Романов, Евгений Михайлович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Романов.
Евгений Михайлович Романов
Романов Евгений Михайлович.jpg
ректор Марий кугыжаныш техник университетын
Полномочий тӱҥалтыш 2005
Полномочий мучаш 2017
Ончычсо пашаеҥ Ощепков Геннадий Сергеевич
Алмаштыше Шебашев Виктор Евгеньевич
Шкеж нерген
Шочмо кече 1948 ий 10 ӱярня(1948-03-10) (78 ий)
Шочмо вер Котяковка, Вешкайма район, Ульяновск кундем, РСФСР, СССР
Эл  СССР →  Россий
Шанче алан шапашым аралыше да экологий велым негызлыме чодырам уэш шочыктымо технологий-влак, коммунал-илыш да йӧнозанлык шӱкшакым утилизироватлыме экологий да технологий аспект-влак, чодыра кумдык-влакын экологий мониторингышт
Шанче степень ялозанлык шанче доктор
Шанче званий профессор
Образований
Награде ден медаль-влак

RUS Honorary Worker of Higher Professional Education 2004 ribbon.svg
Россий Федераций шанчын сулло пашаеҥже-влак — 2007
Марий Эл Республикысе шанчын сулло пашаеҥже (1997)
Марий Эл Республикын кугыжаныш премийже (1999)

Евгений Михайлович Романов (шоч. 10 ӱярня 1948, Котяковка[d], Ульяновск область) ― совет да российысе шанче пашаеҥ, ялозанлык шанче доктор, профессор. Марий кугыжаныш техник университетын / Юл кундемысе кугыжаныш технологий университетын ректоржо (2005―2017), Марий Эл Республикысе вуз ректор-влак Каҥашын председательже (2014―2016). Россий Федерацийын кӱшыл профессионал образованийын чапланыше пашаеҥже. Россий Федерацийын сулло шанче пашаеҥже (2007). Марий Эл Республикын Кугыжаныш премийжын лауреатше (1999). СУКП (КПСС) йыжъеҥ, «Икоян Россий» партийын йыжъеҥже.

Илыш корныжо

1948 ий 10 ӱярняште Ульяновск кундем Вешкайма район Котяковка ялысе колхозник ден туныктышын ешыштышт шочын[1][2].

Тӱҥалтыш шинчымашым Котяковка тӱҥалтыш школышто, а кыдалаш шинчымашым ― Ульяновск кундемысе Красноборск кыдалаш школышто налын. 1966 ийыште ― Ульяновскысо прибор чоҥышо заводышто слесарь-сборщик[3].

1971 ийыште Марий политехник институтым «Чодыра озанлык» (инженер) специальность дене тунем лектын[1][2].

1971 ий гыч ― комсомол да партий пашаеҥ: Марий политехник институтын ВЛКСМ бюрожын секретарьже; кокымшо, 1976―1978 ийлаште ― ВЛКСМ-ын Йошкар-Оласе горкомжын икымше секретарьже, СУКП-н Йошкар-Оласе горкомын пропаганде да агитаций пӧлкажым вуйлатышыже[1][2].

1979 ийыште Ленинградысе чодыратехник академий  (руш.) (мар. пелен аспирантурым тунем лектын[1][2].

1971―1983 ийлаште ― ботанике да чодырам аралыме кафедрын ассистентше, 1983―1986 ийлаште ― кугурак туныктышо, 1988―1990 ийлаште ― парткомын секретарьже, доцент, 1990―2002 ийлаште ― Марий политехник институтын / Марий кугыжаныш техник университетын чодыраозанлык да экологий факультетын деканже, чодыра тӱвыра да механизаций кафедрым вуйлатыше, профессор (2000).

1998 ийыште Марий кугыжаныш техник университет пелен докторантурым тунем лектын. 2002―2005 ийлаште ― икымше проректор, 2005―2017 ийлаште ― Марий кугыжаныш техник университетын / Юл кугыжаныш технологий университетын ректоржо. 2014―2016 ийлаште ― Марий Эл Республикысе вуз ректор-влак Каҥашын председательже[1][2][4][5]. 2017―2022 ийлаште ― ПГТУ-н президентше[6]. Тудын вуйлатымыж почеш университет Российын 95 ончыл вузшо радамыш официальне пурен. Пытартыш ийлаште тыште у оралте, тӱшкагудо, спорт кумдык, шкешотан лабораторий-влак чоҥалтыныт. Университет тӱнямбал шинчымаш кумдыкышто утларак кумдан палыме лийын, пӱртӱсым шот дене кучылтмо аланыште российысе да европысо лидер-влак кокла гыч иктыжлан шотлалтеш[7].

Марий Эл Республикысе Кугыжаныш Погынын  (руш.) (мар. V да VI созыв-влакын депутатшылан сайлалтын, тушто Социал вияҥмаш шотышто комитет председатель алмаштышын олмыжым айлен). Ондакше Йошкар-Оласе пашазе депутат-влак Каҥашын XVI да XVII созывысе, тыгак Йошкар-Оласе калык депутат-влак Каҥашыштын XVIII да XIX созывласе депутатше лийын[8].

2001 ий гыч ― Марий Эл Республикын Президентше / Вуйлатышыже пелен кугыжаныш награде-влак шотышто комиссийын йыжъеҥже[9].

Шанче-туныктымо паша

1979 ийыште кандидат диссертацийым арален, ялозанлык шанче кандидат[1][2].

1999 ийыште «Юл кыдалне шындыме чодырам интенсификацлымаш: биоэкологийысе, агротехникысе и техникысе аспект-влак» теме дене доктор диссертацийым арален[10]. Ялозанлык шанче доктор (1999)[1][2].

Юлысо чодыра шанче школын еҥже улеш, российысе да тӱнямбалсе чодыразе-влак коклаште кугу шанче да илышлан кӱлешан паша-влак дене кумдан палыме. 225 шанче пашан авторжо улеш, тидын коклаште: 3 монографий, 6 тунемме пособий, икмыняр методик савыктыш, тыгак 14 шонен лукмыжлан (изобретенийлан) патент[1][2][5][11].

Шымлымаште тудлан оҥай алан-влак ― шапашым аралыше да экологий велым негызлыме чодырам уэш шочыктымо технологий-влак, коммунал-илыш да йӧнозанлык шӱкшакым утилизироватлыме экологий да технологий аспект-влак, чодыра кумдык-влакын экологий мониторингышт[5].

У шанче йогыным негызлыше ― чодырам куштымо годым коммунал-илыш да йӧнозанлыкысе кодшо органикым утилизироватлыме биотехнологий йӧн-влакым ямдылымаш[1][2].

Профессор Е. Романовын шымлымаш лектышыже-влак чодырам уэштарен куштымаште кумдан кучылталтыт. Волгатехын Ботаник сад-институтыштыжо тунемме-производствысе теплице-чодырапитомник комплексым ыштыме, тудо Марий Эл, Удмуртий, Чуваший да Российын моло кундемласе чодыра озанлык-влаклан петырыме вож кышкаран, ӱден куштымо кушкыл-влакым колта. Тыште студент-влак да ончен-куштышо пашаеҥ-влак тачысе жаплан келшыше арверым кучылтмо моштымашлан тунемыт. Марий Элыште изи теплице кышкар-влакым чоҥымаш шарлен, нунылан кӧра нӧшмым ӱден куштымо кушкыл тичмашын ситаралтеш. Республикыште селекций-нӧшмым налме рӱдерым кучаш пеҥгыде шанче, методик да пого-техник негызым ыштыме, чодырам уэш куштымым селекций дене саемдыме, петырыме вож кышкаран шындышаш кушкылым ситарыме. Волгатехын Тунемме-опыт чодыраозанлыкыштыже да Юл кундемысе  (руш.) (мар. моло лесничествылаште лу дене опыт-ыштен лукшо вер-влакым почмо, нуно кӱкшӧ продуктан искусственный чодыра кушкыл-влакым ыштыме да куштымо интенсив да куатым аралыше технологий-влакым шыҥдарымаште эталон улыт[11].

Российын Шанче да туныктыш министерствыжын  (руш.) (мар. «Экологий да пеҥгыдын вияҥмаш» специальность дене УМО-н да чодыра паша аланыште шинчымаш шотышто УМО-н йыжъеҥже улеш[5][11].

03.00.16 «Экологий», 06.03.01 «Чодыра тӱвыра, селекций, семеноводство» специальность-влак дене аспирант да докторант-влаклан шанче вуйлатыше. Тудын вуйлатымыж почеш 18 кандидат диссертацийым да 2 доктор пашам ямдылыме да аралыме. Кок диссертаций каҥашын председательже (Д212.115.01 да Д212.115.03)[5][11].

Тӱҥ шанче пашаже-влак

Умбакыже профессор Е. М. Романовын тӱҥ шанче паша-влак лӱмерже ончыкталтеш[1][2][10][12]:

  • Романов Е. М. Интенсификация выращивания лесопосадочного материала в Среднем Поволжье: Биоэкологические, агротехнические и технологические аспекты: диссертация … доктора сельскохозяйственных наук: 06.03.01. ― Йошкар-Ола, 1999. ― 562 с.: ил.
  • Романов Е. М. Выращивание сеянцев древесных растений. Биоэкологические и агротехнические аспекты / Е. М. Романов. ― Йошкар-Ола: МарГТУ, 2000. ― 500 с.
  • Романов Е. М. Производство и применение нетрадиционных органических удобрений в лесных питомниках: учеб. пособие / Е. М. Романов, Т. В. Нуреева, Д. И. Мухортов. ― Йошкар-Ола: МарГТУ, 2001. ― 156 с.
  • Экология. Экологический мониторинг лесных экосистем [Электронный ресурс]: учеб. пособие для студентов вузов по специальностям «Лесное хозяйство», «Садово-парковое и ландшафт. стр-во» направления «Лесное хоз-во и ландшафт. стр-во» / [Е. М. Романов и др. ]. ― Йошкар-Ола: МарГТУ, 2008. ― 234 с. ил. ― проект. ― ISBN 978-5-8158-0565-1.
  • Романов Е. М. Методика определения оценочных показателей искусственных насаждений при устойчивом управлении воспроизводством леса [Электронный ресурс] / Е. М. Романов, Н. В. Еремин, Т. В. Нуреева. ― Йошкар-Ола: МарГТУ, 2009. — 39 с. : ил. ― проект. ― ISBN 978-5-8158-0693-1.
  • Лесные культуры [Электронный ресурс]: [упр. блок УМК для студентов специальности 250201.65 «Лесное хоз-во» направлений 250100.62 «Лесное дело», 250200.62 «Лесное хоз-во и ландшафтное стр-во» / сост.: М. А. Карасева [и др.]. ― Йошкар-Ола: МарГТУ, 2009. ― 51, [1] с.: ил.
  • Состояние, динамика и приоритетные направления развития Марийского государственного технического университета (2006―2020 гг.) [Электронный ресурс]: науч. изд. / [Е. М. Романов и др.; под. ред. В. А. Иванова]; Марийский гос. технический ун-т. ― Йошкар-Ола: МарГТУ, 2010. ― 108 c.
  • Лесной питомник [Электронный ресурс]: учебное пособие: [по направлениям подготовки «Лесное дело» и «Ландшафтная архитектура»] / [М. А. Карасева и др.]; М-во образования и науки Рос. Федерации, ФГБОУ ВО «Поволж. гос. технол. ун-т». ― Йошкар-Ола: ПГТУ, 2017. ― 159 с.: ил. ― Библиогр.: с. 137—138 (22 назв.). ― проект. ― ISBN 978-5-8158-1782-1.

Чаплӱм да суаптар

Палемдымаш

  1. ↑ 1 2 3 4 5 6 7 8 9 10 11 12 13 14 15 Мочаев, 2017, с. 367.
  2. ↑ 1 2 3 4 5 6 7 8 9 10 11 12 13 14 15 Энциклопедия Республики Марий Эл, 2009, с. 680.
  3. ↑ Ассоциация инженерного образования России. old.aeer.ru. Тергыме кече: 15 теле 2025.
  4. ↑ Совет ректоров вузов Приволжского федерального округа. www.unn.ru. Тергыме кече: 15 теле 2025.
  5. ↑ 1 2 3 4 5 6 7 8 9 Романов Евгений Михайлович (руш.). www.volgatech.net. Тергыме кече: 15 теле 2025.
  6. ↑ Евгений Романов стал президентом (руш.). МариМедиа. Тергыме кече: 15 теле 2025.
  7. ↑ Романов Евгений Михайлович (руш.). Марийская история в лицах. Тергыме кече: 15 теле 2025.
  8. ↑ Официальный сайт Госсобрания Республики Марий Эл. old.gsmari.ru. Тергыме кече: 15 теле 2025.
  9. ↑ Кто есть кто в Марий Эл, 2002, с. 445.
  10. ↑ 1 2 Романов, Евгений Михайлович - Интенсификация выращивания лесопосадочного материала в Среднем Поволжье : Биоэкологические, агротехнические и технологические аспекты : диссертация ... доктора сельскохозяйственных наук : 06.03.01 - Search RSL (руш.). search.rsl.ru. Тергыме кече: 15 теле 2025.
  11. ↑ 1 2 3 4 5 6 Романов Евгений Михайлович (руш.). rosleshoz.gov.ru. Тергыме кече: 15 теле 2025.
  12. ↑ Романов Евгений Михайлович | Semantic Scholar (англ.). www.semanticscholar.org. Тергыме кече: 15 теле 2025.
  13. ↑ Романов Евгений Михайлович – Награды России, 2007-12-13. ru.nagrady.by. Тергыме кече: 15 теле 2025.

Литератур

  • Романов Евгений Михайлович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 444—445. — 2000 экз. — ISBN 5-87898-197-1.
  • Мочаев В. А. Романов Евгений Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 304. — 2032 экз. — ISBN 5-87898-357-0.
  • Романов Евгений Михайлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 680. — 872 с. — 3505 экз. — ISBN 978-5-94950-049-1.
  • Соловьёва И. Ю., Мочаев В. А. Романов Евгений Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 367. — 606 с. — 1500 экз. — ISBN 978-5-905314-35-3.
  • Сербицкий Д. В Марий Эл у Волгатеха впервые появился президент // Марийская правда. ― 2017. ― 9 марта.
  • Мухортов Д. И., Нуреева В. А. Кто восстанавливает лес, тот работает на будущее // Вестник ПГТУ. ― 2018. ― № 1 (37). ― С. 86―93.

Кылвер-влак

"https://mhr.ruwiki.ru/w/index.php?title=Романов,_Евгений_Михайлович&oldid=1232299" гыч налме