Ободзинский, Валерий Владимирович

Валерий Владимирович Ободзинский
Тӱҥ увер
Тичмаш лӱм
Шочмо кече	24 шорыкйол 1942(1942-01-24)
Шочмо вер	Одесса, Украин ССР[d], СССР
Колымо кече	26 вӱдшор 1997(1997-04-26) (55 ий)
Колымо вер	Моско, Россий
Тойымо	Кунцево шӱгарла[d]
Эл	СССР  Россий
Профессий	мурызо
Ыштыме жап	1960—1987, 1993—1997
Могай йӱк	тенор[d]
Жанр	эстраде[d] да руш романс[d]
Коллектив	Оркестр Олег Лундстремын п/у , ВИА «Золотая карета» ВИА «Верные друзья»
Лейбл	«Мелодия»
РУВИКИ.Медиаште медиафайл-влак

Валерий Владимирович Ободзинский (24 шорыкйол 1942, Одесса — 26 вӱдшор 1997, Моско) — совет да россий эстраде мурызо (тенор), Марий АССР-ын сулло артистше (1973).

1960—1970-ше ийлаште — СССР-ын чапланыше эстраде мурызо. «Эти глаза напротив» (Д. Тухманов — Т. Сашко), «Восточная песня» (Д. Тухманов — О. Гаджикасимов), «Колдовство» (А. Флярковский — Л. Дербенёв), «Играет орган» (Д. Тухманов — М. Пляцковский), «Вечная весна» (Д. Тухманов — И. Шаферан), «Мираж» (А. Зацепин — Л. Дербенёв), «Твой день» (С. Касторский — В. Гин), «Первое апреля» (В. Мигуля — И. Шаферан) да моло муро-влакым икымше гана йоҥгалтарен.

Илыш корныжо

Йоча пагытше

Валерий Ободзинский 1942 ий 24 шорыкйолышто Одессыште, Пётр Великий уремыште (кызыт — Дворянская), поляк Владимир Иванович Ободзинский ден украин Евгения Викторовна Казаненкон ешыштышт шочын. Кунам олам немыч ден румын-влак руалтен налыныт, изи Валерам, кудывечым эрыктышылан пашам ыштыше, Домна Кузьминична коваже ончен куштен. Тудын чӱчӱжӧ, Валерий деч 3 ийлан кугурак лийын, немычын соктажым шолыштын, тиде немычын шыдыжым луктын. Немец кок рвезымат изиш гына лӱен пуштын огыл. Колымаш деч жапыштыже толын шушо коваже утарен, тудо немыч ончыко сукен возын да чынжымак кемжым шупшалаш тӱҥалын.

Самырык пагыт

Школ деч вара Ободзинский икмыняр пашам вашталтен: кочегарлан тыршен, матраслашке пружиным шупшын, тыгак кӱчык жаплан пӧрт арверлык замокым ыштыше артельыште пашам ыштен.

1959 ийыште 17 ияш Валера «Черноморочка» сылнысымыктыш фильмын эпизодыштыжо возалтын, тушко тудым урем гыч пуртеныт улмаш. Фильмыште тудо оркестр семмастарын рольжым модын.

1962 ийыште Иркутскышто гастроль годым Неля Кучкильдина дене палыме лийын. Тудо ватыже лийын да тудлан кок ӱдырым — Анжелам ден Валериям — шочыктен.

Сем пашаже да цензур

Тудын мурызо карьерыже Костромасе филармонийыште тӱҥалын. Вара «Адмирал Нахимов» пароходышто калыклан тӱвыра программым ончыктен. Тидын деч вара тудын паша верже Томск филармоний лийын, тудын концертше-влак дене тудо Сибирь мучко, а вара — уло Россий мучко коштын савырнен. Томск филармоний деч вара уэш Кострома филармонийыш пӧртылын, тиде гана солист семын. Тунам сылнысымыктыш вуйлатыше олмышто Валентина Фёдоровна Макарова ден тудын марийже Валерий Иванович пашам ыштеныт.

Йот элласе ик гастроль годым Ободзинский болгар композитор Борис Карадимчев дене палыме лийын. Борис артистлан шке «Луна на солнечном берегу» мурыжым пӧлеклен, да Валерийын йодмыж почеш О. Гаджикасимов мурым рушлаш кусарен.

Валерий Ободзинскийын икымше пластинкыже-влак 1966 ийыште лектыныт — кок муран соло миньон «Валерий Ободзинский» да 7 тӱшка альбом («В. Ободзинский; Лундстремын эстр. оркестр», «Музыка калейдоскоп (7-я серия)», «Лундстремын эстраде оркестрже», «Эстраде муро-влак», «Лирике муро-влак», «Лундстремын эстраде оркестрже» да «Совет композитор-влакын мурышт»).

1966—1967 ийлаште Олег Лундстремын оркестрыштыже пашам ыштен.

1967 ийыште тудо кок тылзаш Омск — Красноярск — Томск — Хабаровск — Владивосток гастрольыш каен, концерт-влак кугу кумыл дене эртеныт. Тунам тудым уло эл пален налын. Кумдан чапланымыже дене пырляк официал савыктышлаште шылталымаш кушкын. Чӱчкыдынак тудым концерт ден «У ий тул» войзымаш гыч пӱчкын луктеденыт.

1967 гыч 1972 ий марте — Донецк филармонийын солистше.

1970 ийыште мурызын икымше пластинкыже «Поёт Валерий Ободзинский» лектын.

Ободзинскийын йӱкшӧ — пушкыдо, кумылым савырыше, чатка, ласка тенор. Мурыжо-влак — тӱҥ шотышто йӧратымаш лирике. Ободзинскийын мурымыжо эре чон шижмашан, сусыным тарватыше, шокшо, южгунам гротеск марте.

Ободзинскийын ойыртемже 1970-ше ийлаште моткоч йодмашан, шкешотан мурымаште лийын. Ободзинский мурашлан лӱмын тунемын огыл, чынжым тудо шкенжым шке куштен, пӱртӱс тудлан пуэн виян сем шижмашым да колышт моштымашым.

1970-ше ийла тӱҥалтыште Валерий Ободзинский пеш кумдан чапланен, но тидым шотыш налде, 1970 ийыште, СССР Гостелерадион председатель олмышкыжо Сергей Лапинын толмыж деч вара, Рӱдӧ телевиденийыш корно петыралтын. Телевиденийыште эркын-эркын Вадим Мулерман, Майя Кристалинская, Аида Ведищева, Лариса Мондрус да моло гай мурызо-влакым возымым чарненыт. Тыгай шонымашат уло, Лапин нине еҥ-влакым антисемит ончалтыш дене кораҥдылын (нунын тукымыштышт еврей вож лийын). Председатель тыгай-влаклан Ободзинскийымат шотлен, но тудо еврей лийын огыл.

Уэш-пачаш Рӱдӧ телевиденийыш муро дене логалаш тӧчыныт. Ик «Канде тул» передачым войзымо деч вара Сергей Лапин тыге каласен, ты ойжо варажым шулдыран мутыш савырнен: «Кызытак Градскийым кораҥдыза!» Тудлан вашештеныт: «Тиде Градский огыл, а Ободзинский». — «Тем более: мыланна ик Кобзонат сита!».

1973—1977 ийлаште — «Верные друзья» ВИА дене пашам ыштен.

Музык журналист Владимир Марочкинын шарнымыж почеш, 1974 ийысе тӱҥ хитлан «Старый гриф» муро лийын, тудо американ «Золото Маккенны» кинофильм гыч, тудым кадр шеҥгелне Валерий Ободзинский мурен. Тиде муро кужу жаплан мурызын репертуарыштыже тӱҥ олмым айлен. Лӱмын совет прокатлан поэт Леонид Дербенёв «Old Turkey Buzzard» мурылан руш текстым возен, тудым оригиналыште Хосе Фелисиано мурен. Вера Дербенёва, Леонид Дербенёвын ватыже, шарнен, Ободзинский тудлан вуйым шийын, тудым ик концертыштак «Старый гриф»-ым бислан кум гана мураш йодыт.

Д. Тухмановын («Эти глаза напротив», «Восточная песня», «Листопад», «Играет орган»), А. Зацепинын («Мираж», «Сколько девчонок на свете», «Песня о первом прыжке», «Марш десантников») мурышт дене пырля, Ободзинский совет колыштшым Лес Ридын, Том Джонсын, Джо Дассенын, Карел Готтын, Демис Руссосын, The Beatles-ын усталыкышт дене палымым ыштен. Чыла тиде, тыгак шке пашам сайын ыштен моштымыжо Ободзинскийым совет калыкын, поснак ӱдырамаш-влакын, кумирышкыже савырен. Тудын грампластинкыжын миллионан тиражше, лукталтмеке, кӱчык жапыште пӱтынек ужалалтын. Сем критик-влак 1970-ше ийла тӱҥалтыште мурызын кушмыжым, тудын репертуаржын кумдаҥмыжым палемденыт.

Мемнан 10 кечыште 14 концерт, аншлаг, эше 20 наре процент пурымо билет ужалена. Тудын официал концерт ставкыже 13 теҥге 50 ыр, тылеч посна тӱрлӧ ешартыш окса лийын. Иктеш ончымаште ик концерт гыч 40 теҥге наре лектын. Кумдан чапланыме жапыштыже Ободзинский обкомысо партий секретарь деч 10 пачаш шукырак оксам ыштен налын. Тидын годым концерт-влакын ужашышт официально эртеныт, а южо ужашыже — верысе филармонийын «фонд»-влак гоч. Конешне, тыгай паша тунам мокталтын огытыл.Сандене РСФСР-ын сулло артистше лӱм олмеш тудлан Марий АССР-ын сулло артистше чаплӱмым пуэныт.Администратор певца Павел Александрович Шахнарович

.

Мурызын варасе усталык пӱрымашыже нелын эртен. Оксам ыштен налаш тыршымаш тунам сайын аклалтын огыл, эшежым манеш-манеш шарлен, пуйто мурызо ыштен налме окса дене ок келше, садлан йотэлыш каяш шона. Чыла тиде тудым концерт ден гастроль программыла гыч кораҥдаш амалым ыштен. США-ш гастроль дене лекташ шонымашат илышыш шыҥен шуктен огыл.

Пытартыш ий-влак

1987 ийлан Ободзинский сцене пашам пӱтынек коден. Тудо ватыж дене ойырлен, галстук фабрикыште ороллан пашам ыштен. Ик поклонницыж пелен ушныде илен, арака йӱмӧ дене орланен, мурымо пашажым йӧршеш коден.

1990-ше ийла тӱҥалтыште граждан ватыже Анна Есенинан тыршымыж дене Ободзинский арака деч кораҥ кертын да мурымо пашаш пӧртылын. Тудо Александр Вертинскийын мурыжо-влак альбомым возен. 1994 ий сентябрьыште, шуко ий шып илыме деч вара, «Россия» концерт залыште икымше гана мурен. Аншлаг лийын; икымше муро деч вара зал кидсовыш дене пудешталтын — иктат ӱшанен кертын огыл: аракам йӱмӧ да наркотик гоч эртыше еҥын йӱкшӧ тынар арун аралалт кодын. Тунамак Ободзинский икмыняр палыме телепередачыште войзалтын да Российын тӱрлӧ олаштыже икмыняр концертым пуэн. Шке пытартыш гана вашлиймаштыже, телевиденийыште «Золотой шлягер» («Первый канал») программыште, Валерий Владимирович каласен: «Моткоч чӱчкыдын мый дечем йодыт: молан те тынар кужу жаплан йомында? Творческий илыш тӱрлын эртен. Лийын тат, кунам мый шке кӱкшытемым пӱтынек эртенам. Да умылынам: умбакыже огыт пу. Чылашт ончылно мыскылалт коштмаш шерем темен: телевидений, радио пашаеҥ-влак ончылно, кудышт виян еҥ-влакын кӱштымышт почеш мыйын муро-влакым пӱчкедыныт. Тӱвыра гыч чинъеҥ-влак увертареныт, пуйто мый советлан келшышын ом муро… Жап эртен».

Ободзинскийын шӱгарже Москосо Кунцево шӱгарлаште

Ободзинский 1997 ий 26 апрельыште 56 ияш Москошто шӱмлык ситыдымаш деч колен. Кунцево шӱгарлаште тоялтын (10 № кумдык).
Чеверласымаш Сымыктыш пашаеҥ-влакын усталык пӧртыштышт эртен, Ободзинский дене чеверласаш 300 наре еҥ толын, туштак колышын коллегыже-влак лийыныт: Иосиф Кобзон, Лев Лещенко, Альберт Асадуллин.

Анна Есенина:

«ЦДРИ-ште граждан чеверласымаште чылан Валерий дене келшымышт да тудым йӧратымышт нерген мучашдымын ойленыт. А тушто, лӱмын келыштарыме верыште, рамыште тудын фотосӱретше шоген. Трук тудо кӱвар ӱмбак камвозын да яндаже кугу йӱк дене тыгыдын шырпешт шаланен. Тидын деч вара чылан шып лийыныт. Тыге, Валера тиде апофеозым уже тушеч, кава гыч, чарен».

Мурен ужатымаште черкысе шнуйъеҥ каласен: «Тудын семын колаш кажне священнослужитель шона — тудо Кугече арнян колен. А тиде ончыкта, тудын чыла сулыкшо кораҥдалтын».

Ободзинский йоҥгалтарыме кумдан палыме муро-влак

• «Анжела» (Джино Паоли — руш текст Л. Дербенёвын)
• «Аравийская песня» (мут ден сем А. Вертинскийын)
• «Белые крылья» (В. Шаинский — В. Харитонов)
• «Вечная весна» (Д. Тухманов — И. Шаферан)
• «Вечный вальс» (Н. Богословский — И. Кохановский)
• «Восточная песня» (Д. Тухманов — О. Гаджикасимов)
• «Всё сбудется» (Лес Рид — руш текст О. Гаджикасимовын)
• «Встреча» (А. Тартаковский — П. Леонидов)
• «Где же ты» (Роберт Уорд — руш текст О. Гаджикасимовын)
• «Гимн маршалу Жукову»(Д. Галицкий, В. Огарков)
• «Гляжу в озёра синие» (Л. Афанасьев — И. Шаферан)
• «Девушка» (Дж. Леннон — руш текст О. Гаджикасимовын)
• «Дни бегут» (мут ден сем А. Вертинскийын)
• «Дождь и я» (Р. Майоров — О. Гаджикасимов)
• «Дом за углом» (Э. Сломинский — О. Гаджикасимов)
• «Дорога» (Р. Майоров — В. Харитонов)
• «Дорога без конца» (И. Петренко — Я. Голяков)
• «Дремлет море в ночи» (Франческо Мальяччи — руш текст Л. Дербенёвын)
• «Заблудились, видно, соловьи» (В. Орловецкий — Г. Меер)
• «Запоздалая любовь»(Э. Салихов — О. Гаджикасимов)
• «Засыпят листья» (В. Добрынин — В. Дюнин)
• «Играет орган» (Д. Тухманов — М. Пляцковский)
• «Карнавал» (К. Свобода — руш текст О. Гаджикасимовын)
• «Колдовство» (А. Флярковский — Л. Дербенёв)
• «Листопад» (Д. Тухманов — В. Харитонов)
• «Лишь вчера» (Я. Френкель — И. Шаферан)
• «Луна на солнечном берегу» (Б. Карадимчев — Д. Стойчев)
• «Любимая, спи» (Д. Тухманов — Е. Евтушенко)
• «Любовь возвратится к тебе» (А. Нестеров — П. Леонидов)
• «Марш десантников» (А. Зацепин — Л. Дербенёв) — «Ариэль» ВИА дене пырля
• «Мелодия» (А. Пахмутова — Н. Добронравов)
• «Мечта» (Э. Артемьев — Н. Кончаловская)
• «Мечтается людям» (мут ден сем А. Богословскийын)
• «Мираж» (А. Зацепин — Л. Дербенёв)
• «Настоящая любовь» (Джеймс Ласт — руш текст О. Гаджикасимовын)
• «Наша магистраль» (Ю. Антонов — В. Дюнин)
• «Наше танго» (Я. Дубравин — В. Гин)
• «Небо моё» (А. Зацепин — Л. Дербенёв) — «Улыбка» вокал квартет дене
• «Невозможно» (Б. Рычков — В. Харитонов)
• «Неотправленное письмо» (С. Мелик — О. Гаджикасимов)
• «О, жизнь моя, постой, не уходи» (мут ден сем Т. Толстаян) — романс
• «Одно и то же» (А. Днепров — В. Харитонов)
• «Олеандр» (С. Влавианос — руш текст О. Гаджикасимовын)
• «Первое апреля» (В. Мигуля — И. Шаферан)
• «Песня о первом прыжке» (А. Зацепин — Л. Дербенёв) — «Ариэль» ВИА дене
• «Подожди» (С. Мелик — О. Гаджикасимов)
• «Пойми меня» (Н. Богословский — И. Кохановский)
• «Последние астры» (мут ден сем Валерий Белянинын)
• «Последнее письмо» (А. Вертинский — С. Есенин)
• «Прощай» (И. Матета — Л. Дербенёв)
• «Русское поле» (Я. Френкель — И. Гофф)
• «Синеокая бездна» (И. Матета — Л. Дербенёв)
• «Сколько девчонок на свете» (А. Зацепин — Л. Дербенёв) — «Улыбка» вокал квартет дене
• «Снился мне сад» (В. Борисов — Е. Дитерихс)
• «Солнце не спит» (Э. Шварц — О. Гаджикасимов)
• «Спасибо тебе, море» (С. Терентьев — О. Гаджикасимов)
• «Старый гриф-стервятник» (К. Джонс — руш текст Л. Дербенёвын) — «Золото Маккенны» к/ф гыч
• «Так и будет» (Б. Ренский — П. Леонидов)
• «Только „Да“» (Б. Ренский — П. Леонидов)
• «То, что я должен сказать» (мут ден сем А. Вертинскийын)
• «Ты меня забыла» (В. Дмитриев — М. Рябинин)
• «Ты мне встретишься» (П. Изотов — О. Гаджикасимов)
• «Ты успокой меня» (мут ден сем А. Вертинскийын)
• «Фиалки» (П. Бюль-Бюль оглы — О. Гаджикасимов)
• «Что нам остаётся от любви» (Д. Тухманов — Д. Иванов)
• «Что-то случилось» (Т. Попа — М. Блок, руш текст Д. Ивановын)
• «Эти глаза напротив» (Д. Тухманов — Т. Сашко)
• «Я возвращаюсь домой» (А. И. Островский)
• «Я люблю тебя всегда» (А. Пахмутова — Н. Добронравов)
• «Я ревную тебя» (Н. Богословский — А. Поперечный)

Дискографий

Дискографий:

Винил грампластинке-влак

• LP
  • Поёт Валерий Ободзинский (1970)
  • Валерий Ободзинский поёт песни Никиты Богословского (миньон, 1975)
  • Любовь моя — песня (1975)
  • Эти глаза напротив (кок тӱрлӧ пластинке, 1992—1993).
• SP, тыгак лывырге грампластинке-влак
  • 1967 (кок тӱрлӧ пластинке)
  • 1969 (кок тӱрлӧ пластинке)
  • 1970 (кок тӱрлӧ пластинке)
  • 1971
  • 1973
  • 1974
  • 1975
  • 1978

• Сборниклаште муро-влак

• • Песни советских композиторов (1969)
  • Песни Д. Тухманова (1970)
  • Песни Александра Зацепина (1973)
  • Песни советских композиторов (1974)
  • Разговор со счастьем (1974)
  • Эта весёлая планета (1974)
  • Песни Юрия Саульского (1974)
  • Песни Никиты Богословского (1975)
  • С Новым годом (1975)
  • Песни Никиты Богословского (1975)
  • Песни Игоря Шаферана (1976)
  • Песни на стихи Наума Олева (1976)
  • Песни А. Зацепина из кинофильма «Между небом и землёй» (1976)
  • Андрей Богословский — сем да мут (1976)
  • Белые крылья (1976)
  • Тем, кто влюблён (1976)
  • Фотографии любимых (1976).

CD

• Карнавал любви (1994)
• Колдовские ночи (1995)
• Дни бегут. Александр Вертинский в творчестве Валерия Ободзинского (1995)
• Неотправленное письмо (1995)
• Эти глаза напротив (1995)
• Запоздалая любовь (1998)
• Валерий Ободзинский. Золотые Шлягеры 60-70-х гг. (1999)
• Колдовские ночи (1999)
• Валерий Ободзинский. Лучшие песни (2 CD, 2001).
• Всё сбудется. Избранное (2003).
• Валерий Ободзинский. Золотая коллекция ретро (2 CD, 2004)
• Валерий Ободзинский. Вечная весна (2006)
• Валерий Ободзинский. Встреча (2006)
• Валерий Ободзинский. Белые крылья (2006)
• Валерий Ободзинский. Колдовство (2006)
• Валерий Ободзинский. Спасибо за любовь (2006)
• Валерий Ободзинский. Золото Маккенны (2006)
• Валерий Ободзинский. Песни А. Н. Вертинского (2006)
• Валерий Ободзинский. Мираж (концерт) (2006)
• Валерий Ободзинский. Эти глаза напротив (концерт) (2006)
• Валерий Ободзинский. Золотая коллекция (2 CD, 2008)

Фильмографий

Актёр

• 1959 — «Черноморочка» — джаз оркестр семмастар (эпизод)

Кадр шеҥгелсе вокал:

• 1969 — «Золото Маккенны»
• 1971 — «Большой янтарь»
• 1971 — «Русское поле»
• 1972 — «Тайник у Красных камней»
• 1973 — «Эта весёлая планета»
• 1973 — «Молчание доктора Ивенса»
• 1975 — «Между небом и землёй»
• 1975 — «Призвание»
• 1976 — «Моё дело»
• 1978 — «Весенняя мелодия»
• 1978 — «Кот в мешке»

Шарнымаш

• 2002 ий 24 сентябрьыште Москошто, «Россия» ГЦКЗ воктене, «Шӱдыр-влакын кумдыкыштышт», Валерий Ободзинскийын Шӱдыржым пыштымаш эртен.
• 2009 ийыште Одессыште Валерий Ободзинский лӱмеш ретро-эстраде клуб чоҥалтын.
• 2009 ий 8 сентябрьыште Одессыште Дворянская уремыште, 33-шо №-ан пӧртыштӧ, артистым шарныме лӱмеш мемориал оҥам почыныт. Пайремле вашлиймашым В. Ободзинский дене пырля ик сценыште шуко гана мурышо, Украинын калык артистше Михаил Бакальчук почын.
• 2012 ий 1 июньышто Донецкыште Донецк кундемысе филармонийын полатыштыже шарныктыш оҥам почыныт (Валерий Ободзинский филармонийыште 1967 гыч 1972 ий марте пашам ыштен).
• 2014 ийыште «Серебряный дождь» радиостанций «Поёт Валерий Ободзинский» альбомым «Мелодия» фирмын 50 культ пластинкыжын лӱмерышкыже пуртен.
• 2015 ийыште Российыште Валерий Ободзинскийлан пӧлеклалтше «Эти глаза напротив» телесериал сниматлалтын, тушто мурызын рольжым актёр Алексей Барабаш модын).
• Валерий Ободзинскийын сынже тыгак 2015 ийыште лекше россий-украин «Красная королева» телевидений сериалын пытартыш серийыштыже ончыкталтын; мурызын рольжым актёр Сергей Чуб модын.
• 2016 ийыште, Россий гыч ыштыме «Яндекс» кычалше кышкарысе йодыштмашын лектышыж почеш, Валерий Ободзинский «Пӧръеҥ-влак» категорийыште кумшо верым налын, ончылно Дональд Трамп ден Леонардо Ди Каприо лийыныт.

• д/ф «Украденная жизнь» (Икымше канал, 2011);
• д/ф «Валерий Ободзинский. „И ты простишь мне мой побег“» (Икымше канал, 2015);
• д/ф «Вот и свела судьба…» (анонс) Валерий Ободзинскийын шочмыжлан 80 ий темме лӱмеш документ фильм (Икымше канал, 2022).

Палемдымаш

Литератур

• Ф. И. Раззаков. Досье на звёзд. 1962—1980. — М.: ЭКСМО-Пресс, 1998. — С. 232—240. — 752 с. — ISBN 5-04-000982-8.
• Стронгин В. Л. Валерий Ободзинский. Отлучение от песни (руш.). — М.: Центрполиграф, 2006. — ISBN 5-9524-2150-4.
• Ободзинский Валерий Владимирович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 261. — 2032 экз. — ISBN 5-87898-357-0.
• Как оборвалась песня Ободзинского, <https://web.archive.org/web/20160901143634/http://sobesednik.ru/culture/obodzinsky-sb-41-09>. Тергыме: 31 шыжа 2025. 

Кылвер-влак

• Валерий Ободзинский // kkre-37.narod.ru — «Красная книга российской эстрады»
• Колпаков Валерий. Неверные друзья Валерия Ободзинского. Часть 1. ВИА «Москвичи»  (неопр.). Специальное радио (20 пургыж 2006).
• Колпаков Валерий. Неверные друзья Валерия Ободзинского. Часть 2. Богословский против Тухманова: ВИА «Верные друзья»  (неопр.). Специальное радио (27 пургыж 2006).
• Колпаков Валерий. Неверные друзья Валерия Ободзинского. Часть 3. По волне моей памяти: Тухманов против Богословского  (неопр.). Специальное радио (6 ӱярня 2006).
• Могила на Кунцевском кладбище, уч. 10