Рыжов, Леонид Владимирович
| Леонид Владимирович Рыжов | |
|---|---|
 | |
| Шочмо кече | 9 сорла 1977 (49 ий) |
| Шочмо вер | |
| Пурымаш |
 Россий |
| Войскан родшо |
 Сухопут войска |
| Службо жап | 1994 г.–к. ж. |
| Званий |
 гвардий полковник |
| Часть | 8-ше тӱшка войскасе армий виктерын вуйлатышыже |
| Кредалмаш/сар |
Российын Сирийысе сар операций Специальный сарзе операций |
| Награде да премий |
    |
Леони́д Влади́мирович Рыжо́в (шоч. 9 сорла 1977, Чыкма, Марий Автоном Совет Социализм Республик) — гвардийын полковникше, Кечывалвел сарзе округын 8 тӱшка войскасе армий виктержын вуйлатышыже. Российын Сирийысе сар операцийын да лӱмын ыштыме сар операцийын (СВО) участникше. Луганск Калык Республикын, Россий Федерацийын Талешкыже.
Илыш корныжо
Леонид Рыжов 1977 ий 9 августышто Козьмодемьянск олаште шочын. Кугезе кочаже — сарзе капитан, Кугу Ачамланде сар годым колен. Ача-аваже заводышто инженерлан пашам ыштеныт. 10 ияш улмыж годым ачаже колен[1].
1994 ийыште Леонид Рыжов Козьмодемьянскысе 2 №-ан кыдалаш школым тунем пытарен да Озаҥысе кӱшыл танковый училищыш тунемаш пурен. Тудын дене пырля ик взводышто Российын ончыкылык Геройжо Алексей Козин тунемын[2].
1999 ийыште, дипломым налмеке, Чита кундемыш колталтын, тушто танк взводын командиржылан служитлаш тӱҥалын. Вара рото командирын алмаштышыже да почётный караул ротын командирже лийын.
2006 ийыште 5-ше гвардий танк дивизийын 105 танк полкысо батальонын штаб вуйлатышыжлан шогалтеныт. 2007 гыч 2009 ий марте техникым да саргуралым аралыше тӱшкан вуйлатышыже лийын. 2009 ий гыч 2012 ий марте сержант-влакым ямдылыше 328 школ вуйлатышын алмаштышыже лийын[2].
2012 ий гыч РФ ВС войска-влак тӱшка академийыште кокымшо кӱшыл образованийым налын. Тӱрлӧ ийлаште мотострелок войска-влакын изирак специалистыштым ямдылыме рӱдерысе штаблаште, 149 гвардейский мотострелок полкысо 239-ше танк полкын, округысо 473-ше туныктымо рӱдерын вуйлатышылан служитлен.
2018 ийыште Российын Сирийысе сарзе операцийыштыже лийын.
2019 ийыште 8-ше гвардий войска-влак тӱшка армийын пӧлка начальникшылан да полк командиржылан шогалтеныт. 2020 ийыште ту армийыштак бригаде командир да управлений вуйлатышын олмышкыжо кусареныт[2].
СВО-што участий
Лӱмын ыштыме военный операцийыш 2022 ий 24 февральыште ушнен, ЛНР-ын калык милицийжын 2-шо армий корпус кышкарыште Чистяковысо 7-ше посна гварийын мотострелок бригадын командирже лийын[3].
2022 ий кеҥежым Леонид Рыжовын командоватлымыж почеш бригаде плацдарм верч Йӱдвел Донец эҥерым форсироватлен да российысе войскалан ончыко эрташ йӧным ыштен. Ончыч разведчик-влак, посна кумдыкышто пуйто эҥер гоч вончаш ямдылалме сӱретым ончыктеныт. Вара йӱдым нуно йӧршеш вес вере эҥер гоч вонченыт да тушманын орол постшо-влакым руалтеныт. Ондален ончыктымо кумдыкышто пашам шуктымо жапыште пӱтынь сарзе вий пуэн овартыме пуш, пу плот дене эҥер гоч вончен. Мо лиймым тушман умылымешке, нуно кок уремым нальынат шуктеныт. Задаче сайын да йомдартыш деч посна шукталтын. Июль тылзыште ЛНР утарыме лийын[1].
Сарзе порысым шуктымо годым патырлыкым да талылыкым ончыктымылан РФ Президентын 2022 ий 28 июльысо кӱштыкшӧ дене гвардийын полковникше Леонид Рыжовлан Россий Федерацийын Талешкыже чаплӱмым пуымо. 2022 ий 10 августышто Обороным вуйлатыме калыкле рӱдерыште Леонид Рыжовлан «Шӧртньӧ шӱдыр» медальым обороно министр Сергей Шойгу кучыктен[4].
Суаптарым налме годым Леонид Рыжов каласен[5]:
Тиде суаптар мыланем веле огыл, а икоян пӱтынь салтак-влак ешемлан, кудышт шке сарзе пашаштым сайын шуктат. Суаптар — салтакем-шамычын тале подвигыштлан. Шке порысым шуктымо годым шкем чаманыде тыршымыштлан.
2024 ий 6 февральыште, тудын тунемме, Козьмодемьянск оласе школышто лӱмешыже шарнымаш тамгам почыныт[6].
Шке илышыже
Ватан, пелашыже Светлана, профессийже дене юрист. Эргышт уло[1].
Суаптар-влак
- II степенян «Ачамланде ончылно суаплан» орденын медальже (2019);
- Жуковын медальже (2020);
- Россий Федерацийын Талешкыже (2022);
- Луганск Калык Республикын Талешкыже (2022)[7].
Палемдымаш
- ↑ 1 2 3 Воин Светы. Герой России предлагает ставить памятники жене офицера, 3 апреля 2024, <https://aif.ru/society/people/voin-svety-geroy-rossii-predlagaet-stavit-pamyatniki-zhene-oficera>. Тергыме: 5 кылме 2025.
- ↑ 1 2 3 Рыжов Леонид Владимирович. warheroes.ru. Тергыме кече: 5 кылме 2025.
- ↑ Герой спецоперации Леонид Рыжов (руш.). Минобороны России. Тергыме кече: 5 кылме 2025.
- ↑ Герои Z. Леонид Рыжов (руш.). Сетевое издание «Контингент». Тергыме кече: 5 кылме 2025.
- ↑ Имена и лица героизма. Военные комиссариаты России. Информационно-аналитический и методический журнал Минобороны России (4 ага 2023). Тергыме кече: 5 кылме 2025.
- ↑ В Марий Эл открыли доску Почёта Герою России Леониду Рыжову в его родном лицее, <https://tass.ru/obschestvo/19914579>. Тергыме: 5 кылме 2025.
- ↑ Они прославили наш край. Герой России Леонид Владимирович Рыжов | Национальная библиотека имени С.Г. Чавайна Республики Марий Эл (руш.). nbmariel.ru. Тергыме кече: 5 кылме 2025.
- Сорла тылзын 9 кечынже шочшо-влак
- 1977 ийыште шочшо-влак
- Чыкмаште шочшо-влак
- Россий Федерацийын Геройжо-влак
- «Ачамланде ончылно суаплан» орден дене суапландаралтше-влак
- Жуков медаль дене суапландаралтше-влак
- Луганск Калык Республикын Талешкыже-влак
- Алфавит почеш персоналий-влак
- Россий Федерацийын Геройжо-влак (Марий Эл)