Павлов, Александр Иванович

Александр Иванович Павлов
Александр Иванович Павлов
Шочмо кече	20 сорла 1906
Шочмо вер	Козы ял, Порхов уезд, Псков губерний, Россий империй
Колымо кече	22 идым 1966 (60 ий)
Колымо вер	Порхов[d], Псков область, РСФСР[d], СССР;
Пурымаш	СССР
Войскан родшо	пехото
Службо жап	1939—1945
Званий
Кредалмаш/сар	Совет-финн сар (1939—1940)[d]; Кугу Ачамланде сар;

Александр Иванович Павлов (1906—1966) — Пашазе-кресаньык Йошкар Армийын капитанже, совет-финн да Кугу Ачамланде сар-влакын салтакше, Совет Ушемын Талешкыже (1940).

Илыш корныжо

Александр Павлов 1906 ий 20 августышто Козы ялеш (кызыт — Псков кундем Порхов вел) шочын. Тичмаш огыл кыдалаш школым тунем лекмеке, ялсовет председательын алмаштышыжлан пашам ыштен. 1939 ийыште Павлов Пашазе-кресаньык Йошкар Армийыш служиаш налалтын. Политпашазе-влак курсым тунем лектын^[1].

Совет-финн сарысе кредалмаште Йӱдвел-Касвел фронтын 7-ше армийжын 13-шо куштылго танк бригадын 158-ше мотолӱйылтмӧ батальон политрукын алмаштышыже лийын. 1940 ий 13 февраль Ляхде илем верч кредалмаште (тений — Ленинград кундемын Выборг велже) Павлов строй гыч лекше рото политрукым алмаштен, дзотым да кок танк ваштареш саргуралым пытарен. 1940 ий 18 февральыште тудо Перойоки (кызыт — Перовка) эҥер гоч вончен да варасе кредалмаште чолган шоген. Капшым йӱштӧ налын гынат, строеш кодын^[1].

СССР Кӱшыл Каҥаш Президиумын 1940 ий 21 мартысе кӱштыкшӧ дене «финн белогвардий дене кучедалме фронтышто командованийын кӱштымыжым сайын шуктымыжлан, тыгодым лӱддымылыкым да талылыкым ончыктымыжлан» изирак политрук Александр Павлов Совет Ушемын Талешкыже чап лӱмым сулен да Ленин орден ден 474-ше номеран «Шӧртньӧ Шӱдыр» медальым кучыктымо^[1].

Кугу Ачамланде сарыште 1941 ий июнь гыч РГК-ан 120-шо посна моторизоватлыме батальонын комиссарже олмышто лийын. 1942 ий май марте Ленинград фронтышто кредалын. 1942 ий август тылзыште Гжатск воктен кредалмаште лийын, 18 числаште чот сусырген да контузитлалтын. Эмлыше-влаклан шола кидвургыжым пӱчкаш логале. Кужу жап эмлалтме деч вара, 1944 ий июньышто, 17-ше №-ан Бронетанк заводын политчасть начальникын алмаштышыже лийын. Сар пытымек, Павлов капитан лӱмпале дене шапашыш лектын. Порхов олаште илен да пашам ыштен. 1966 ий 22 сентябрьыште колен^[1].

Тыгак Йошкар Шӱдыр орден да икмыняр медаль дене суапландаралтын^[1].

Палемдымаш

↑ ¹ ² ³ ⁴ ⁵ Александр Иванович Павлов (руш.). Сайт «Герои страны».

Литератур

Герой Советского Союза политрук А. Павлов. Захват финских противотанковых пушек // Бои в Финляндии: Воспоминания участников. Ч. 2. — М.: Воениздат, 1941. — С. 92—93.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

[wh-1] ¹ ² ³ ⁴ ⁵ Александр Иванович Павлов (руш.). Сайт «Герои страны».

[1]