Бабушкина, Надежда Васильевна
| Надежда Васильевна Бабушкина | ||
|---|---|---|
 | ||
| Шочмо кече | 1915 ий 14 ӱярня | |
| Шочмо вер |
Кострома, Россий империй |
|
| Колымо кече | 1936 ий 27 пеледыш (21 ий) | |
| Колымо вер |
Йошкар-Ола, СССР; Москошто тойымо |
|
| Гражданлык |
 СССР |
|
| Паша сомыл | парашютист | |
| Награде да премий |
|
|
Надежда (Ната) Васильевна Бабушкина (1915–1936) — совет парашютистке, тӱшкан тӧрштымаште тӱнямбал рекордсменке.
Илыш корныжо
1915 ий 14 мартыште Костромаште шочын. Индеш классым, тӱҥалтыш класслаште туныктышо-влакын идалыкаш курсыштым тунем пытарен. ВЛКСМ йыжъеҥ лиймек, 1932 ийыште, оласе комсомол комитет Москошко Рӱдӧ физкультур институтыш тунемаш колтен. 1933 ий декабрьыште Надежда парашют спорт дене заниматлаш ОСОАВИАХИМ-ын Кӱшыл парашют школыш йодмашым пуэн. Икымше гана 1934 ий 23 июльышто тӧрштен.
Бабушкинам рекордан кӱкшыт гыч кислород прибор деч посна ӱдырамаш-влакын пырля тӧрштымыштым ямдылыме тӱшкаш пуртеныт. Тӧрштымаш 1935 ий 17 июньышто 7035 метр кӱкшыт гыч лийын, рекордым конден. Тидлан спортсмен-влак Йошкар Шӱдыр орден дене суапландаралтыныт: Александра Николаева (Моско), Ната Бабушкина (Кострома), Марина Барцева (Саратов), Ольга Яковлева (Ставрополь), Муза Малиновская[1] (Ӱпӧ) да Серафима Блохина (Моско)[2]. 1936 ийыште Жуковский лӱмеш Сар-юж академийыш тунемаш пурен.
Парашют дене умбакыжат тӧрштылын. 1936 ий 24 июньышто, Марий автоном областьлан 15 ий темме пайремыште, 800 метр кӱкшыт гыч тӧрштымӧ годым Бабушкинан парашютшо 40 метр кӱкшытыштӧ гына почылтын. Кум кече тудо больницыште илыш верч кучедалын, икмыняр операцийым чытен, но 1936 ий 27 июньышто колен. Москошто, Новодевичий шӱгарысе Колумбарийын 5 секцийыштыже тойымо[3].
Суаптарже
- Йошкар Шӱдыр орден дене суапландаралтын.
Шарнымаш
- Бабушкинан лӱмжӧ дене Йошкар-Олаште садым лӱмдымӧ, тушто бюстым вераҥдыме[2]. Архитектор К. П. Блажановын монумент пашажым 1958 ийыште шогалтыме. 1983 ийыште тудым уэмден алмаштыме[4]. Йошкар-Олаште тудын илыме пӧртыштӧ мемориал оҥам вераҥдыме.
- Костромаште [5] тыгак Ната Бабушкина лӱмеш изурем уло. Тудын лӱмжым сар деч ончычсо ийлаште костромасе аэроклуб нумалын[6].
- Москосо Раменский ола йырвелысе Ильинский посёлкыштыжо Ната Бабушкина лӱмеш урем уло (ончычсо 3-шо Лесная).
- Бабушкинан лӱмжӧ дене Ната астериодым (1086) лӱмденыт, тудым Сергей Белявский ден Николай Иванович 1927 ийыште почыныт.
Палемдымаш
- ↑ Замужем с 1941 года за разведчиком Н. И. Эйтингоном
- ↑ 1 2 Ната Бабушкина. Тергыме кече: 29 вӱдшор 2015. Архивлыме 23 пеледыш 2017 ий.
- ↑ Бабушкина Надежда (Ната) Васильевна (1915-1936) (руш.) (26 ӱярня 2009). Тергыме кече: 19 сӱрем 2022. Архивлыме 18 сӱрем 2022 ий.
- ↑ Памятник Нате Бабушкиной. Тергыме кече: 29 вӱдшор 2015. Архивлыме 5 ӱярня 2016 ий.
- ↑ ул. Наты Бабушкиной (Кострома). Тергыме кече: 29 вӱдшор 2015. Архивлыме 6 ӱярня 2016 ий.
- ↑ Звезда по имени Ната. Тергыме кече: 18 сорла 2016. Архивлыме 27 сорла 2016 ий.
Литератур
- Айплатов Г. Н. Бабушкина Надежда (Ната) Васильевна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 37. — 2032 экз. — ISBN 5-87898-357-0.
- Бабушкина Надежда (Ната) Васильевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 236. — 872 с. — 3505 экз. — ISBN 978-5-94950-049-1.
- Бабушкина Надежда (Ната) Васильевна // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 40—42. — 374 с. — 500 экз. — ISBN 978-5-94950-070-5.
- Горбачёв А. Н. Список некрологов за 1930—2015 годы. М., Infogans, 2016 (в некрологе год рождения 1916)
- Айплатов Г. Н. Бабушкина Надежда (Ната) Васильевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 40. — 606 с. — 1500 экз. — ISBN 978-5-905314-35-3.