Кугу Лаждӱр
| Ял | |
| Кугу Лаждӱр | |
|---|---|
| 56°49′51″ с. ш. 49°15′02″ в. д.GЯO | |
| Эл | |
| Регион | Марий Эл |
| Историй да географий | |
| Икымше увертарымаш | 1859 |
| Шагат ӱштӧ | UTC+3:00[d] |
| Калык чот | |
| Калык |
|
| Официал йылме | марий йылме да руш йылме |
| Цифран идентификатор-влак | |
| Почто индекс | 425556 |
|
|
|
Кугу Лаждӱр (руш. Большой Ляждур) — Российыште Марий Элын Кужэҥер кундемыштыже верланыше Йӱледӱр ял шотан илемыш пурышо ял. Калыкчот: 368 еҥ (2005 ий)[2], 269 еҥ (2010 ий)[3].
Верланыме вер
Кужэҥер ола сынан посёлко деч 28 километр касвел могырно верланен.[4]
Ял лӱм
Ялын лӱмжӧ Лаж эҥер деч шочын, молан манаш гын, кок серже могырым урем-шамыч верланеныт.
Эртымгорно
Ялын шочмыж деч ончыч олмыштыжо чодыра да куп веле лийын. Эн ончыч тышке Яндыган толын, а тудын деч вара Эшпай ден Очий. Садлнак кызытат тыгай лӱм-влак кодыныт: "Яндыган кӱвар", "Эшпай корем", "Очий аҥа". Икымше илаш толшо-шамыч Морко да Шой могырым толыныт. Нуно вольыкым онченыт, сонарыш коштыныт, колым кученыт, чодыра мӱйым погеныт. Жап эртымек мланде пашамат тӱҥалыныт. Тыгак смола шолтымо заводым почыныт.
Географий да пӱртӱс
Ялын пӱртӱсшӧ моткоч сылне: йырымваш тӱрлӧ пушеҥге кушкеш, йӱдшӧ-кечыже кайык-влак мурат, Лаж эҥер ший]] гай яндар вӱдшӧ дене кажнын чонжым куандара.
Инфраструктур
Ялыште тӱҥалтыш школ, эмлыме пункт, йоча сад да ялысе клуб уло. Вашке сауным чоҥымым пытарат. Мотор корным ыштыме, ныл кевыт пашам ышта.
Уремла
Ялыште шым урем уло. Арам огыл мурымат мурат: "Шым уреман мотор ялем..."
Лӱмлӧ еҥ-влак
Богданов Н.А. — «Паша Йошкар Тисте» орденын кавалерже.[2]
Васильева З.А. — III степенян Паша Чап орденын кавалерже.[2]- Горинов А.А. — III степенян Паша Чап орденын кавалерже.[2]
Михеева З.П. — «Чап Тамга» орденын кавалерже.[2]- Репин М.Ф. — «Чап Тамга» орденын кавалерже.[2]
- Соколова А.М. — «Паша Йошкар Тисте» орденын кавалерже.[2]
- Чайкина Е.Г. — «Чап Тамга» орденын кавалерже.[2]
Кылвер-влак
Литератур
Важ-влак
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ 1 2 3 4 5 6 7 8 Деревня Большой Ляждур (Верхний Ляждур, Кугу Лаждур).
- ↑ Численность населения городских населенных пунктов, сельских населенных пунктов. Куженерский муниципальный район (2010 ий).
- ↑ Торалык Яндекс.Карте-влак ӱзгарын полышышт дене висалтын.
.png)