Кустов, Иван Семёнович

РУВИКИ — эрыкан энциклопедий гыч материал
Иван Семёнович Кустов
Кустов, Иван Семёнович.jpg
Шочмо кече 20 теле 1930(1930-12-20)
Шочмо вер
Колымо кече 16 шорыкйол 2017(2017-01-16) (86 ий)
Колымо вер
Эл
Паша сомыл прокурор
Награде да премий

Honorary Worker of the Prosecution Service of the Russian Federation.png РСФСР-ын сулло юристше — 1991

Иван Семёнович Кустов (20 теле 1930, Сосновка[d], Башмаково район[d], Пенза область, РСФСР[d], СССР — 16 шорыкйол 2017, Ростов-на-Дону, Россий) — совет да российысе юрист, прокуратурын вуйлатышыже. Туркмен ССР прокурорын алмаштышыже (1972—1977), Марий АССР-ын прокуроржо (1977—1987), Йӱдвел-Кавказ транспорт прокурор (1987—1992). Юридический шанче кандидат, 3-шо класс юстицийын кугыжаныш советникше. РСФСР прокуратурын почётан пашаеҥже (1990), РСФСР-ын сулло юристше (1991). КПСС йыжъеҥ.

Илыш корно

1930 ий 20 декабрьыште кызытсе Пенза область Пенза район Сосновка ялыште кресаньык ешыште шочын[1].

1952 ийыште Озаҥысе кугыжаныш университетым отличий дене тунемын пытарен[1].

Институтым тунемын пытарымеке, 1952 ийыште Оренбург область прокуратурыш пашам ышташ колтымо, тушто калык следовательын стажёржо должностьышто 1955 ий марте пашам ыштен[2]. 1955—1959 ийлаште — Чкалов областьысе комсомол райкомын секретарьже, вара КПСС-ын Бугуруслан райкомыштыжо сайлыме должностьлаште тыршен. 1959—1972 ийлаште — Оренбург областьысе район-влакын прокуроржо, следствий пӧлкан начальникше, Оренбург областьысе прокурорын алмаштышыже[1].

1972—1977 ийлаште — Туркмен ССР прокурорын алмаштышыже, 3-шо класс юстицийын кугыжаныш советникше (1973)[1].

1977—1987 ийлаште — Марий АССР-ын прокуроржо[1].

1978—1987 ийлаште 9-11-ше созыв Марий АССР Кӱшыл Каҥашын депутатшылан сайлалтын[1][3].

1987—1992 ийлаште — Йӱдвел-Кавказ транспорт прокурор (Ростов-на-Дону)[1].

1970 ийыште «Совет уголовный процессыште объективный чынлыкын принципше» («Принцип объективной истины в советском уголовном процессе») теме дене кандидатлык диссертацийым арален. Юридический шанче кандидат шанче степеньым пуымо (1971)[4].

1975 ийыште Ашхабадыште тудын «Законодательные гарантии достижения истины по уголовному делу» книгаже савыкталтын[5].

Кугыжаныш да ведомство суаптарже-влак уло: «Почёт Пале» орден, медаль-влак да Марий АССР Кӱшыл Каҥаш Президиумын Чаптаныкше дене суапландаралтын[1].

2017 ий 16 январьыште Ростов-на-Дону олаште колен[1][2].

Чаплӱм ден суаптар-влак

  • «РСФСР прокуратурын почётан пашаеҥже» оҥ тамга (1990)[2];
  • РСФСР-ын сулло юристше  (руш.) (мар. (1991)[2];
  • «Почёт Пале» орден (1982)[1];
  • «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)[1];
  • «Прокуратурын ветеранже» медаль (2008)[2];
  • Марий АССР Кӱшыл Каҥаш Президиумын Чаптаныкше (1980)[1].

Шарнымаш

2023 ий 11 январьыште Ростов-на-Дону оласе Кечывалвел транспорт прокуратур полатын тӱжвал пырдыжыштыже РСФСР-ын сулло юристше И. С. Кустовлан шарныктыш оҥам почымо. Тушто тыге возымо: «Тиде пӧртыштӧ 1987—1992 ийлаште Йӱдвел-Кавказ транспорт прокурорлан прокуратурын чапланыше пашаеҥже, РСФСР-ын сулло юристше, прокуратурын ветеранже Кустов Иван Семёнович пашам ыштен».

Палемдымаш

  1. ↑ 1 2 3 4 5 6 7 8 9 10 11 12 Мочаев, 2017, с. 243.
  2. ↑ 1 2 3 4 5 Ростове-на-Дону состоялось открытие мемориальных досок в память о Валерии Владимировиче Шимбареве и Иване Семеновиче Кустове. news.myseldon.com (11 шорыкйол 2023). Тергыме кече: 22 пеледыш 2026.
  3. ↑ Депутаты Верховного Совета Марийской АССР X созыва: 1980—1985 годы. old.gsmari.ru. Тергыме кече: 22 пеледыш 2026.
  4. ↑ Кустов И. С. Принцип объективной истины в советском уголовном процессе : диссертация ... кандидата юридических наук : 12.00.00. — Оренбург, 1970.
  5. ↑ Кустов, Иван Семенович. — Законодательные гарантии достижения истины по уголовному делу (руш.). search.rsl.ru. Тергыме кече: 22 пеледыш 2026.

Литератур

  • Кугергин Л. Г., Кустова Е. Л., Мочаев В. А., Иваков А. В. Кустов Иван Семёнович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 243. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Кустов,_Иван_Семёнович&oldid=1236895" гыч налме