Халев, Василий Дмитриевич

РУВИКИ — эрыкан энциклопедий гыч материал
Василий Дмитриевич Халев
Халев, Василий Дмитриевич.jpg
Шочмо кече 1913 ий 14 шорыкйол(1913-01-14)
Шочмо вер Озаҥ
Колымо кече 1944 ий 2 сӱрем(1944-07-02) (31 ий)
Колымо вер Полоцк, Витебск область
Пурымаш  СССР
Войскан родшо бронетанк войска
Службо жап 1935—1937; 1940—1944
Званий
Изирак лейтенант
Кредалмаш/сар Кугу Ачамланде сар
Награде да премий
Герой Советского Союза
Ленин орден
Логотип РУВИКИ.Медиа РУВИКИ.Медиаште медиафайл-влак

Василий Дмитриевич Халев (14 январь 1913, Озаҥ — 2 июль 1944, Полоцк) — 47-ше посна огнемёт танк полкысо танкын (1-ше Прибалтике фронт 6-шо гвардий армий) командирже, изирак лейтенант. Совет Ушемын Талешкыже.

Илыш корныжо

1913 ий 14 январьыште Озаҥ олаште пашазе ешыште (моло увер почеш — кызытсе Марий Эл Республикын Марий Турек вел Мариец пашазе посёлкышто[1]) шочын. Кыдалаш шинчымашым тичмашын налын шуктен огыл. 1935—1937 ийлаште Йошкар Армийыште служитлен. 1940 ийыште Озаҥ оласе Сталинысе РВК уэш РККА-ш налын. Фронтышто 1941 ий 24 июнь гыч.

Танк командир изирак лейтенант Халев Полоцк ола верч кредалмаште эн ончыч шке танкыж дене олаш керылт пурен да пушко, огнемёт дене тушманын илыше вийжым, техникыжым пытарен. Чыла шапаш саргуралже пытымеке, тудын танкше пудештын, экипаж пытартыш минут марте гранате дене кредалын. Немыч-шамычын танкым йӱлалтымекышт, экипажше йӱлышӧ танкым йӧрташ мо лиймым чыла ыштен. Халев, сеҥен налме рубежым коден огыл, пленыш логалын огыл, шкенжын сарзе машинаж дене пырля йӱлен[2].

СССР Кӱшыл Каҥаш Президиумын 1945 ий 24 мартысе кӱштыкшӧ дене руалтылше немыч-влак дене фронтысо вашпижмаште Командованийын сарысе кӱштыкшым пеш сайын шуктымыжлан, тидын годым патырлыкым ончыктымыжлан изирак лейтенант Халев Василий Дмитриевичлан Совет Ушемын Талешкыже чаплӱмым, Ленин орден ден «Шӧртньӧ Шӱдыр» медальым пуымо (колымекыже)[3][4].

Полоцк олан Эрык кумдыкыштыжо «Полоцкым утарыше-влаклан» чапкӱ пелен (Витебск кундем) тойымо[5].

Суаптарже

  • «Шӧртньӧ Шӱдыр» медаль (24.03.1945)[2][3];
  • Ленин орден (24.03.1945);
  • Медаль-влак.

Шарныктыш

Халевым шарныме лӱмеш Озаҥ оласе уремым лӱмдымӧ (1965 )[6].

Палемдымаш

  1. ↑ Герои Советского Союза — наши земляки (недоступная ссылка — история). Государственный архив аудиовизуальной документации Республики Марий Эл. Тергыме кече: 4 кылме 2015. Архивлыме 4 кылме 2015 ий.
  2. ↑ 1 2 Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 51. Л. 51, 52)..
  3. ↑ 1 2 Указ Президиума Верховного Совета СССР в электронном банке документов «Подвиг народа» (архивные материалы ЦАМО. Ф. 33. Оп. 686046. Д. 626. Л. 45)..
  4. ↑ Информация в электронном банке документов ОБД «Мемориал» .
  5. ↑ [www.az-libr.ru/index.htm?Persons&000/Src/0009/47dc81b8 Халев Василий Дмитриевич].
  6. ↑ Улицы и площади, названные именами Героев Советского Союза и России, полных кавалеров Ордена Славы. Тергыме кече: 6 ага 2014. Архивировано из оригинала 6 ага 2014 ий.

Литератур

  • Герои Советского Союза — наши земляки. — Казань, 1985. — Т. 3. — С. 158—160.
  • Ханин Л. Герои Советского Союза — сыны Татарии. — Казань, 1963. — С. 574—577.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Кылвер-влак

Василий Дмитриевич Халев (руш.). Сайт «Герои страны».

"https://mhr.ruwiki.ru/w/index.php?title=Халев,_Василий_Дмитриевич&oldid=1168154" гыч налме