Соловьёв, Василий Иванович

РУВИКИ-ште тыгай тукымлӱм дене вес еҥ нерген статьям лудаш лиеш: Соловьёв.

Василий Иванович Соловьёв
Шочмо кече	1915 ий 9 ӱярня(1915-03-09)
Шочмо вер	Изи Корамас села, Морко район, Марий Эл
Колымо кече	1943 ий 28 сорла(1943-08-28) (28 ий)
Колымо вер	Жуково ял воктене, Духовщина районышто, Смоленск область
Пурымаш	СССР
Войскан родшо	пехото
Службо жап	1942—1943
Званий
Кредалмаш/сар	Кугу Ачамланде сар
Награде да премий

Василий Иванович Соловьёв (1915–1943) — Пашазе-кресаньык Йошкар Армийын йошкарармеецше, Кугу Ачамланде сарын салтакше, Совет Ушемын Талешкыже (1944).

Илыш корныжо

Василий Соловьёв 1915 ий 9 мартыште Изи Корамас селаште (Марий Эл Республикын Морко районжо) шочын. Тӱҥалтыш школ ден мастар-влак курсым тунем лекмек, ялысе озанлыкыште пашам ыштен. 1942 ийыште Соловьёв Пашазе-кресаньык Йошкар Армийыш служиаш каен. Тудо ийысе март гыч — Кугу Ачамланде сарын фронтыштыжо. 1943 ий август вашеш йошкарармеец Василий Соловьёв 3-шо Белорусс фронтысо 39-ше армийын 9-ше гвардий стрелок дивизийын 31-ше гвардий стрелок полкшын лӱйкалышыже (стрелок) лийын. Смоленск кундемым утарыме годым ойыртемалтын.

1943 ий 28 августышто Духовщино вел Жуково ял воктенсе кӱкшака верч кредалмаште Соловьёв немыч траншейыш керылтын пурен да кок пулемёт расчётым пытарен. Тудын подразделенийжым тушман дзот гыч пулемёт тул дене темдалме годым Соловьёв шке капше дене амбразуржым петырен, шке илышыж дене кӱкшакам сеҥен налаш пуэн. Духовщина олан рӱдӧ кумдыкыштыжо, иза-шольо шӱгарлаште тойымо.

СССР Кӱшыл Каҥаш Президиумын 1944 ий 4 июньысо кӱштыкшӧ дене «руалтылше немыч-влак дене кучедалме фронтышто командованийын кӱштымыжым сайын шуктымылан да тидын годым патырлыкым да талылыкым ончыктымылан гвардийын красноармеецше Василий Соловьев Совет Ушемын Талешкыже чаплӱмым сулен. Тыгак, колымекыже, Ленин орден дене суапландаралтын.

Соловьёв лӱмеш шочмо кундемыштыже школым Йошкар-Олаште уремым лӱмденыт, Морко посёлкышто бюстым вераҥдыме.

Палемдымаш

Литератур

• Наши Герои. — 2-е изд., перераб. и доп. — Йошкар-Ола, 1985.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Соловьёв Василий Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 341. — 2032 экз. — ISBN 5-87898-357-0.
• Соловьёв Василий Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 723. — 872 с. — 3505 экз. — ISBN 978-5-94950-049-1.
• Соловьёв Василий Иванович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 238—241. — 374 с. — 500 экз. — ISBN 978-5-94950-070-5.