Романов, Никандр Николаевич

Никандр Николаевич Романов
Никандр Николаевич Романов
Шочмо кече	1922 ий 6 кылме
Шочмо вер	Мишкансола, Марий Эл, РСФСР
Колымо кече	2000 ий 24 ӱярня (77 ий)
Колымо вер	Тӱрын Пӱнчер, Усола вел солавлӓ[d], Курыкмарий район;
Гражданлык	СССР,; Россий
Паша сомыл	Колхоз бригадир
	;

Никандр Николаевич Романов — (6 кылме 1922, Мишкансола (Курыкмарий кундем), Усола вел солавлӓ^[d] — 24 ӱярня 2000, Тӱрын Пӱнчер, Усола вел солавлӓ^[d]) — совет ялозанлыкын ончылъеҥже, Марий АССР Курыкмарий район Ленин лӱмеш колхозын комплексысе бригадын бригадирже, Социалист Пашан Талешкыже (1965).

Илыш корныжо

1922 ийыште Мишкансолаште, кызыт Марий Эл Республик Курыкмарий район, улан руш кресаньык ешыште шочын. 1930-шо ийлаште Романовмытын ешышт кулак еш семын толалтын, а ача-аваже репрессийыш логалыныт. Тӱҥалтыш шинчымашым налмеке, Никандр Романов сарзе службыш кайымешкыже, 1942 ий март марте, Юлышто матрос лийын. Кугу Ачамланде сарын салтакше. Сӧй корно Ленинград фронтышто 189-ше стрелок-влак дивизий кышкарыште эртен. Ленинградым аралыше салтак Нарвым, Псковым, Ригым утарымаште лийын, тушманын Курлянд войса тӱшкажым пытараш полшен^[1]^[2].

1946 ийыште шочмо кундемышкыже пӧртылын да Марий республикысе Курыкмарий кундемыште Ленин лӱмеш колхоз комплекс бригадын бригадиржылан пашам ышташ тӱҥалын. 1965 ийыште тудын вуйлатыме ялысе пашаче еш эн кӱкшӧ (рекорд) пареҥге лектышым налын, ик гектар кумдык гыч 314 центнер лектын^[1].

Марий АССР-ын калык озанлыкшым вияҥдымаште поснак кугу суаплан, СССР Кӱшыл Каҥаш Президиумын 1965 ий 26 ноябрьысе кӱштыкше почеш Никандр Николаевич Романовлан Социалист Пашан Талешкыже чаплӱмым пуэныт, Ленин орден ден «Сорла да Чӧгыт» шӧртньӧ медальым кучыктеныт.

Умбакыжат пашам кумыл дене шуктен да пашаште кӱкшӧ лектышым ончыктен. Курыкмарий район Лап Йӓктерла ялыште илен^[1]^[3].

2000 ий 24 мартыште колен, Тӹрынь Йӓктерла ялысе шӱгарлаште тойымо^[1].

Суаптарже

Паша ден сӧйысе сеҥымаш-влаклан:

«Сорла да Чӧгыт» шӧртньӧ медаль (11.03.1958),
Кок Ленин орден (11.03.1958, 23.06.1966),
II степенян Ачамланде сар орден (11.03.1985),
«Лӱддымылыклан» медаль (СССР) (20.05.1944),
«Ленинградым аралымылан» медаль (22.12.1942),
моло медаль-влак.

Палемдымаш

↑ ¹ ² ³ ⁴ ⁵ Сергей Кузоватов. Никандр Николаевич Романов (руш.). Сайт «Герои страны». Тергыме кече: 9 кылме 2022.
↑ Романов Никандр Николаевич (неопр.). www.kmkmuzey.ru. Тергыме кече: 9 кылме 2022.
↑ Герой Социалистического труда – Романов Никандр Николаевич (неопр.). old.mari-el.gov.ru. Тергыме кече: 9 кылме 2022.

Литератур

Марийская биографическая энциклопедия. Йошкар-Ола, 2007.

Кылвер-влак

Никандр Николаевич Романов (руш.). Сайт «Герои страны».

[вх-1] ¹ ² ³ ⁴ ⁵ Сергей Кузоватов. Никандр Николаевич Романов (руш.). Сайт «Герои страны». Тергыме кече: 9 кылме 2022.

[2] Романов Никандр Николаевич (неопр.). www.kmkmuzey.ru. Тергыме кече: 9 кылме 2022.

[3] Герой Социалистического труда – Романов Никандр Николаевич (неопр.). old.mari-el.gov.ru. Тергыме кече: 9 кылме 2022.

[1]

[2]

[3]