Алексеев, Владимир Павлович

Владимир Павлович Алексеев
Владимир Павлович Алексеев
Шочмо кече	1914 ий 9 идым
Шочмо вер	Витебск, Витебск губерний, Россий империй
Колымо кече	19 шыжа 2000 (86 ий)
Колымо вер	Йошкар-Ола, Россий;
Гражданлык	→
Паша сомыл	инженер, конструктор
Награде да премий	; ; Марий АССР-ысе шанче да техникын сулло пашаеҥже (1960); Марий АССР-ысе Кӱшыл Каҥаш Президиумын Чап грамотыжо (1974)

Владимир Павлович Алексеев (9 идым 1914, Витебск — 19 шыжа 2000, Йошкар-Ола) — совет йӧнозанлык пашаеҥ, инженер-конструктор. Марий машина чоҥышо заводын тӱҥ инженерже (1951―1969), «Марий машина чоҥышо» ыштен лукшо ушемын тӱҥ инженерже (1969―1977). СССР-ысе Кугыжаныш премийын лауреатше (1971). Ленин орденын кавалерже (1971). Марий АССР-ысе шанче да техникын сулло пашаеҥже (1960). 1944 ий гыч КПСС-ын йыжеҥже.

Илыш корно

1914 ий сентябрьыште Витебск олаште (кызыт Белоруссий) шочын. 1944 ийыште Урал индустриал институтым (руш.) (мар. тунем лектын^[1]^[2].

1944 ийыште КПСС-ыш пурен. 1950 ийыште Пӱтынь Совет Ушемысе йӧнозанлык академийым тунем пытарен. Паша корныжым Ижевскысе мотозаводышто пашазе-влак тӱшкам вуйлатыше семын тӱҥалын. 1951 ийыште тӱҥ технолог должность гыч Йошкар-Оласе Марий машина чоҥышо заводыш кусарыме^[3], тушто 1969 ий марте тӱҥ инженерлан ыштен. 1969—1977 ийлаште «Марий машина чоҥышо» ыштен лукшо ушемын тӱҥ инженерже лийын. Тудын вуйлатымыж почеш тыште икмыняр опытно-конструкторский паша шукталтын, варажым нуно производствыш шыҥдаралтыныт. СССР-ын Сарзе Вийже-влаклан радиолокаций комплекс ден системе-влакын авторышт кокла гыч иктыже улеш^[1]^[2].

Йӧнозанлыкым вияҥдымашке надыржылан «Почёт Тамга» орден (кум гана), Ленин орден, Марий АССР-ысе Кӱшыл Каҥаш Президиумын Чап грамотыжо дене палемдалтын. 1960 ийыште тудлан «Марий АССР-ысе шанче да техникын сулло пашаеҥже» чап лӱмым пуымо. 1971 ийыште СССР-ын Кугыжаныш премийжын лауреатше лийын^[1]^[2].

Чап лӱм да награде-влак

СССР-ын Кугыжаныш премийже (1971)^[1]^[2]
Ленин орден (1971)^[1]^[2]
«Почёт Тамга» орден (1944, 1958, 1962)^[1]^[2]
«Владимир Ильич Ленинын шочмыжлан 100 ий темме лӱмеш. Чапле пашалан» юбилей медаль
Марий АССР-ысе шанче да техникын сулло пашаеҥже (1960)^[1]^[2]
Марий АССР-ысе Кӱшыл Каҥаш Президиумын Чап грамотыжо (1974)^[1]^[2]

Палемдымаш

↑ ¹ ² ³ ⁴ ⁵ ⁶ ⁷ ⁸ Мочаев, 2007, с. 21.
↑ ¹ ² ³ ⁴ ⁵ ⁶ ⁷ ⁸ Энциклопедия Республики Марий Эл, 2009, с. 220.
↑ О предприятии | АО «Марийский машиностроительный завод» (руш.). marimmz.ru. Тергыме кече: 21 кылме 2025. Архивлыме 5 вӱдшор 2022 ий.

Литератур

Андреев В. П. Страницы истории развития промышленности Марийской АССР (1945―1980 гг.) / В. П. Андреев; Мар. гос. техн. ун-т. ― Йошкар-Ола: Мар. гос. техн. ун-т, 1999. ― 129, с.: ил., карт., портр.; 20 см; ISBN 5-8158-0051-1.
Алтышева Л. М., Мочаев В. А. Алексеев Владимир Павлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 21. — 2032 экз. — ISBN 5-87898-357-0.
Алексеев Владимир Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 220. — 872 с. — 3505 экз. — ISBN 978-5-94950-049-1.
Алтышева Л. М., Мочаев В. А. Алексеев Владимир Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 20. — 606 с. — 1500 экз. — ISBN 978-5-905314-35-3.

[_30c33680fb7d9980-1] ¹ ² ³ ⁴ ⁵ ⁶ ⁷ ⁸ Мочаев, 2007, с. 21.

[_a0f19eb7b8b6f750-2] ¹ ² ³ ⁴ ⁵ ⁶ ⁷ ⁸ Энциклопедия Республики Марий Эл, 2009, с. 220.

[3] О предприятии | АО «Марийский машиностроительный завод» (руш.). marimmz.ru. Тергыме кече: 21 кылме 2025. Архивлыме 5 вӱдшор 2022 ий.

[1]

[2]

[3]