Леухин, Никанор Андреевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Леухин.
Леухин Никанор Андреевич
Леухин, Никанор Андреевич.jpg
Шочмо кече 1918 ий 22 сӱрем(1918-07-22)
Шочмо вер Антоново ял, У Торъял район, РСФСР
Колымо кече 1944 ий 18 пеледыш(1944-06-18) (25 ий)
Колымо вер Язвин ял, кызыт Светлогорск район, Гомель кундем, Беларусь
Пурымаш Флаг СССР СССР
Войскан родшо артиллерий
Службо жап 1939—1944
Званий Гвардий сержант
Кредалмаш/сар Кугу Ачамланде сар
Награде да премий
Герой Советского Союза
Ленин орден Орден Красной Звезды

Леухин Никанор Андреевич (1918—1944) — Кугу Ачамланде сарын салтакше, Рӱдӧ фронтысо 60 армийын 30-шо стрелок корпусын 75-ше гвардий стрелок дивизийын 241-ше гвардий стрелок полкшын 76-мм саргурал батарейын командирже, гвардийын сержантше, Совет Ушемын Талешкыже (1943).

Илыш корныжо

1918 ий 4 августышто Марий Эл Республикысе У Торъял кундем Масканур вел Тоски ялыште шочын (кызыт Шернур район), кум ияш годымжо ешыж дене Алтайыш куснен[1], (Ӱлыл Ненинке села, Солотонск район). 1921 ий гыч Алтайыште[2][3][4][5][6]). Кӱшыл Ненинке селаште илен, колхозышто, сельпошто, вара Кемерово кундемысе кинде заводышто пашам ыштен.

1939 ий октябрьыште Йошкар Армийыш налыныт.

Кугу Ачамланде сарын фронтыштыжо 1943 ий март гыч, 75-ше гвардий стрелок дивизийын 241-ше гвардий стрелок полкын артиллерий батарейын 76-мм саргуралын командирже.

Курск кредалмашын Поныри район Ольховка ялыште кредалын, ондак немыч-влакын атакыштым чактарен, а вара Орёл ончык эртыме операцийыште тушманым кырен шалатылын да поктен. Курский дугасе кредалмашлан, сарысе кӱштымым сайын шуктымыжлан да тидын годым патырлыкым да талылыкым ончыктышо Леухин Н. А. Йошкар Шӱдыр орден дене суапландаралтын[7].

Гвардий сержант Леухин Н. А. Киев деч йӱдвелне Днепр эҥерым вончымо годым поснак ойыртемалтын, 1943 ий шыжым Глебовко ден Ясногородка кумдыкышто (Киев областьын Вышгородск районжо) Днепр эҥерын пурла серысе плацдармым руалтен налын да тудым арален коден. Полкын командирже, гвардийын подполковникше Бударин Н. П. суаптарыме листаште возен[8]:

24.9.43 ий йӱдым Днепр эҥерын шола серже дек бой дене лишемын, эн ончычак орудийым Днепрын пурла серышкыже кусараш шкевуя шонен пыштен. 2 пырням кылден, ужашын-ужашын пушкым рончен, кок шагат йӱд жапыште, виян артиллерий ден миномёт тул йымалне шке илышыж нерген шоныде, саргуралжым, кӱлеш наре сарприпасым вончыктарен.

Касвел серышке вончышо стрелок подразделений-шамычым тушман пеш кугу саргуралан да салтак чотан контратаке дене вашлийын. Леухин йолташ орудийжым виш верыш луктын, прямой наводко дене тушманын 1 танкшым да самоход пушкыжым лӱйкален, кугу контратакым чактарен, тидын годым тушман пехотын ротыжо тичмашнек пытен.

СССР Кӱшыл Советын Президиумын 1943 ий 17 октябрьысе кӱштыкшӧ дене келшышын, Киев деч йӱдвелне Днепр эҥерым сайын вончымылан, Днепр эҥерын касвел серыштыже плацдармым чоткыдын кучымылан да тидын годым патырлыкым, да талылыкым ончыктымылан гвардий сержант Никанор Андреевич Леухинлан Совет Ушемын Талешкыже чаплӱмым пуымо да Ленин орден ден «Шӧртньӧ Шӱдыр» медальым кучыктымо[9].

Леухин Н. А. Украиным, вара Белорус ССР-ым утарымаште лийын. 75-ше гвардейский стрелок дивизийын пӧртылдымашын йомдарыме салтак-влак спискыште 1944 ий 18 июньышто «Противоиприд» вартыш дене аярген колен[10]. Ондак Паричи район (кызыт Светлогорск) Язвин ялеш[11] тоеныт. Варарак Гомель кундемысе Паричи поселкысо иза-шольо шӱгарыш уэш тоеныт.[12].

Суаптарже-влак

  • Совет Ушемын Талешкыже «Шӧртньӧ Шӱдыр» медаль (1943 ий 17 октябрь).
  • Ленин орден
  • Йошкар Шӱдыр орден

Шарныктыш

  • Светлогорск олаште да Светлогорск районысо Паричи посёлкышто, тыгак Алтай кундем Ельцов районысо Ельцовка селаштат Талешкын лӱмжӧ дене урем-влакым лӱмдымӧ[13].
  • Тудын лӱмжым Барнаулышто Чап мемориалеш курымешлан возымо[14].

Палемдымаш

  1. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  2. ↑ Герои Советского Союза Лебедев, Бастраков, Громов, Загайнов, Леухин Архивысе копий 28 шыжа 2013 гыч.
  3. ↑ Деревня Антоново // Новоторъяльский район. — Йошкар-Ола, 2005. — С. 112—113. — 304 с. — (История сёл и деревень Республики Марий Эл). — 1500 экз. — ISBN 5-87898-297-8.
  4. ↑ Энциклопедия Республики Марий Эл, 2009, с. 484.
  5. ↑ Мочаев, 2017, с. 353.
  6. ↑ История Марийского края в лицах, 2015, с. 136.
  7. ↑ Приказ 75-й гвардейской стрелковой дивизии № 16-н от 15.7.1943 года.
  8. ↑ ЦАМО, ф. 33, оп. 793756, д. 27, запись 150018798, стр. 508.
  9. ↑ ЦАМО, ф. 33, оп. 682525, д. 48, запись 12057300.
  10. ↑ Информация из списка безвозвратных потерь.
  11. ↑ Леухин Никанор Андреевич Архивысе копий 24 теле 2014 гыч.
  12. ↑ Паричи. Справочно-информационный портал г. п. Паричи. Реквием Архивысе копий 24 идым 2015 гыч.
  13. ↑ Реферат по Истории Алтайского края Архивысе копий 4 ӱярня 2016 гыч.
  14. ↑ AMIC.RU: Информационное агентство «АМИТЕЛ» Архивысе копий 24 теле 2014 гыч.

Литератур

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
  • Днепр — река героев. — 2-е изд., доп. — Киев: Изд. полит. лит Украины, 1988. — ISBN 5-319-00085-5.
  • Леухин Никанор Андреевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 484. — 872 с. — 3505 экз. — ISBN 978-5-94950-049-1.
  • Леухин Никанор Андреевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 136—138. — 374 с. — 500 экз. — ISBN 978-5-94950-070-5.
  • Сергеев М. Т., Мочаев В. А. Леухин Никанор Андреевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 253. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Леухин,_Никанор_Андреевич&oldid=1170819" гыч налме