Метатехнологий дене руш университет
| Метатехнологий дене руш университет | |
|---|---|
| (iSpring институт) | |
 | |
| Ончычсо лӱм | «Инфосфере» ешартыш профессионал туныктымашын коммерческий огыл автоном организацийже, ЕПО АКО «Инфосфере» |
| Негызлыме ий | 17 теле 2009 |
| Директор | Александр Козлов |
| Верланымаш | |
| Сайт | ispring.institute |
 |
|
Метатехнологий дене руш университет (iSpring институт) — Марий Эл Республикысе Йошкар-Олаште верланыше кӱшыл туныктымаш шотышто коммерческий огыл автоном организаций (кӱчыкын: КОАКО «РМТУ»). Пашам ыштымым ешартыш профессионал туныктымаш гыч кӱшыл туныктымашыш вашталтыме марте организаций тыге лӱмдалтын: «Инфосфере» ешартыш профессионал туныктымашын коммерческий огыл автоном организацийже (кӱчыкын: ЕПО АКО «Инфосфере»)[1].
Эртымгорно
Университетым негызлыме кечылан 2009 ий 17 декабрь шотлалтеш[1]. Тунам «Инфосфере» ешартыш профессионал туныктымашын коммерческий огыл автоном организацийже почылтын. Тиде «Инфосфере» йоча компьютер школ лийын, тудо таче кече мартеат уло[2]. Организацийым негызлыше: Юрий Викторович Усков — онлайн-туныктымо технологийым ямдылыше iSpring компанийым негызлыше[3].
2012 ийыште Программный системе-влак институтым почмо, тудо кокымшо кӱшыл туныктымаш форматыште программист-влакым ямдыла. Тунемме жап 2 ий, занятий арняште 3 гана паша кечын кастене эрта[4].
Вес йыжыҥ 2015 ий лийын. Лач тунам, 2015 ий 24 апрельыште, «Инфотех» информаций технологий лицей шочын. Лицейыште школьник-влаклан тунемме процессым вораҥдарыме[5].
2021 ийыште iSpring институтын пӧртшым чоҥаш тӱҥалме, тушко тунемме корпус-влак да коливинг — студент-влакын илыме верышт — пурат[6].
2022 ий 1 сентябрьыште iSpring институт бакалавриат программе дене классический тунемме форматым тӱҥалын, тушто туныктымаш проект-влакым вияҥдыме да тӱнямбал ИТ-бизнесын опытшо чумыралтын[1].
Тиде тат толжо манын, ме шуко тергымашан кужу корным эртенна — 1 сентябрьыште iSpring институт, посна еҥын вес институтшщо, омсам почеш. ИТ-специальностьлан ынде шуко верыште туныктымыла чучеш. Да, вуз шуко, но чынжымак чот ойыртемалтше профессионал-влакым, кугу проект-влакын геройыштым, ямдылыше-влак Российыште ялт уке гаяк. Ме тидым тӧрлаш шонен пыштышна[7].
— Юрий Усков — iSpring компанийым негызлыше
Туныктымо процесс
Туныктымаш тыгай корныла дене кая:
- Программылык инженерий. Профиль: «Программыдлык системым проектироватлымаш да ямдылымаш».
- Прикладной информатике. Профиль-влак: «Цифраҥ продуктын маркетингше да дизайнже» да «Туныктымаште цифран компетенций»[1].
iSpring институтын бакалавриат программыже икымше классан цифран продуктым ямдылыме да тудым пеш кумда рынкыш лукмо шотышто шуко ияш опыт негызеш ышталтын. Практиковатлыше профессионал-влак деч топ кӱкшытан экспертизым тунем шукташ куштылго огыл. Сандене Институтышто лач нуно тунем кертыт, кӧмыт пеҥгыдын тунемын, чаракым шот дене эртен да шкаланже шке кӱштен мошта.
iSpring институтын студентше икымше курс деч варак чын проектлаште, ИТ-компанийыште пашам ышта. Тудо чынак улшо бизнес кӧргыш шыҥа да чынак улшо задачым решатла. Тудлан профессионал туныктышо, шке пашажын мастарже полша. Профессионал тыршымаште сеҥымаш — iSpring институтышто туныктымо ик паша гына огыл. Мыланна рвезе-влакын командыш сайын ушнен мотымышт, кумда шинчаончалтышым налмышт да сылным чот шижын моштымышт кӱлешан. Ме ончыкылыкын у, саемдыме версийжым ышташ тӱҥалше, мемнан илышнам лишыл 50 ийлан палемдыше у продукт ден технологийым ыштыше лидер-влакым ямдылена[3].— Юрий Усков — iSpring компанийым негызлыше
2024 ийлан iSpring институтыш 1,3 млрд теҥгем шыҥдарыме. Компанийын планыштыже — 2032 ий марте Йошкар-Олаште университет комплексым вияҥдаш 10 млрд теҥге кугытан инвестицийым ыштымаш. iSpring институт тиде жаплан 5000 студентым налаш да туныкташ да тунемме программым кумдаҥдаш палемда[6].
Палемдымаш
- ↑ 1 2 3 4 Основные сведения (неопр.). Институт iSpring. Тергыме кече: 12 сӱрем 2025.
- ↑ Детская компьютерная школа - Компьютерная школа Инфосфера (неопр.). Компьютерная школа Инфосфера -. Тергыме кече: 12 сӱрем 2025.
- ↑ 1 2 Герои поколения Z (неопр.). МариМедиа. Тергыме кече: 12 сӱрем 2025.
- ↑ Институт программных систем (неопр.). Институт ПС. Тергыме кече: 12 сӱрем 2025.
- ↑ Инфотех — информация о лицее (неопр.). Лицей информационных технологий «Инфотех». Тергыме кече: 12 сӱрем 2025.
- ↑ 1 2 Институт iSpring получил инвестиции в размере 1,3 млрд рублей, <https://dsmedia.pro/company/ispring/news/institut-ispring-poluchil-investicii-v-razmere-13-mlrd-rublej>. Тергыме: 12 сӱрем 2025.
- ↑ Институт iSpring — другое высшее образование в сфере ИТ (неопр.). Тергыме кече: 12 сӱрем 2025.
