Рочева, Нина Петровна

Нина Рочева
Тичмаш увер
Пол	ӱдырамаш
Тичмаш лӱм	Нина Петровна Рочева
Гражданстве	СССР
Шочмо кече	13 шыжа 1948(1948-10-13)
Шочмо вер	Пакшай, Вӱрзым кундем, Киров область
Колымо кече	8 шорыкйол 2022(2022-01-08) (73 ий)
Колымо вер	Сыктывкар, Коми Республик
Карьер
Клуб	Динамо (Сыктывкар)
Медаль-влак
Ече дене таҥасымаш Олимпий модмаш-влак Ший Лейк-Плэсид 1980 4x5 км эстафете Тӱнямбал чемпионат-влак Шӧртньӧ Фалун 1974 4x5 км эстафете Той Лахти 1978 4x5 км эстафете Виктер суаптар-влак

Ни́на Петро́вна Ро́чева (ӱдыр фамилийже — Селю́нина) (13 шыжа 1948, Пакшай, Вӱрзым кундем, Киров область — 8 шорыкйол 2022, Сыктывкар, Коми Республик) — совет спортсменка, ечызе, 1980 ийысе Телымсе Олимпий модмашын призёржо, тӱнямбал чемпионко, 3 гана СССР-ын чемпионкыжо, СССР-ын сулло спорт мастерже (1974).

Илыш корныжо

Киров областьысе Вӱрзым район Пакшай ялыште шочын. Йоча жапже Марий АССР-ысе Шернур районысо Васли почиҥга ялыште эртен. Куд-шым ий марте Нинам да тудын шольыжым коча-коваже ончен-куштеныт. 1956 ийыште Нина Казанский школыш икымше классыш каен, тушто кум ий тунемын. Кочажын колымеке, ӱдырым Шернурысо интернатыш шогалтеныт.

Кандаш ий школышто тунеммеке, Рочева Йошкар-Оласе медучилищыш медшӱжарлан тунемаш пурен. Ончыкылык медшӱжарым тренер Леонид Глушков шекланен, да ӱдыр ече дене кошташ тӱҥалын. 1976 ийыште тудо Марий педагогике институтын физвоспитаний факультетшым тунем лектын.

2022 ий 8 январьыште илыш дене чеверласен.

Спорт карьер

СССР-ысе чемпионатлаште:

• Шӧртньӧ — 1978, 1980 (эстафете);
• Ший — 1973 (эстафете), 1974 (вич км), 1975 (30 км), 1976 (эстафете), 1979 (10 км);
• Той — 1971, 1974, 1975 (эстафете), 1976 (10 км), 1978 (5км), 1979 (5 км, 20 км).

1974 ий гыч СССР-ын сборныйышкыжо пурен.

• 1980 ийысе Телымсе Олимпий модмашын ший призёржо (США) (4 x 5 км эстафете);
• 1974 ийысе эстафетыште тӱнямбал чемпионко (Швеций);
• 1978 ийысе эстафетыште тӱнямбал чемпионатын той призёржо (Финляндий);
• 3 гана СССР-ын чемпионкыжо: 30 км (1978), эстафете (1978, 1980).

Еш

• Пелашыже — Василий Рочев, Лейк-Плэсидын олимпий чемпионжо, 12 гана СССР-ын чемпионжо, СССР-ын сулло спорт мастерже, Российын сулло тренерже.
• Эргыже-влак:
  • Василий Рочев — ечызе, Солт-Лэйк-Ситиште (2002) да Туриныште (2006) Телымсе олимпиаде-влакын участникше, Тӱнямбал чемпион (2005);
  • Анатолий Рочев — шуко гана Российысе ече дене коштмаш дене чемпионат-влакын чемпионжо да призёржо, тренер.
• Ӱдыржӧ — Ольга Щучкина (Рочева).

Чаплӱм ден суаптар-влак

• Марий АССР Кӱшыл Каҥаш Президиумын чаптаныкше (1969);
• Марий АССР-ысе тӱвыран сулло пашаеҥже (1974);
• «Пашаште ойыртемалтмылан» медаль (9.04.1980);
• СССР-ын сулло спорт мастерже (1991);
• РФ физкультурын сулло пашаеҥже (1998);
• Коми Республикын сулло пашаеҥже (2005.

Шарнымаш

Шернур районышто Нина Петровнан призшылан таҥасымаш-влак эртаралтыт, а Марий Элын спорт чап тоштерыштыже тудын бюстшо аралалтеш (2008 ий).

Палемдымаш

Литератур

• Мочаев В. А. Селюнина (Рочева) Нина Петровна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 321. — 2032 экз. — ISBN 5-87898-357-0.
• Селюнина (Рочева) Нина Петровна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 700. — 872 с. — 3505 экз. — ISBN 978-5-94950-049-1.
• Мочаев В. А. Селюнина Нина Петровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 388. — 606 с. — 1500 экз. — ISBN 978-5-905314-35-3.

Кылвер-влак

• Они прославили наш край. Мастер спорта международного класса Нина Петровна Селюнина-Рочева.
• Рочева Нина Петровна (Селюнина) (1948—2022).