Николаев, Пётр Павлович
| Пётр Павлович Николаев | ||||
|---|---|---|---|---|
 | ||||
| Шочмо кече | 1927 ий 12 сӱрем | |||
| Шочмо вер | Изи Абаснур ял, Советский район, Марий Эл | |||
| Колымо кече | 2008 ий 29 пургыж (80 ий) | |||
| Колымо вер | Йошкар-Ола, Марий Эл, Россий | |||
| Гражданлык |
 СССР, Россий |
|||
| Паша сомыл | башне кранын машинистше | |||
| Награде да премий |
|
|||
Пётр Павлович Николаев (12 июль 1927 — 29 февраль 2008) — советысе чоҥымо аланын ончылъеҥже, Марий чоҥышо трестын башне кранысе машинистше, Марий АССР-ысе Йошкар-Ола, Социалист Пашан Талешкыже (1965).
Илыш корныжо
1927 ий 12 июльышто Марий АССР-ысе Советский район Изи Абаснур ялыште руш ешеш шочын[1].
1941 ийыште «Ильичын сугыньжо» верысе колхозышто пашам ышташ тӱҥалын. Оршанке шымияш школым тунем пытарен. 1944 ийыште Йошкар армийыш каен. 1951 ийыште службо гыч каен да Йошкар-Оласе полупроводник ӱзгар-влакым лукшо заводын 116-шо №-ан чоҥышо трестысе 11-ше СМУ-што слесарьлан пашам ышташ пурен. 1951 ий сентябрьыште «Марийскстрой» Трестын СМУ-2 кермыч оптышылан пашаш куснен.
1952 ийыште Харьков олаште крановщик-влакым ямдылыше курсым тунем лектын. СМУ-11 пашам ыштен, Марий АССР-ын башнян кранын икымше машинистше лийын. Илен-толын неле техник дене пашам ыштыме моштымашым налын. Йошкар-Оласе 1-ше ден 2-шо микрорайон-влакым нӧлтымаште тыршен. Тудо «Контакт», «Электроавтоматика», Ужалыме машинчоҥышо завод-влакын ыштен лукшо оралтылажым чоҥен, политехник институтын, Марий драме театрын полатыштым нӧлтен. Чоҥымо техникым пайдалын кучылтмо шотышто ятыр ой-каҥашым пуэн[2].
СССР Кӱшыл Каҥаш Президиумын 1965 ий 26 ноябрьысе кӱштыкшӧ почеш Пётр Павлович Николаевлан нӧлтымӧ объект-влакым чоҥымаште сай паша лектышыш шумылан Социалист Пашан Талешкыже чаплӱмым пуымо, Ленин орден да «Сорла ден Чӧгыт» шӧртньӧ медальым кучыктымо.
Чоҥымаште тыршен, 1971 ий гыч башне краным эскерен олмыктымо шотышто слесарь-влакын бригадирыштлан пашам ыштен. 1992 ий гыч сулен налме канышыште[1].
СССР-ысе Кӱшыл Каҥашын 7-ше созыв годым депутатшылан сайлалтын, Йошкар-Ола Каҥашын депутатше, КПСС Марий обкомын йыжъеҥже лийын.
Йошкар-Олаште илен. 2008 ий 29 февральыште колен[1].
Суаптар
Паша сеҥымашлан суапландаралтын:
- «Сорла да Чӧгыт» шӧртньӧ медаль (26.11.1965)
- Ленин орден (26.11.1965)
- моло медаль-влак
- Йошкар-Олан Чап гражданинже (17.04.1968)
Палемдымаш
- ↑ 1 2 3 Сергей Кузоватов. Николаев Пётр Павлович (руш.). Сайт «Герои страны». Тергыме кече: 12 вӱдшор 2020.
- ↑ Николаев Пётр Павлович | Национальная библиотека имени С. Г. Чавайна Республики Марий Эл (руш.). nbmariel.ru. Тергыме кече: 12 вӱдшор 2020. Архивлыме 12 вӱдшор 2020 ий.
Литератур
- Герасимов В., Речкин П. Высота / В.Герасимов, П. Речкин. — Йошкар-Ола,1968. — 62 с.
- 75 лет Строителям Марий Эл: 75 лет Строительной конторы «Маристрой» — Йошкар-Ола,2003. — 88 с.
- Николаев Пётр Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 577. — 872 с. — 3505 экз. — ISBN 978-5-94950-049-1.
- Конакова Н. Н., Мочаев В. А. Николаев Пётр Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 308. — 606 с. — 1500 экз. — ISBN 978-5-905314-35-3.
Кылвер-влак
- Пётр Павлович Николаев (руш.). Сайт «Герои страны».