҥ-влакым туныктышо. 7-ше вичияш пашан лектышыже почеш Ленин орден дене суапландаралтын^[1].

1971 ий 26 апрельыште Василий Баженовлан вичияш планым тичмашнек шуктымо суаплан Социалист Пашан Талешкыже чаплӱмым пуымо, Ленин орден ден «Сорла да Чӧгыт» шӧртньӧ медальым кучыктымо.

1978 ийыште сулен налме канышыш лектын.

1987 ий 6 апрельыште колен.

Суаптарже

Паша сеҥымашлан тыге суапландаралтын:

Социалист Пашан Геройжо (26.04.1971);
Ленин орден (29.07.1966);
Ленин орден (26.04.1971);
«Почёт тамга» орден (06.12.1957);
Ачамланде сар орден — II степень (11.03.1985).

В. А. Баженов заводышто пашам ыштыме годым латкум Чапкагаз дене суапландаралтын.

Йошкар-Олан Чап гражданинже (1969 ий).

Палемдымаш

↑ Они защищали родину (руш.). textarchive.ru. Тергыме кече: 3 ага 2020. Архивлыме 17 вӱдшор 2019 ий.

Литератур

Баженов Василий Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 236. — 872 с. — 3505 экз. — ISBN 978-5-94950-049-1.
Краснов П. В., Мочаев В. А. Баженов Василий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 41. — 606 с. — 1500 экз. — ISBN 978-5-905314-35-3.

Кылвер-влак

Сайт Герои страны

[1] Они защищали родину (руш.). textarchive.ru. Тергыме кече: 3 ага 2020. Архивлыме 17 вӱдшор 2019 ий.

[1]