12 апостол (шагат)
| Шагат | |
| 12 апостол | |
|---|---|
 | |
| 56°38′15″ с. ш. 47°54′23″ в. д.GЯO | |
| Эл | |
| Верланымаш | Йошкар-Ола, Царьградский проспект, 37 |
| Скульптор | Андрей Николаевич Ковальчук |
 |
|
«12 апостол» шагат — «Да молчит всяка плоть человеча» черкысе муро почеш Иисус Христос ден 12 апостолын коштшо скульптур композициян курант[1]. Сюжетын негызшылан Юмын Иерусалимыш Пурымыж нерген евангелий сӱретым налме. 9:00 гыч 21:00 шагат марте кажне 3 шагат гыч, Сретений монастырьысе пӧръеҥ хорын мурымышт почеш осёлыш шичше Иисус Христос лектеш, тудын почешыже 12 апостол: Андрей Первозванный, Пётр, Иоанн Богослов, Иаков Зеведеев, Матфей, Фома, Филипп, Варфоломей, Иаков Алфеев, Фаддей, Симон Кананит, Иуда Искариот. Тиде сӱрет 7,5 минут шуйна[2]. Шагат Патриарший площадьысе ресторан, телерадиокомпаний да кевытан, шуко функциян мер пӧртын кумшо пачашыштыже, балконышто, верланен.
Ыштыме нерген
Скульптур композицийым ыштыме нерген шонымашын авторжо Леонид Маркелов лийын. Проектым Юлтех кугыжаныш технологический университетын «Мехатрон системе-влак» лабораторийже илышыш шыҥдарен[3], лабораторийын тӱҥ шанче вуйлатышыже — Игорь Кудрявцев. Скульптур-влакым Россий Федерацийын калык сӱретчыже Андрей Ковальчук ыштен да чиялтен. Кажне фигурым тойым велыме йӧн дене ыштыме, нунын кӱкшытышт — 1,5 м[4], конструкцийын пӱтынь нелытше — 3 т. Скульптур-влакым Моско гыч конденыт да шогалтыме верыштак чиялтеныт[2]. Южо скульптур илыше гай коеш: йолжым, кидшым, вуйжым тарванылмыжым шекланаш лиеш[2]. 6,5 т шӱдырен кертше двигатель 20 механизм гыч шогышо сай системым пашашке конда[3], тидлан кӧра уло композиций илыше гаяк тарванылеш[2].
Проектым ик ий жапыште илышыш шыҥдареныт, тудым почмаш Марий Эл Республикын да Калык-влакын икоян улмо кечыштлан пӧлеклалтын. Ты представленийыште йоҥгышо «Да молчит всяка плоть человеча» семым Йошкар-Оласе да Марий митрополит Иоанн ойырен[5]:
«Да молчит всякая плоть человеча, и да стоит со страхом и трепетом, и ничтоже земное в себе да помышляет, Царь бо царствующих, и Господь господствующих, приходит заклатися и датися в снедь верным, предходят же Сему лицы ангельстии со всяким началом и властию, многоочитии херувими, и шестокрилатии серафими, лица закрывающе, и вопиюще песнь, Аллилуиа, аллилуиа, аллилуиа...[6]»
«12 апостол» шагат деке экскурсий-влак
Шуко турист компаний Йошкар-Олашке толмыж годым «12 апостол» шагат деке экскурсийым шке турист маршрутышкыжо пурта[7]. Кажне 3 шагат гыч: 9:00, 12:00, 15:00, 18:00 21:00 Марий Эл Республикысе рӱдолан туристше да унаже-влак «Да молчит всяка плоть человеча» черкысе муро почеш Иисус Христос ден 12 апостолын балконышто южышто пальме укшла дене лупшкедылын ошкылшмыштым шекланен кертыт, вара фигур-влак кӧргышкӧ пурен йомыт[8].
Палемдымаш
- ↑ Да молчит всяка плоть человеча. Хор Сретенского монастыря
- ↑ 1 2 3 4 О них говорят, пишут, их активно обсуждают. ЗАО «Пульс-радио» (23 шорыкйол 2012). Тергыме кече: 1 ӱярня 2013. Архивировано из оригинала 12 вӱдшор 2013 ий.
- ↑ 1 2 Уникальные городские часы. ООО «Мехатронные системы». Тергыме кече: 1 ӱярня 2013. Архивлыме 9 ӱярня 2013 ий.
- ↑ 12 апостолов как символ поступательного движения Марий Эл. Газета «Марийская правда» (8 кылме 2011). Тергыме кече: 1 ӱярня 2013. Архивлыме 21 вӱдшор 2013 ий.
- ↑ Туризм в Руспублике Марий Эл
- ↑ Да молчит всяка плоть человеча. Хор Сретенского монастыря
- ↑ Экскурсии к часам «12 апостолов»
- ↑ Часы 12 апостолов в Йошкар-Оле: уникальный комплекс