Шорникова, Алевтина Ильинична

РУВИКИ — эрыкан энциклопедий гыч материал
Алевтина Ильинична Шорникова
Шорникова, Алевтина Ильинична.jpg
Марий АССР-ысе Министр-влак Каҥаш Председательын алмаштышыже
1972 — 1985
Шочын 30 сӱрем 1929(1929-07-30)
Колен 3 ага 2024(2024-05-03) (94 ий)
Партий КПСС
Шинчымаш КПСС ЦК пелен Кӱшыл партий школ
Профессий туныктышо, партий пӧлкам вуйлатыше
Награде «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Марий АССР-ысе Кӱшыл Каҥаш Президиумын Чаптаныкше (1960, 1979, 1981)
Марий Эл Республикын Чаптаныкше (1993)

Алевти́на Ильи́нична Шо́рникова (30 сӱрем 1929, Пӧртанур, Марий Автоном Совет Социализм Республик — 3 ага 2024, Йошкар-Ола) — марий совет кугыжаныш, партий да мер пашаеҥ. Марий АССР-ысе Министр-влак Каҥаш Председательын алмаштышыже (1972—1985). 1957 ий гыч КПСС йыжыҥъеҥ, КПСС Марий обкомын йыжъеҥже. Марий АССР-ысе Ӱдырамаш каҥашын председательже (1972—1986).

Илыш корныжо

1929 ий 30 июльышто кызытсе Марий Элын Юлсер кундем Пӧртанур ялыште Кугу Ачамланде сарыште колышо шофёрын да колхоз пашаеҥын ешыштышт шочын[1][2][3].

1947 ийыште Памар кыдалаш школым тунем пытарен. 1949 ийыште Марий туныктыш институтым, 1956 ийыште — Н. К. Крупская лӱмеш марий педагогике институтым заочнын тунем лектын[2].

1949—1965 ийлаште Марий АССР-ысе Юлсер кундем Нурсола шымияш школышто ончыч руш йылмым да сылнымутым туныктышылан, завучлан, 1958—1965 ийлаште директорлан пашам ыштен[2].

1969 ийыште Юлсер КПСС райкомын секретарьжылан сайлалтын. 1970 ийыште КПСС ЦК пелен Кӱшыл партий школым визытан дене тунем пытарен. 1970—1972 ийлаште КПСС Марий обкомын пропаганде да агитаций пӧлка вуйлатышылан, тӱвыра секторын вуйлатышыжлан пашам ыштен[2].

1972—1985 ийлаште — Марий АССР Министр-влак Каҥаш Председательын алмаштышыже. Калыкын илышйӧнжым ситарыме, туныктымо, тазалыкаралтыш, тӱвыра, спорт аланысе йодыш-влакым вӱден. 1985 ийыште сулен налме канышыш лектын[1]. 1972—1986 ийлаште — Марий АССР-ысе Ӱдырамаш каҥашын председательже[2].

1973—1987 ийлаште Марий АССР Кӱшыл Каҥашын  (руш.) (мар. VIII—XI созывласе депутатшылан сайлалтын[2][4][5].

Медаль-влак дене, Марий АССР Кӱшыл Каҥаш Президиумын (кум гана) да Марий Эл Республикын Чаптаныкышт дене суапландаралтын[2].

2024 ий 3 майыште Йошкар-Олаште колен[6].

Суаптар-влак

  • «Чапле пашалан. Владимир Ильич Ленинын шочмыжлан 100 ий теме лӱмеш» медаль (1970)[2];
  • Марий АССР-ысе Кӱшыл Каҥаш Президиумын Чаптаныкше (1960, 1979, 1981)[2];
  • Марий Эл Республикын Чаптаныкше (1993)[2].

Палемдымаш

  1. ↑ 1 2 Кто есть кто в Марий Эл, 2002, с. 598.
  2. ↑ 1 2 3 4 5 6 7 8 9 10 Мочаев, 2017, с. 504.
  3. ↑ Информационный ресурс Республики Марий Эл "12rus.ru" :: Моркинский район. www.12rus.ru. Тергыме кече: 23 теле 2025. Архивлыме 5 ага 2024 ий.
  4. ↑ Официальный сайт Госсобрания Республики Марий Эл. old.gsmari.ru. Тергыме кече: 23 теле 2025. Архивлыме 28 кылме 2022 ий.
  5. ↑ Экскурс в историю (2) - Доклад - стр. 12. uchebana5.ru. Тергыме кече: 23 теле 2025.
  6. ↑ Алевтина Ильинична Шорникова (руш.). www.marpravda.ru. Тергыме кече: 23 теле 2025. Архивлыме 7 ага 2024 ий.

Литератур

  • Шорникова Алевтина Ильинична // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 598. — 2000 экз. — ISBN 5-87898-197-1.
  • Мочаев В. А. Шорникова Алевтина Ильинична // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 407. — 2032 экз. — ISBN 5-87898-357-0.
  • Кудрявцева В. В., Мочаев В. А. Шорникова Алевтина Ильинична // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 504. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Шорникова,_Алевтина_Ильинична&oldid=1231381" гыч налме