Пичугин, Павел Иванович

Павел Иванович Пичугин
Павел Иванович Пичугин
Шочмо кече	27 пеледыш 1876
Шочмо вер	Морко, Чарла уезд, Озаҥ губерний, Россий империй;
Колымо кече	31 ӱярня 1954 (77 ий)
Колымо вер	Пермь, РСФСР[d], СССР;
Эл	Россий империй СССР; Россий
Шанче алан	Педиатрий
Паша вер	Пермь университет пеленысе Йоча клинике
Шанче степень	медицине доктор
Шанче званий	профессор
Палыме	Йоча-влакын черыштым эмлыме шотышто специалист
Награде ден премий-влак

Па́вел Ива́нович Пичу́гин (27 пеледыш 1876, Морко, Чарла уезд, Озаҥ губерний, Россий империй — 31 ӱярня 1954, Пермь) ― руш совет эмлызе, педиатр, медицине доктор (1913)^[1].

Илыш корныжо

1876 ий 27 (14) июньышто Россий империй Озаҥ губернийын Чарла уездысе Морко посёлкышто смола коштымо завод пашаеҥын ешыштыже шочын.

1902 ийыште Озаҥысе университетын (руш.) (мар. медицине факультетшым тунем пытарен. Тиде ийынак Озаҥ университетын йоча клиникыште ординаторлан пашам ышташ тӱҥалын. Руш-япон сар годым 20-шо Харбинский сводный госпитальын ординаторжылан пашам ыштен^[2].

Сар деч вара Озаҥыш пӧртылын. Йоча клиникын медицине факультетшын изирак ассистентшылан пашам ыштен. 1907 гыч 1913 ий марте Швейцарий да Германий клиникылаште тунемын^[3]. 1913 ийыште докторлык диссертацийым сайын арален.

Икымше тӱнямбал сар (руш.) (мар. тӱҥалме дене Озаҥыште 91-ше сводный эвакуационный госпитальын кугурак ординаторжылан тыршен. Тиде жапыштак шанче-педагогике пашам шуктен шоген^[2].

1920 ий 20 июньышто Пермь университетын медицине факультетшын йоча чер-влак кафедрыжын профессоржылан сайленыт^[3]. Университет пелен йоча клиникым почын. Тудо Уралыште икымше тыгай клинике лийын. Йоча клинике шке пашажым 1922 ийыште тӱҥалын^[4].

Тыгак мер пашам шуктен шоген, ик гана огыл Пӱтынь ушемысе эмлызе-влак погынын делегатшылан сайлалтын. 1926 ийыште медицине факультетын деканжын алмаштышыжлан, а ик ий гыч тудын шанче секретарьжылан ойыреныт^[4].

Павел Пичугин Ленин орден, Паша Йошкар Тисте орден, «1941—1945-ше ийласе Кугу Ачамланде сарыште суаплан» медаль, «Тазалык аралымашын отличникше» оҥпале дене суапландаралтын^[4].

1954 ий 31 мартыште Пермьыште колен, Успений черке воктене Егошихинский шӱгарлаште тоеныт. 2002 ийыште 9-ше №-ан Оласе йоча клинике эмлымверлан Павел Иванович Пичугинын лӱмжым пуымо^[4].

Суаптар-влак

Ленин орден^[2];
Паша Йошкар Тисте орден^[2];
«1941—1945-ше ийласе Кугу Ачамланде сарыште суаплан» медаль^[2];
«Тазалык аралымашын отличникше» оҥпале^[2].

Шке возымо пашаже-влак

Скарлатина и меры борьбы с ней. Казань, 1909.
Опыты с культивированием plasmodium vivax по методу Bass’a // Казанский медицинский журнал. 1913. № 3/4.
Лечение малярии детей метиленовой синькой // Казанский медицинский журнал. 1914. № 3/6.
Питание и уход за грудным ребёнком. Молотов, 1940.

Литератур

Ильинский П. И. 35-летие научно-преподавательской и врачебно-общественной деятельности профессора П. И. Пичугина // Педиатрия. 1938. № 3.

Палемдымаш

↑ Пичугин Павел Иванович (неопр.). Тергыме кече: 10 шорыкйол 2026. Архивлыме 19 пеледыш 2021 ий.
↑ ¹ ² ³ ⁴ ⁵ ⁶ Пермский государственный медицинский университет им. академика Е. А. Вагнера (руш.). psma.ru. Тергыме кече: 10 шорыкйол 2026.
↑ ¹ ² Пичугин Павел Иванович (руш.). tatarica.org. Тергыме кече: 10 шорыкйол 2026.
↑ ¹ ² ³ ⁴ Некрополи Перми ...и не только - Пичугин П. И. (неопр.) permnecropol.ucoz.ru. Тергыме кече: 10 шорыкйол 2026.

Кылвер-влак

[1] Пичугин Павел Иванович (неопр.). Тергыме кече: 10 шорыкйол 2026. Архивлыме 19 пеледыш 2021 ий.

[:0-2] ¹ ² ³ ⁴ ⁵ ⁶ Пермский государственный медицинский университет им. академика Е. А. Вагнера (руш.). psma.ru. Тергыме кече: 10 шорыкйол 2026.

[:1-3] ¹ ² Пичугин Павел Иванович (руш.). tatarica.org. Тергыме кече: 10 шорыкйол 2026.

[:2-4] ¹ ² ³ ⁴ Некрополи Перми ...и не только - Пичугин П. И. (неопр.) permnecropol.ucoz.ru. Тергыме кече: 10 шорыкйол 2026.

[1]

[2]

[3]

[4]