Асмаев, Вячеслав Михайлович

РУВИКИ — эрыкан энциклопедий гыч материал
Вячеслав Михайлович Асмаев
Slavik-Asmaev.jpg
Шочмо кече 29 пеледыш 1954(1954-06-29) (71 ий)
Шочмо вер
Гражданлык  СССР →  Россий
Паша сомыл
куштызо, балетмейстер, балетым туныктышо
Награде да премий

Вячеслáв (Слáвик) Михáйлович Асмáев (шоч. 29 пеледыш 1954, Кужнур, Башкир Автоном Совет Социалистик Республик) — марий совет да российысе куштызо, балетмейстер, балетым туныктышо. «Марий Эл» кугыжаныш куштышо ансамбльын балетмейстерже да художественный вуйлатышыже (1995—2004 да 2014—2023). Россий Федерацийын сулло артистше (1995). Марий АССР-ын калык артистше (1988). Марий Эл Республикысе Олык Ипай лӱмеш кугыжаныш самырыктукым премийын лауреатше (1998).

Илыш корныжо

1954 ий 29 июньышто Пошкырт кундемын кызытсе Пӱрӧ вел Кужнур селаште кресаньык ешеш шочын[1][2][3].

1973 ийыште Пошкырт республикысе тӱвыра-сотемдарыше училищым (Стерлитамак ола) тунем пытарен[1][2][3].

1973—1975 ийлаште Закавказский сар йырвелыште Совет армий радамыште служитлен[3].

1975 ийыште Йошкар-Олаш толын: балет артист, 1990 ий гыч — балетмейстер-репетитор, 1995 ий гыч — балетмейстер-постановщик, 2001—2004 ийлаште да 2014 ий гыч 2023 ий марте — «Марий Эл» кугыжаныш куштышо ансамбльын художественный вуйлатышыже[1][2][4].

1993 ий гыч — И. С. Палантай лӱмеш Марий тӱвыра да сымыктыш колледж пеленысе «Рвезылык» калык куштышо ансамбльын художественный вуйлатышыже[1][2][3].

1995 ийыште РАТИ-м тунем пытарен, «Хореографий творчестве» дене «Калык куштымаш ансамбльын балетмейстерже» квалификацийым налын[1][2][3].

2000 ий гыч — Марий кугыжаныш университетын тӱвыра да сымыктыш кафедрын туныктышыжо, 2012 ий гыч — доцентше[1][2][3].

Йошкар-Олаште ила да пашам ышта[5][6].

Балетмейстер пашаже

Пошкырт республикысе тӱвыра-сотемдарыше училищыште тунеммыж годымак кушташ кумылаҥын. Ансамбль вуйлатыше веле огыл, шкежат Стерлитамак Тӱвыра пӧртыштӧ эртыше чыла пайремыште куштен[3].

Армийыште служитлыме годымат куштен, СССР калык-влакын куштымашыштым шынден[3].

Марий Эл Республикын хореографий сымыктышыжым да шинчымашыжым вияҥдымашке надырым пыштен. Фольклор негызеш шкешотан калыкле куштымаш-влакым чоҥен, тыге калык да кызытсе хореографийын ужашыже ушалтыт. Тудын уым кычалмыже (новаторствыжо) марий калыкын тӱрлӧ этно тӱшкажын куштымо тӱвыражым ончыктымаште, верысе куштымаш ойыртемым чын аралымаште, посна пластикыште, калык вургемыште  (руш.) (мар. палдырна. Марий («Арбор каче-влак», «Кандыра», «Кугезе-влакын йӱкышт», «Пайремле»), пошкырт («Пошкырт кумдемыште»), татар («Ял мучаште»), одо («Танок»), чуваш («Ялысе мыскара»), руш («Пайрем йӱк-йӱан») да моло калык-влак куштымашым шынден[3].

2000 ийыште Марий кугыжаныш университетыште «Цармис» куштышо ансамбльым поген[1][2][3].

«Марий Эл» куштышо ансамбль дене пырля Россий мучко веле огыл, тыгак Италийыште, Германийыште да моло элыштат гастроль дене коштын.

Тыгай хореографий программе-влакын авторжо: марий калыкын йӱлаже негызеш «Кугезе-влакын йӱкышт» (2002), интернационал — «Юл да Урал коклаште» (2003), «Тӱнясе калык-влакын куштымашышт» (2011). 2016 ийыште Ф. Гаскаров лӱмеш Калык куштымаш ансамбльлан «Топотушки» марий куштымашым шынден[3][7].

Хореографий дене 3 тунемме-методике пособий ден программын авторжо. 2004 ийыште тудын «Марийский танец» книгаже ош тӱням ужын[3][8].

Тудын И. С. Палантай лӱмеш Марий тӱвыра да сымыктыш колледж пелен чумырымо «Рвезылык» калык куштышо ансамбль 1997 ийыште М. Эсамбаев лӱмеш Пӱтынь российысе конкурсын лауреатше лийын.

Пагалымаш

Палемдымаш

  1. ↑ 1 2 3 4 5 6 7 8 9 10 11 12 13 Мочаев, 2017, с. 36.
  2. ↑ 1 2 3 4 5 6 7 8 9 10 11 12 13 Энциклопедия Республики Марий Эл, 2009, с. 233.
  3. ↑ 1 2 3 4 5 6 7 8 9 10 11 12 Асмаев Славик Михайлович. bashenc.online. Тергыме кече: 19 кылме 2025.
  4. ↑ Марийская филармония и ансамбль танца «Марий Эл» работают над необычным проектом. news.myseldon.com (24 теле 2017). Тергыме кече: 19 кылме 2025.
  5. ↑ Руководитель ансамбля "Марий Эл" Славик Асмаев отмечает юбилей (руш.). ГТРК «Марий Эл» (27 шыжа 2014). Тергыме кече: 19 кылме 2025.
  6. ↑ Известный хореограф и балетмейстер отметит свой юбилей большим концертом (руш.). МариМедиа. Тергыме кече: 19 кылме 2025.
  7. ↑ Бесценный опыт: прославленный танцор провёл мастер-класс для учащихся Губернской балетной школы (руш.). Logos44 (2 пургыж 2024). Тергыме кече: 19 кылме 2025.
  8. ↑ Славик Михайлович Асмаев. Марийский танец: учеб.-метод. пособие. — Йошкар-Ола: Марийс. гос. ун-т, 2004. — 51 с.
  9. ↑ Асмаев Славик Михайлович – Награды России, 1995-10-19. ru.nagrady.by. Тергыме кече: 19 кылме 2025.

Литератур

  • Мочаев В. А. Асмаев Славик Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 34. — 2032 экз. — ISBN 5-87898-357-0.
  • Асмаев Славик Михайлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 233. — 872 с. — 3505 экз. — ISBN 978-5-94950-049-1.
  • Григорьев Ю. М., Мочаев В. А. Асмаев Славик Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 36. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Асмаев,_Вячеслав_Михайлович&oldid=1231453" гыч налме