Лёнкин, Александр Николаевич

Александр Николаевич Лёнкин
Александр Николаевич Лёнкин
Шочмо кече	1916 ий 25 теле
Шочмо вер	Карагуж села, Покров волость, Бийск уезд, Томск губерний
Колымо кече	1964 ий 22 сӱрем (47 ий)
Колымо вер	Козловка, Козлов район, Чуваш АССР, РСФСР
Пурымаш	СССР
Званий	Сержант
Кредалмаш/сар	Кугу Ачамланде сар

Александр Николаевич Лёнкин^[1]^[2] (1916, Карагуж, Покров волость, Бийск уезд, Томск губерний, Россий империй — 1964, Козловка, Чуваш АССР, РСФСР, СССР) — Кугу Ачамланде сарын салтакше, Совет Ушемын Талешкыже.

Илыш корныжо

1916 ий 25 декабрьыште Россий Федерацийысе Старобардино вел (кызыт — Красногорск) Карагуж селаште кресаньык ешыште шочын. Руш^[3].

1924 ийыште школыш каен. 1927 ийыште Лёнкинын ешыже Горно-Алтайск олаш куснен, тушто 1932 ийыште Саша Ойрот-Тура кыдалаш школын 7 классшым тунем пытарен да умбакыже шӧр промышленность техникумыш тунемаш каен.

1933 ий гыч 1935 ий марте шӧртньым кычалмаште каталь ден забойщиклан пашам ыштен. Вара Ойрот-Тура селаш пӧртылын, тушто верысе чодыра озанлыкыште бухгалтерлан тыршен.

1937–1939 ийлаште Йошкар Армий радамыште служитлен. Армий службым рядовой салтакла эртен, а вара кавалерий эскадронышто сержантлан лийын.

Кугу Ачамланде сарым имнешке семын (конник) тӱҥалын. 1941 ий сентябрьыште Чернигово кундемыште Лёнкин салтак тӱшка дене пырля окруженийыш верештын. Октябрьыште, фронт линий деке шуаш тыршышыжла, Рыльск воктенысе Спадщан чодыраште Путивльысе отрядын партизанже-влакым вашлийын, тудым С. А. Ковпак вуйлатен, отрядышке тудо разведчик-имнешке семын пурен. Тыште тудо Брянскысе чодырам шерын, пурла серысе Украиным, Польшым, Чехословакийым эртен. 1945 ий гыч ВКП(б) йыжъеҥ.

1947 ийыште шапашыш каен. Москосо чодыра йӧнозанлык пашаеҥ-влакын квалификацийыштым нӧлтышӧ институтыш тунемаш пурен, 1952 ийыште тунем пытарен^[3].

1954 ий гыч 1957 ий марте Марий АССР-ысе Медведево чодыра йӧнозанлыкыште директорлан тыршен.

1961 ий гыч 1964 ий марте Козловка олаште (Чуваший) Пӧртым чоҥышо заводын директоржылан пашам ыштен.

1964 ий 22 июльышто пагар рак чер дене колен. Козловка олаште тойымо.

Еш

Козловкышто тудын ватыже — Клавдия Порфирьевна, Татьяна ӱдыржӧ да Юрий ден Дмитрий эргыже-влак.

Суаптар

СССР Кӱшыл Каҥаш Президиумын 1944 ий 7 августысо кӱштыкшӧ дене мландым руалткалыше немыч-фашист-влак ваштареш кучедалмаште патырлыкым да талылыкым ончыктымыжлан Александр Николаевич Лёнкинлан Совет Ушемын Талешкыже чаплӱмым пуымо да Ленин орден ден «Шӧртньӧ Шӱдыр» медальым (4328 №) пуымо.
Эше ик Ленин, Йошкар Тисте орден да медаль-влак дене суапландаралтын.

Шарныктыш

Герой лӱмжӧ дене Козловкышто да Горно-Алтайскыште урем-влак лӱмдалтыныт^[4].
А. Н. Лёнкинын лӱмжым 1974—1991 ийлаште Новосибирск оласе 41-ше №-ан кыдалаш школын пионер дружиныже нумалын. Таче мартеат тиде школышто Александр Лёнкин лӱмеш сибирьысе партизан-влакын сарысе чапыштым ончыктышо тоштер пашам ышта.
Путивль ола воктенсе (Сумск кундем) Спадщан чодыраште Талешке-влакын пушеҥгырадамыште А. Н. Лёнкинын бюстшым шогалтыме^[5].
Чуваш Республикысе Козловка олаште, Тӱвыра пӧрт воктене, А. Н. Лёнкинын бюстшым шогалтыме.

Ондак тиде «Чап тамга» орденан Козловкысо автофургон комбинатын кумдыкыштыжо шоген улмаш, (ончычсо пӧртым чоҥышо комбинат), тыште Александр Николаевичын пашам ыштен^[6].

Палемдымаш

↑ Наши земляки - Герои Советского Союза / Сост.: Н. М. Мурышкин, М. В. Румянцев, П. Т. Трофимов. — Чувашкнигоиздат, 1964. — 302 с. Архивысе копий 6 ага 2018 гыч
↑ ЧЭ (неопр.). Дата обращения: 5 ага 2018. Архивировано 7 кылме 2017 года.
↑ ¹ ² Герои Советского Союза : Краткий биографический словарь в двух томах / Пред. ред. коллегии И. Н. Шкадов. — М.: Воениздат, 1987. — Т. 1 / Абаев — Любичев. — С. 862. — 911 с., с портр. с.
↑ В их честь названы улицы — Александр Николаевич Ленкин Архивысе копий 11 пеледыш 2011 гыч.
↑ Бюст в Спадщанском лесу Архивысе копий 5 ӱярня 2016 гыч.
↑ Состоялось открытие памятника Герою Советского Союза А.Н.Ленкину, 06.05.2010, <https://web.archive.org/web/20141211151154/http://gov.cap.ru/info.aspx?gov_id=65&id=1008607&type=news>. Проверено 8 теле 2014..

Кылвер-влак

Александр Николаевич Лёнкин (рус.). Сайт «Герои страны».
И. Бережной. Путь через войну.
Ленкин Александр Николаевич (1916—1964).
По тропам партизанским — Ленкин Александр Николаевич (недоступная ссылка).

[1] Наши земляки - Герои Советского Союза / Сост.: Н. М. Мурышкин, М. В. Румянцев, П. Т. Трофимов. — Чувашкнигоиздат, 1964. — 302 с. Архивысе копий 6 ага 2018 гыч

[2] ЧЭ (неопр.). Дата обращения: 5 ага 2018. Архивировано 7 кылме 2017 года.

[:0-3] ¹ ² Герои Советского Союза : Краткий биографический словарь в двух томах / Пред. ред. коллегии И. Н. Шкадов. — М.: Воениздат, 1987. — Т. 1 / Абаев — Любичев. — С. 862. — 911 с., с портр. с.

[4] В их честь названы улицы — Александр Николаевич Ленкин Архивысе копий 11 пеледыш 2011 гыч.

[5] Бюст в Спадщанском лесу Архивысе копий 5 ӱярня 2016 гыч.

[6] Состоялось открытие памятника Герою Советского Союза А.Н.Ленкину, 06.05.2010, <https://web.archive.org/web/20141211151154/http://gov.cap.ru/info.aspx?gov_id=65&id=1008607&type=news>. Проверено 8 теле 2014..

[1]

[2]

[3]

[4]

[5]

[6]