Почтенева, Марина Георгиевна

РУВИКИ — эрыкан энциклопедий гыч материал
Марина Георгиевна Почтенева
Pochteneva-marina-georgievna.jpg
Шочмо кече 19 сӱрем 1978(1978-07-19) (48 ий)
Шочмо вер
Эл
Паша сомыл театр актёр, киноактёр, туныктышо, радиовӱдышӧ, мурызо
Награде да премий

Марина Георгиевна Почтенева (шоч. 19 сӱрем 1978, Яндусола, Виловат ял шотан илем[d]) — Российысе театрын да кинон актрисыже, радиовӱдышӧ, педагог, марий мурым мурышо. Марий Эл Республикын сулло артисткыже.

Биографий

1978 ий 19 июльышто Марий АССР Курыкмарий район Яндусола ялыште шочын[1]. Школ жапыште школысо пионер дружине советын председательже лийын. Мураш йӧратен, изинек гитарым шокташ тунемын, но артистке лияш шонен огыл. Тунемше йот йылме-влак факультетыш пураш ямдылалтын, но тудлан ик балл ситен огыл. Марина Почтенева шарналтен:

Мӧҥгӧ пӧртылаш намыс, молан манаш гын институтыш ышт нал. Иктаж-кушко, но садак пураш кӱлеш, шонем. Да тушто тӱвыра колледж оралтыште Василий Александрович Пектеев актёр курсыш курыкмарий тӱшкам погымо нерген увертарымашым ужам. Тыманмеш шонен пыштышым: тышкыже мый садикте пурем. Кумшо тур кайымат чарен шогалтен огыл. Ямдылалташ жап, конешне, лийын огыл, сандене гитарым нальым да кайышым. Почеламут олмеш ик мурын текстшым лудым, ала-мом шокталтышым, изишак кушталтышым, а вара мыйым этюдым ончыкташ йодыч. Мо нерген йодмыштым мый йӧршешат умылен омыл. Тунам Василий Александрович мылам ончыкташ темлыш, пуйто олаште мыйын окса сумкам шолыштыныт, да мӧҥгӧ кудал ом керт. Тидым колын гына шуктышым, лӱдын колтышым да пеш чот шорташ тӱҥальым[2].

Почтеневам Марий республикысе тӱвыра колледжын театр пӧлкашкыже налыныт. Студент ийлаште тудо вокал группышто выступатлаш тӱҥалын. Тунем пытарымек, Курыкмарий драме театрыш направлений манмым налын, но тушто кужунак пашам ыштен огыл, молан манаш гын музыкальный группо гыч каяш да концерт деч кораҥаш кӧнен огыл. Пытартышлан тудо М. Шкетан лӱмеш Марий калыкле драме театрыш пурен кертын[3][2].

У верыште самырык актрисылан иканаште кок тӱҥ рольым модаш ӱшаненыт: «Аксар ден Юлавий» спектакльыште Юлавийым («Аксар ден Юлавий») да «Кеҥеж йӱдыштӧ» Ольгам[2][3].

2001 ийыште Почтенева Санкт-Петербургысо театр искусство кугыжаныш академийыш пурен да ик жапыштак театрыште умбакыже модын[3][4].

Шкенжын эн виян рольжылан Марина Почтенева «Вий-ар — ме» («Биармия») рок-оперыште Рагнин образшым шотла, кеч туддеч ончычат, туддеч варат актрисе шагал огыл моло рольым модын шуктен[2]. «Кеҥеж йÿдыштӧ» Ольган образшылан тудо калык премий дене суапландаралтын, а «Пӱрӧ пазарыште» («Пӱрӧ») Тайсан рольжылан — театральный дене[3].

2009 ийыште Почтенева А. А. Эшпайын «Иван Грозный» шуко сериян сериалыштыже Иван Грозныйын икшывыже-влакшын нянькыштым модын[3].

Актёр пашам «Марий Эл Радиошто» паша дене кылда, тушто тудо шке землякше-влак нерген «Курыкмарий шагат» радиопередачын авторжо да вӱдышыжӧ[5]. Тыгак Почтенева Марий кугыжаныш университетыште сценыште ойлымо дене занятийым вӱда[6] да концертлаште сольный номерла дене выступатла[2][3].

2016 ийыште театр сымыктышыш кугу надырым пыштымылан тудлан «Марий Эл Республикын сулло артисткыже» лӱмым пуымо[3].

2025 ий 14 июньышто М. Шкетан лӱмеш марий кугыжаныш драме театрын да М. Гафури лӱмеш башкир академ драме театрын артистышт-влак дене пырля ХІ Тӱнямбал театр Олимпиадын программыже кышкарыште А. Чеховын пьесыже почеш «Ваня Чӱчӱ» спектакль-коллаборацийыште модын. Спектакль Г. Камал лӱмеш татар академ театрын кугу сценыштыже ончыкталтын[7].

Шке илышыже

Марина Почтенева Сергей Даниловлан — Марий Эл Республикын калык артистшылан — марлан лектын. Тудат М. Шкетан лӱмеш Марий калыкле драме театрыште роль-влакым модеш. Кок эргым ончен куштат[2][8].

Актрисе яра жапыште спорт дене кылым куча. Тудо спорт туризм дене шочмо Курыкмарий районжын куд гана чемпионкыжо улеш. Волейбол дене таҥасымашлаште, тыгак ече дене да курыкласе куржталмаште шке вийжым терга[2].

Ойырен налме роль ден спектакль-влак

  • Н. Арбан «Кеҥеж йӱд» (Летняя ночь) — Ольга (2001)
  • К. Коршунов (Аксар и Юлавий) — Юлавий (2001)
  • Ф. Буляков «Чеверласыме чевер пеледыш» (Герань – цветок разлуки) — Олю (2002)
  • З. Долгова «Полдыранат ош пеледышан» (Белый цвет борщевика) — Ошӱдыр (2002)
  • А. Попов «Пӱрӧ пазар» (Брага) — Тайса (Майра) (2004)
  • С. Николаев «Салика» — Марина (2004)
  • З. Долгова «Пысман корем» (Овраг) — Ӱдыр (2005)
  • А. Волков «Каче-влак» (Женихи) — Саван вате (2005)
  • В. Розов «Сÿан кечын» (В день свадьбы) — Нюра (2006)
  • Н. Дьяконов «Молан вашлийым тыйым?..» (Свадьба с приданым) — Любаша Бубенчикова (2006)
  • В. Абукаев-Эмгак «Серебряный колокольчик» — Белочка (2006)
  • В. Шекспир «Кожла кокласе омо» (Сон в летнюю ночь) — Онава (2006)
  • З. Долгова «Ӱдыр сий» — Эчыви (2007)
  • А. Слаповский «Блин-2» — Дося (2007)
  • М. Шкетан «Ачийжат-авийжат!..» (Эх, родители!..) — Ведеса (2008)
  • П. Захаров «Шешке — шемгишке» (Невестка) — Ониса (2008)
  • А. Володин «Улыжат вич кас» (Пять вечеров) — Зоя (2009)
  • Ю. Соловьев «Йыван Кырла» — Надя Ялкайн (2009)
  • В. Юксерн «Хитрая лиса» — Лиса (2009)
  • Н. Арбан «Кеҥеж йӱд» (Летняя ночь) — Ольга (2009)
  • В. Регеж-Горохов «Кугезе муро» (Песня предков) — Пикас (2011)
  • И. Зайниев «Поро пошкудо — пел кудо» (Люстра) — Венера (2011)
  • М. Рыбаков «Морко сем» (Моркинские напевы) — Верук (2012)
  • Н. Пушкина, С. Яндукова «Юмынӱдыр» (Дочь Бога) — Начий (2012)
  • А. Островский «Йӧным мушо йӧрым кочкеш» (На всякого мудреца довольно простоты) — Манефа (2013)
  • А. Волков «Оръеҥ мелна» (Свадебные блины) — Таиса (2013)
  • Г. Гордеев «Шкетан» — Тачана (2013)
  • Н. Коляда «Шанель Тарля» (Баба Шанель) — Роза Николаевна (2013)
  • Г. Гордеев «Сӧсна поминка» (Поминки по свинье) — Марпа (2014)
  • Д. Богословский «Айдеме йӧратымаш» (Любовь людей) — Настя (2015)
  • М. Рыбаков «Тӱрлемӱдыр» (Кружевница) — Лаика (2015)
  • В. Гуркин «Йӧратымаш да кӧгӧрчен-влак» (Любовь и голуби) — Шура (2016)
  • М. Рыбаков «Эргымлан кузык» (Приданое для сына) — Сурманаева Ониса (2016)
  • Н. Арбан «Тулар ден тулаче» — Алла (2017)
  • М. Шкетан «Эреҥер» — Клавий (2017)
  • А. Островский «Чын улат — сай, пиалан гын — сайрак» (Правда — хорошо, а счастье лучше) — Пелагея Зыкина (2018)
  • С. Кантерво, В. Овчинников «Вий-ар-ме» (Биармия) — Рагни (2018)
  • А. Островский «Кӧ кечым пӧртылта» (Снегурочка) — Купава (2018)
  • А. Спиридонов, А. Мокеев «Югорно» (Песнь о вещем пути) — Тулык вате (2018)
  • С. Николаев «Салика» — Эчан вате (2019)
  • Ю. Байгуза, В. Пектеев «Шӧртньӧ лудо» (Золотая утка) — Кува (2020)
  • С. Пектеев «Йыван Кырла. Путёвка в жизнь» — (2020)
  • Ю. Байгуза, В. Пектеев «Окса тул» (Блеск монет) — Елук, Вӱдава (2020)
  • З. Долгова «Ший Пампалче» (Серебряная Пампалче) — Вувер кува (2020)
  • В. Пектеев «Унчышко тулан йолгорно» (Огненная дорога в Шоруньжу) — Хозяйка дома, Роза (2020)
  • С. Пектеев «Фолкс» — Предки (2021)
  • С. Васин «Короткий день» — Подруга (2020)
  • А. Мокеев «Ой, Мичу!.. Ох, Зина!..» — Зина (2022)
  • У. Шекспир, Ф. Гладков «Гамлет. Машина. Цемент» — Житель деревни, Баба Авдотья (2022)
  • Н. Гор «Шӱдыран тат» (Звёздный час по местному времени) — Натален аваже
  • С. Чавайн «Мӱкш отар» (Пасека) — Онтон вате (2023)[9]
  • С. Пектеев «Ваня чӱчӱ» (Дядя Ваня) — Мария Васильевна, мать дяди Вани (2024)
  • А. Яковлев, С. Тимошенко, Р. Алексеев «Кавасе алаша» (Небесный тихоход) — Катя Кутузова (2025)
  • Санян Вачи, В. Пектеев «Колумб» — Мокрухина (2025)

Палемдымаш

  1. ↑ Увлеченная жизнью / Актриса Марийского национального театра драмы им. Шкетана Марина Почтенева: «Я всегда в движении», <https://yoshkarola.bezformata.com/listnews/drami-im-shketana-marina-pochteneva/136005684/>. Тергыме: 27 кылме 2025. 
  2. ↑ 1 2 3 4 5 6 7 Марина Оленева (2024-09-03), Заслуженная артистка Марий Эл, актриса Марийского национального театра драмы им. Шкетана Марина Почтенева: «Я всегда в движении», <https://www.marpravda.ru/news/religiya/aktrisa-mariyskogo-natsionalnogo-teatra-dramy-im-shketana-marina-pochteneva-ya-vsegda-v-dvizhenii-/>. Тергыме: 27 кылме 2025. 
  3. ↑ 1 2 3 4 5 6 7 Почтенева Марина Георгиевна, <http://marihistory.ru/2011-01-01-19-53-52/25822-pochteneva-marina-georgievna.html>. Тергыме: 27 кылме 2025. 
  4. ↑ Марина Почтенева приглашает друзей, 2016-01-26, <https://kidsher.ru/ru/culture/2626/>. Тергыме: 27 кылме 2025. 
  5. ↑ Горномарийское счастье. Форум народов Ленинградской области. Тергыме кече: 27 кылме 2025.
  6. ↑ Педагогический состав. Информация о персональном составе педагогических работников реализуемой образовательной программы "53.02.02 Музыкальное искусство эстрады (по видам). Артист, преподаватель, руководитель эстрадного коллектива (на базе: основное общее образование)" (неопр.). marsu.ru. Тергыме кече: 27 кылме 2025.
  7. ↑ Международная Олимпиада и восторженные отклики, 2025-06-16, <https://shketan.ru/mezhdunarodnaya-olimpiada-i-vostorzhennye-otkliki/>. Тергыме: 27 кылме 2025. 
  8. ↑ Марина Почтенева и Сергей Данилов в "Театральной гостиной" (неопр.). Союз театральных деятелей. Марийское отделение. Тергыме кече: 27 кылме 2025.
  9. ↑ Почтенева Марина Георгиевна, <https://shketan.ru/workers/pochteneva-marina-georgievna/>. Тергыме: 27 кылме 2025. 

Кылвер-влак

"https://mhr.ruwiki.ru/w/index.php?title=Почтенева,_Марина_Георгиевна&oldid=1166154" гыч налме