Полежайкин, Сергей Иванович

Сергей Иванович Полежайкин
Сергей Иванович Полежайкин
Шочмо кече	14 идым 1920
Шочмо вер	Тошто Турдак[d], Саранск уезд[d], Пенза губерний[d], РСФСР[d];
Колымо кече	10 шыжа 1944 (24 ий)
Колымо вер	Литва, Литовская ССР[d], СССР;
Пурымаш	СССР
Войскан родшо	пехото[d]
Службо жап	1940—1944
Званий
Кредалмаш/сар	Кугу Ачамланде сар;
	РУВИКИ.Медиаште медиафайл-влак

Сергей Иванович Полежайкин (1920—1944) — Пашазе-кресаньык Йошкар Армийын кугурак лейтенантше, Кугу Ачамланде сарын салтакше, Совет Ушемын Талешкыже (1945). Эрзя^[1].

Рязаньысе В. П. Дубынин лӱмеш сарзе автомобиль институтын шарныме еҥ-влак радамыш курымешлан пурталтын^[2].

Илыш корныжо

Сергей Полежайкин 1920 ий 14 сентябрьыште Тошто Турдаки селаште (кызыт — Мордовийын Кочкуровысо велже) шочын. Кыдалаш школым тичмашдымын тунем лекмеке, Узбек ССР Андижанысе кундемыште илен да пашам ыштен (вес увер почеш — Сергей Полежайкин ачаж деч посна кодмеке, акаж деке Марий АССР Шелангерыш куснен, 7 классым тунем пытарымек, 1939 ий марте «Заготзерно» пунктышто пашам ыштен)^[3]. 1940 ийыште Полежайкин Пашазе-кресаньык Йошкар Армийыш служиаш налалтын. 1943 ийыште Рязаньысе сарзе-автомобиль училищым тунем пытарен. Тудо ийысе май гыч — Кугу Ачамланде сарын фронтлаштыже^[4].

1944 ий октябрьлан кугурак лейтенант Сергей Полежайкин 1-ше Прибалтике фронтын 5-ше гвардий танк армийын 1-ше гвардий посна мотоцикл полкшын офицерже лийын. Литва ССР кумдыкысо кредалмаште лийын. 1944 ий 10 октябрьыште Полежайкин разведчик тӱшка дене Данге эҥер гоч вончен да Кретинг ден Мемель ола-влак кокласе шоссе ден кӱртньыгорным пӱчкын, тушман тылышке керылтын. Полежайкин ты кумдыкым кучышаш верч кредалмаште колен. Кретингеш тойымо^[4].

Суаптарже

СССР Кӱшыл Каҥаш Президиумын 1945 ий 24 мартысе кӱштыкшӧ дене «кредалмаште лӱддымылыкым да геройлыкым ончыктымыжлан» гвардийын кугурак лейтенантше Сергей Полежайкинлан Совет Ушемын Талешкыже чаплӱмым колымекыже пуымо.

Тыгак Ленин орден, кок Йошкар Тисте да 1-ше степенян Ачамланде сар орден, медаль-влак дене суапландаралтын. Лӱмжӧ сарзе частьын шарныме еҥ-влак радамыш курымешлан пурталтын^[4].

Шарныктыш

Уссурийск ола, УВВАКУ

Полежайкин лӱмеш Кретингыште урем лӱмдалтын, Кочкуровышто чапкӱм шогалтыме^[4].
Сарзе-водительын, Совет Ушемын Талешкыже С. И. Полежайкинын лӱмжым Уссурийскысе кӱшыл сарзе автомобиль училищын шарнымаш пырдыжеш ӱмырешлан возымо.
Афганистаныште 261-ше посна автомобиль батальонын кышкарыштыже 2613-шо колонно лийын, тудо Совет Ушемын Талешкыже С. И. Полежайкинын лӱмжым нумалын.

Палемдымаш

↑ «Мордовский республиканский объединённый краеведческий музей им. И. Д. Воронина». Герой Советского Союза Архивысе копий 24 кылме 2018 гыч (руш.)
↑ http://redstar.ru/spasibo-tebe-ryazanskoe-avtomobilnoe/?print=print Архивысе копий 5 пургыж 2021 гыч
↑ Герои Советского Союза — наши земляки (неопр.) (недоступная ссылка — история). Государственный архив аудиовизуальной документации Республики Марий Эл. Тергыме кече: 4 кылме 2015. Архивлыме 4 кылме 2015 ий.
↑ ¹ ² ³ ⁴ Сергей Иванович Полежайкин (руш.). Сайт «Герои страны».

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

[МРОКМ_им._И.Д._Воронина_Герой_Советского_Союза-1] «Мордовский республиканский объединённый краеведческий музей им. И. Д. Воронина». Герой Советского Союза Архивысе копий 24 кылме 2018 гыч (руш.)

[2] ttp://redstar.ru/spasibo-tebe-ryazanskoe-avtomobilnoe/?print=print Архивысе копий 5 пургыж 2021 гыч

[3] Герои Советского Союза — наши земляки (неопр.) (недоступная ссылка — история). Государственный архив аудиовизуальной документации Республики Марий Эл. Тергыме кече: 4 кылме 2015. Архивлыме 4 кылме 2015 ий.

[wh-4] ¹ ² ³ ⁴ Сергей Иванович Полежайкин (руш.). Сайт «Герои страны».

[1]

[2]

[3]

[4]