Суд приставын кечыже
| Суд приставын кечыже | |
|---|---|
 | |
| Официал | Россий Федерацийын суд приставшын кечыже |
| Вес семын | Суд приставын кечыже |
| Ыҥ | Суд пристав-влакын тӧртык шукталтмым эскерымылан да граждан ден тӧнеж-влакын праваштым аралымылан виктаралтше кугыжаныш да мер пашаштым аклымаш. |
| Ышталтын | Д. А. Медведев |
| Палемдат |
 Россий |
| Кече | 8.09.2009 ий пеҥгдемдыме |
| Пайремлымаш | ий еда, 1 кылме |
| Йӱла | Пайрем мероприятий, ойыртемалтше пашаеҥ-влакым суапландарымаш. |
Россий Федерацийын суд приставшын кечыже — суд пристав-влакын, суд пашаште кугыжанышын палемдыме задачыжым шуктышо суд пашан радамжым шуктышо еҥ-влакын, тыгак чыла суд актым, лӱмын кертежаҥдыме органын актшым илышыш шыҥдарыше профессионал еҥ-влакын пайремышт.
Россий Федерацийысе суд приставын кечыже Россий Федераций Президентын 2009 ий 8 сентябрьысе 1019-ше №-ан кӱштыкшӧ дене келшышын ий еда 1 ноябрьыште палемдалтеш[1].
Ондак 1997 ий гыч 2008 ий марте Российысе суд пристав-влак шке паша пайремыштым тыглай гына 6 ноябрьлан келыштарен палемденыт, тиде кечын 1997 ий 21 июльышто лукмо 118-ше №-ан «Суд пристав нерген»[2][3] да 1997 ий 21 июльыштак лекше 119-ше №-ан «Исполнитель производство нерген» Федерал тӧртык-влак вийым налыныт[4].
Россий суд пристав-влакын историйышт
Русьышто суд пристав нерген икымше гана ушештарымашым Новгород республикын документлаштыже аралалт кодын. XVIII курымышто, Россий империйыште суд приставын должностьшым да функцийжым пытареныт да полицийыш кусареныт. Тыгай вашталтыш йӧнлӧ лийын огыл, судын пунчалже-влак шуко ий дене шукталтде кодыныт. 1864 ий 20 ноябрьыште Император Александр II у документ-влакым луктын: «Суд пунчалын тӧнежше», «Тынысле судьян логалтымыж нерген устав», «Уголовный пашан производствыжо», «Граждан производствын уставше», нине кагаз-влак Российысе суд пристав институтым уэш шочыктеныт. Большевик-влак кучемыш толытат, Калык Комиссар-влак Каҥашын 1917 ий 24 ноябрьысе 1 №-ан декретше дене ондаксе Российысе кышкарын чыла суд да кугыжаныш органже-влакым шалатен, суд пристав-влакын кышкарыштымат укешке луктыт. Совет кугыжаныш судын пунчалжым шуктыдымылан вигак карательный пашам ышташ кӱштен, садлан пристав-влакын пашашт кӱлеш лийын огыл. СССР-ын шаланымеке да элым уэш чоҥымо жапыште угычын Суд пристав институтым шочыкташ кӱлын. Суд пристав-влакын службышт 1997 ий |21 июльысо 118-ше №-ан «Суд пристав-влак нерген», 1997 ий 21 июльысо 119-ше №-ан «Исполнитель производство нерген» Федерал тӧртык-влакым лукмо дене угычтаралтын, ты тӧртык-влак 1997 ий 6 ноябрьыште вийыш пуреныт[2][4].
Кызыт Россий Федерацийысе Президентын 2004 ий 9 мартысе 314-ше №-ан «Исполнитель кучемысе федерал орган-влакын радамже да кышкарже нерген», 2004 ий 13 октябрьысе 1313-шо №-ан «Россий Федерацийысе юстиций министерствын йодышыжо-влак», 2004 ий 13 октябрьысе 1316-шо №-ан «Федерал службысо суд пристав-влакын йодышышт» пунчал-влак дене келшышын суд пристав-влак Суд пристав-влакын федерал службыжын пашаеҥыштлан (Россий ФССП) шотлалтыт.
Палемдымаш
- ↑ Указ Президента Российской Федерации Д. Медведева от 8 сентября 2009 года № 1019 «Об установлении Дня судебного пристава». Архивысе копий 3 кылме 2013 гыч // zakonbase.ru
- ↑ 1 2 Федеральный закон от 21 июля 1997 года № 118-ФЗ «О судебных приставах». // pravo.gov.ru
- ↑ Текст Федерального закона от 21 июля 1997 года № 118-ФЗ «О судебных приставах» опубликован в "Российской газете" от 5 августа 1997 года № 149, в Собрании законодательства Российской Федерации от 28 июля 1997 года № 30 ст. 3590.
- ↑ 1 2 Федеральный закон от 21 июля 1997 года № 119-ФЗ «Об исполнительном производстве». Архивысе копий 3 кылме 2013 гыч // jurisconsult.info
Кылвер-влак
- Официальный сайт Федеральной службы судебных приставов Российской Федерации // fssprus.ru
- Неофициальный информационный сайт https://rosdolgi.ru/
- Сервис проверки судебной задолженности https://fssp.lawru.info/