Сарзе ветеран-влакын кечышт
| Сарзе ветеран-влакын кечышт | |
|---|---|
 | |
| Тӱрлылык | Шарнымаш кече |
| Ышталтын | 2009 ийыште |
| Кече | 1 сӱрем |
| Кылдалтын | Афганистанысе сар, Кавказысе контртеррористический операций, Российын Сирийыште сарзе операций, Украинысе специальный сарзе операций (2022 ий гыч) |
Сарзе ветеран-влакын кечышт — официалдыме шарнымаш кече, кудо 1 июльышто ХХ курымысо сар вашшогымашын да кызытсе Россий историйын ветеранже-влак лӱмеш палемдалтеш. 2009 ийыште «Сарзе иза-шольо» мер ушемын темлымыж почеш тӧнежлыме[1].
2024 ий февраль тылзыште ЛДПР фракций сарыште лийше ветеранже-влаклан шарныме кече семын Ветеран-влакын кечыштым увертараш темлен, но проектым виктер пеҥгыдемден огыл, молан манаш гын, кечышот радамыште сарзе ветеран-влаклан пӧлеклыме посна пайрем-влак улыт[2]. 2022 ий гыч Архангельск, Ленинград кундемыште, Санкт-Петербургышто шарнымаш кече семын палемдалтеш[2][3][4].
Кавказыште контртеррорист операцийын интернационалист-салтакше-влак, Российын Сирийысе сарзе операцийыште лийше-влак, Украиныште лӱмын увертарыме сар операцийын салтакше-влак палемдат.
Историй
2009 ийыште «Сарзе иза-шольо» мер организаций Российыште у шарныктыш кечым — Сар ветеран-влакын кечыштым — пурташ темлен[2]. Тиде ийынак 1 июльышто кундемысе кӱкшытыштӧ пайрем лӱмеш мероприятий-влак эртеныт: митинг, пеледыш да венок-влакым сар вашшогымашын чапкӱшт деке пыштымаш, кундемласе тоштерлаште ончер-влак ончыкталтыныт[1].
2022 ийыште ЛДПР фракций Кугыжаныш Думыш Ветеран-влакын кечыштым официал пайрем кечышот радамыш пуртымо нерген тӧртык проектым темлен, но ты ойымат пеҥгыдемден огытыл. Тиде ийыштак Архангельск кундемын губернаторжо Александр Цыбульский «Архангельск областьыште пайрем кече да чапкӱ-влак нерген» кундемысе тӧртыкыш тӧрлатымашым темлен, пайрем кечышот радамыш Ветеран-влакын кечыштым пуртен[3]. Тыгеракын 2022 ийыште Санкт-Петербургысо кучем «Санкт-Петербургысо пайрем да шарныктыш кече-влак нерген» тӧртыкыш ты кечым ешарен пуртен, тыгак Ленинград кундемысе кучем «Ленинград кундемысе пайрем кече да шарныктыш кече нерген» тӧртыкыш вашталтышым пуртен[1][5].
2023 ийыште Туло кундемысе Думо Кугыжаныш Думыш федерал кӱкшытыштӧ Ветеран-влаклан кечым пеҥгыдемдаш кӱлмӧ нерген ойым луктын, туге гынат тиде ойымат кӱлешлан шотлымо огыл[2]. 2024 ий февральыште ЛДПР, КПРФ, «Чын Россий — чын верч» да «У еҥ-влак» фракций-влак тыгаяк тӧртык проектым каҥашаш темленыт. Тиде темлымашымат Виктер кӱлешлан шотлен огыл. Кабмин председательын алмаштышыже Дмитрий Григоренко тидым тыге умылтарен: Российыште тыгай шарныктыш кечым палемдыме уло: Ачамландым аралышын кечыже (23 февральыште) Службо порысым Ачамланде деч ӧрдыжтӧ шуктышо россиян-влакын кечышт(15 февраль), Ачамланде Талешке-влакын кечышт (9 декабрь)[2].
Сӧй пашан ветеранже-влак
Российыште сӧй пашан ветеранжылан кок миллион утла еҥ шотлалтеш[1].
2022 ий гыч сӧй пашан ветеранже лӱмым налаш праван улшо-влакын радамыштым кумдаҥдыме. Нунын деке ешаралтыныт:
- Россий Федераций чекыште украин формирований-влакын шӱшкылт пурымыштым чактарен шогышо РФ ФСБ-ын пашаеҥже-влак;
- Украинысе лӱмын увертарыме сар операцийыш шке кумылын ушнышо-влак;
- ДНР ден ЛНР сар вий кышкарыште 2014 ий 11 май гыч шогышо салтак ден граждан еҥ-влак;
- лӱмын увертарыме сар операций кундемыш посна пашам шуктымашке виктаралтше моло специалист-влак[6].
Пайрем йӱла
Сарын ветеранже-влак Поклон курыкысо Сарзе-интернационалист-влаклан чапкӱ ончылно. 2024, Моско
Митингысе калык Санкт-Петербургышто сарын ветеранже-влаклан монумент воктене. 2023
Екатеринбургышто «Шем тюльпан» мемориал, совет сарзе-интернационалист-влак лӱмеш нӧлтымӧ. 2024 ий
Йӱла почеш тиде кечын «Россий офицер-влак» мер организаций пайремле митингым эртара, Поклон курыкышто сарзе-интернационалист-влаклан чапкӱ деке пеледышым пыштат[7]. Тышке Йӱдвел Кавказыште, Афганистаныште, Египетыште, Сирийыште, Анголышто, Таджикистаныште, Вьетнамыште, Корейыште, Мозамбикыште, Придестровьеште салтак порысым шуктышо-влакым ӱжыт.
Санкт-Петербургышто сарзыслужышо-влак 1 июльышто Тверской уремысе ветеран-влаклан пӧлеклалтше монумент деке чумыргат[8].
Екатеринбургышто сарын ветеранже-влак «Шем тюльпан» сарзе-интернационалист-влаклан монумент деке пеледышым пыштат.
Тыгак ончо
Палемдымаш
- ↑ 1 2 3 4 Когда отмечают День ветеранов боевых действий в 2024 году. Традиции праздника в России. РБК (21 пеледыш 2024). Тергыме кече: 1 сӱрем 2024.
- ↑ 1 2 3 4 5 Правительство не поддержало законопроект о Дне ветеранов боевых действий. Коммерсант (15 пургыж 2024). Тергыме кече: 1 сӱрем 2024.
- ↑ 1 2 Татьяна Сухановская. В Архангельской области учредили День ветеранов боевых действий. Российская газета (16 сорла 2022). Тергыме кече: 1 сӱрем 2024.
- ↑ Это возможность сказать «спасибо» всем, кто защищал и защищает нашу страну: в Петербурге официально появится День ветерана боевых действий. Единая Россия Санкт-Петербург (29 пеледыш 2022). Тергыме кече: 4 сӱрем 2024.
- ↑ В Ленобласти установили новую праздничную дату — День ветерана боевых действий. Новости Ленобласти (23 пеледыш 2022). Тергыме кече: 4 сӱрем 2024.
- ↑ День ветеранов боевых действий. Военное обозрение (1 сӱрем 2024). Тергыме кече: 1 сӱрем 2024.
- ↑ День ветеранов боевых действий на Поклонной горе. Офицеры России (1 сӱрем 2024). Тергыме кече: 1 сӱрем 2024.
- ↑ День ветеранов боевых действий на Поклонной горе. Офицеры России (1 сӱрем 2024). Тергыме кече: 1 сӱрем 2024.