Ошла
| Ошла | |
|---|---|
 | |
| Сынже | |
| Кужыт | 62 км |
| Вӱдкундем | 619 км² |
| Вӱд йогымаш | |
| Вӱдшинча | |
| • Кӱкшыт | 129,6 м |
| • Координат | 57°03′58″ с. ш. 47°50′21″ в. д.GЯO |
| Аҥ | Изи Какшан |
| • Верланымаш | 126 км пурла сер дене |
| • Кӱкшыт | 88,0 м |
| • Координат | 56°44′40″ с. ш. 48°01′01″ в. д.GЯO |
| Эҥер тайыл | 0,7 м/км |
| Верланымаш | |
| Вӱд системе | Изи Какшан → Юл → Каспий теҥыз |
|
|
|
| Эл | |
| Регион | Марий Эл, Киров область |
| Район-влак | Медведево район, Оршанке район, Яраҥ район |
| ГВР код | 08010400712112100001104[1] |
| ГКГН номер | 0218891 |
|
|
|
 |
|
Ошла (руш. Ошла) — Российысе эҥер, Марий Эл Республикыште да Виче кундемыште йога[2]. Эҥерын аҥже Изи Какшанын аҥже деч 126 уштыш тораште, пурла серыште, верланен. Эҥерын кужытшо 62 уштыш, вӱд погымо кучем кумдыкшо — 619 уштыш²[3].
Эҥерын вӱдмучашыже Виче кундемын Яраҥ районыштыжо, Журавли (ондаксе, кызыт уке) ял воктене, Оршанке посёлко деч 17 уштыш йӱдвел-касвелне, верланен. Йогынын тӱҥ корныжо кечывалвеке виктаралтын. Журавли, Лежни (Грачи), Ошлинские, Ошла (Хмелевка) ялла да Рашкар (Каракша) села гоч (Шкаланке ял шотан илем) йоген эрта, тидын деч вара Марий Элын Оршанке кумдыкышкыжо йоген пура, тушто Кӱшыл Каракша да Изи Каракша ял-влак воктеч эрта. Ӱлнырак район рӱдерын, Оршанке посёлкын, эрвел чекше дене йога. Посёлко деч ӱлнырак Изинур (Малый Кугунур), Тошто Крешын, Мари-Ушем ял-влак пелен эрта. Пытартышыж деч изиш ӱлнырак Изи Какшаныш йоген пура, йогынын пытартыш уштышыжо Медведево кумдыкышто йога. Изинур (Малый Кугунур) ял эҥерыште пӱя уло. Кокла да ӱлыл йогынын кокла писылыкше — 0,3 м/с. Мари-Ушем ялыште, эҥерын аҥже деч ончыч кумдыкшо, лопкытшо — 30 метр.
Игэҥер-влак
(кужытым аҥ гыч шотлен палемдыме)
- 24 уштыш: Руй эҥер (вӱд реестрыште — лӱмдымӧ эҥер, Марково ял воктене), пурла
- 34 уштыш: Орша эҥер (вӱд реестрыште — лӱмдымӧ эҥер, Оршанке ял воктене), пурла
- 36 уштыш: Соза эҥер, шола
- 43 уштыш: Пижанке эҥер, пурла
- Уса эҥер, шола
- Каракша эҥер, шола
- Пигонер эҥер, пурла
Вӱд реестрын уверже-влак
Россий кугыжаныш вӱд реестрын уверже почеш Кӱшыл Юл вӱдкучем йырвелыш пура, эҥерын вӱд озанлык кумдыкшо — Юл Шупашкар вӱдпышкем гыч Озаҥ ола марте, Сӱйэ да Сывиль (Свияга да Цивиль) эҥер-влак деч посна, эҥерын эҥер йымал кучемже — Юлын Окаш пурымо гыч Куйбышев вӱдаралымвер марте (Шур (Сура) вӱдкучем деч посна). Эҥерын эҥерысе вӱдкучемже — (Кӱшыл) Юл гыч Куйбышев вӱдаралымвер марте (Ока вӱдкучем деч посна)[3].
Кугыжаныш вӱд реестрыште эҥерын кодшо — 08010400712112100001104[3].
Палемдымаш
- ↑ Ресурсы поверхностных вод СССР: Гидрологическая изученность. Т. 12. Нижнее Поволжье и Западный Казахстан. Вып. 1. Нижнее Поволжье / под ред. О. М. Зубченко. — Л.: Гидрометеоиздат, 1966. — 287 с.
- ↑ Данные получены с помощью Публичной кадастровой карты на официальном сайте Росреестра.
- ↑ 1 2 3 Ошла : [руш.] / textual.ru // Государственный водный реестр : [арх. 2013 ий 15 октябрь] / Минприроды России. — 2009. — 29 март.