Кугу Ошла
| Кугу Ошла | |
|---|---|
| руш. Большая Ошла | |
 | |
| Сынже | |
| Кужыт | 73 км |
| Вӱдкундем | 681 км² |
| Вӱд йогымаш | |
| Вӱдшинча | |
| • Кӱкшыт | > 138,9 м |
| • Координат | 57°02′50″ с. ш. 47°41′33″ в. д.GЯO |
| Аҥ | Изи Какшан |
| • Верланымаш | 107 км пурла сер ден |
| • Кӱкшыт | 82,4 м |
| • Координат | 56°39′30″ с. ш. 47°55′36″ в. д.GЯO |
| Верланымаш | |
| Вӱд системе | Изи Какшан → Юл → Каспий теҥыз |
|
|
|
| Эл | |
| Регион | Киров область, Марий Эл |
| ГВР код | 08010400712112100001166[1] |
| ГКГН номер | 0218870 |
|
|
|
 |
|
Кугу Ошла (руш. Большая Ошла) — Российысе эҥер, Марий Эл Республикыште да Виче кундемыште йога[2]. Эҥерын аҥже Изи Какшанын пурла серыштыже 107 уштыш тораште верланен. Эҥерын кужытшо 73 уштыш, вӱд погымо кумдыкшо — 681 уштыш²[3].
Географий
Эҥерын вӱдмучашыже Яраҥ район Майский посёлко воктене, Яранск деч 30 уштыш кечывалвел-касвелне, Марий Эл чек воктенсе чодыра коклаште верланен. Вӱдмучаш деч 10 меҥге тораште Виче кундемын Шанчара районжо ден Марий Элын Оршанке районжо коклаште чекым ышта. Тидын деч вара эҥер Марий Элыш йоген пура да эҥерын шукырак ужашыже тиде республикын Медведево мландыштыже йога.
Кӱшыл йогыныштыжо кечывалвел могырыш, кыдал да ӱлыл йогынжо — кечывалвел-эрвел могырыш йога. Ӱлыл йогынжо купан вер дене йога, изэҥер-влакым шочыктен, олыклаште ятыр иксам ышта. Цибикнур ял ден Новый посёлко коклаште — эҥер воктене тургыжым (торфым) ямдылыме да шавышаш вӱд корно-влакан кумда тургыж мланде шарлен. Изи Какшаныш «Йошкар-Ола» йырвел кумдыкышто йоген пура, ола рӱдӧ деч 4 уштыш наре йӱдвел-эрвелне.
Эҥер пелен Изи Туршо, Ошладӱр ял-влак, Ошла посёлко верланеныт.
Игэҥер-влак
- 24 уштыш: лӱмдымӧ эҥер, Ошламучаш Тумер ял воктене (шола)
- 32 уштыш: Упшо эҥер (шола)
- 47 уштыш: Туршо эҥер (вӱд реестрыште — лӱмдымӧ эҥер, Туршылук ял воктене, пурла)
- Пан эҥер (шола)
- Пат эҥер (пурла)
- Тютюй эҥер (шола)
- Изи Ошла эҥер (шола)
Вӱд реестрын уверже-влак
Россий кугыжаныш вӱд реестрын уверже почеш Кӱшыл Юл вӱдкучем йырвелыш пура, эҥерын вӱд озанлык кумдыкшо — Юл Шупашкар вӱдпышкем гыч Озаҥ ола марте, Сӱйэ вӱд да Сывиль(Свияга да Цивиль) эҥер-влак деч посна, эҥерын йымал вӱдкучемже — Юлын Окашке пурымыж гыч тӱҥалын Куйбышев вӱдкучем марте (Шур але Сура) вӱдкучем деч посна). Эҥерын эҥерысе вӱдкучемже — (Кӱшыл) Юлын Куйбышев вӱдаралымвер марте йогынжо (Ока вӱдкучем деч посна)[3].
Кугыжаныш вӱд реестрыште эҥерын кодшо — 08010400712112100001166[3].
Палемдымаш
- ↑ Ресурсы поверхностных вод СССР: Гидрологическая изученность. Т. 12. Нижнее Поволжье и Западный Казахстан. Вып. 1. Нижнее Поволжье / под ред. О. М. Зубченко. — Л.: Гидрометеоиздат, 1966. — 287 с.
- ↑ Данные получены с помощью Публичной кадастровой карты на официальном сайте Росреестра.
- ↑ 1 2 3 Большая Ошла : [руш.] / textual.ru // Государственный водный реестр : [арх. 2013 ий 15 октябрь] / Минприроды России. — 2009. — 29 март.