Крылов, Василий Васильевич

Василий Васильевич Крылов
Василий Васильевич Крылов
Шолыплӱм-влак	Шулдыр Васлий
Шочмо кече	4 ага 1953
Шочмо вер	Арын, Кокласола ял шотан илем[d], Морко кундем, Марий Автоном Совет Социализм Республик, РСФСР[d], СССР;
Колымо кече	4 сорла 2010 (57 ий)
Колымо вер	Йошкар-Ола, Россий;
Гражданстве (подданстве)	СССР; Россий;
Паша сомыл	почеламутчо

Василий Васильевич Крылов (4 ага 1953, Арын, Марий Автоном Совет Социализм Республик — 4 сорла 2010, Йошкар-Ола) — марий писатель да радиожурналист. Марий Эл серызе-влак ушемын председательже. «Ямде лий» йоча газетын тӱҥ редакторжо. Тудын сылнымутшо курыкмарий, руш, чуваш, коми да моло йылмылашке кусаралтыныт. Марий Эл Республик тӱвыран сулло пашаеҥже (1996)^[1].

Илыш корныжо

Марий АССР Морко вел Арын ялеш шочын. Сергей Чавайн лӱмеш кыдалаш школышто тунемын. 1970 ийыште Марий республикысе тӱвыра да сотемдарыше училищыш тунемаш пурен. 1973 ий гыч Марий кугыжаныш университетын эртымгорно-филологий факультетын студентше. Изиж годсек спорт, сем да сылнымут деке кумылаҥын^[2].

Университетым тунем пытарымеке, 13 ий марий радиошто журналистлан пашам ыштен. 1991—1997 ийлаште — «Ямде лий» йоча газетын тӱҥ редакторжо. Пытартыш ийлаште Марий Эл Республикысе писатель ушемын правленийжым вуйлатен, «Марий журнал» савыктышын директоржылан пашам ыштен^[1].

2010 ий 4 августышто колен, Изи Какшан эҥер (Йошкар-Ола) вӱдеш лийын^[1].

Сылнымут паша

Сылнымут пашажым «Колхозная правда» морко газет пелен «Морко памаш» сылнымут ушемыш коштмыж деч вара тӱҥалын, тушто тудын «Потишкем» икымше почеламутшо савыкталтын. «Ямде лий» газетын юниоржо лийын. Студент пагытыштыже — «У памаш» сылнымут ушемын еҥже да старостыжо, «Сылнымут шыже» семинарлаште чолган тыршен^[3].

1985 ийыште Марий книга савыктыш «Поҥго йӱр» (1985) почеламут сборникым луктын. Вара «Вӱдшӱдыр» (1989), «Мераҥ шовыч» (1991), «Изэҥер» (1995), «Математика чондай» (1997), «Эке-моке манам да…» (2005), «Лач пырляште весела» (2006), «Кӧн кидыште бинокль?» (2006) «Тӱс аршаш» (2008) книгаже-влак лектыныт. Йоча-влаклан шуко сылнымутын авторжо, тӱшка сборник, пособий да хрестоматий-влакым ямдылыше. Тудын почеламутшылан Марий Элысе семмастар-влак ятыр мурым возеныт — «Роза-розмари», «Коктын» да молат^[1].

Библиографий

Тӱҥ произведенийже-влак

Поҥго йӱр : почеламут-вл. [Грибной дождик: стихи]. Йошкар-Ола, 1985.16 с.
Вӱдшӱдыр : ойлымаш-вл. [Звезды в воде : рассказы]. Йошкар-Ола, 1989.48 с.
Мераҥ шовыч : почеламут-вл. [Зайчихин платок: стихи]. Йошкар- Ола, 1991. 32 с.
Ондри шыргыжеш : повесть // Эрвий. Йошкар-Ола, 1993. С. 3—28.
Сескем : хрестоматий [Искра] / сост. В.Крылов. Йошкар-Ола, 1994.152 с.
Поро кече : инсценировко, сценарий, сценке, такмак, пьесе-вл. [Добрый день : инсенировки, сценарии, сценки, частушки, пьесы]. Йошкар-Ола, 1995. 176 с.
Изеҥер : почеламут-вл. [Ручеек: стихи]. Йошкар-Ола, 1995. 24 с.
Математика чондай : занимат. материал [Математическая шкатулка]. Йошкар-Ола, 1997. 112 с.
Пайрем ӱстелтӧрыштӧ : чаркамут-вл. [За праздничным столом : тосты]. Йошкар-Ола, 2000. 80 с.
Ой, книга, книга…: сценарий-вл. [Ой ты, книга, книга…: сценарии]. Йошкар-Ола, 2003. 56 с.
Лудшаш книга [Книга для чтения для 4 кл.] / Авт. П.Емельянов, В.Крылов. Йошкар-Ола, 2003. 200 с.
«Эке-моке» манам да…: кайдарчык да койдарчык такмак-токмак орлаҥге [Сатир, и юморист, частушки]. Йошкар-Ола, 2005. 24 с.
Лач пырляште весела : почеламут, муро-вл. [Вместе веселей : стихи, песни]. Йошкар-Ола, 2006. 128 с.
Кӧн кидыште бинокль? : пьесе-вл. [В чьих руках бинокль : пьесы]. Йошкар-Ола, 2006. 88 с.
Шинчам пӱялын : мыскара аршаш [Строя глазки : юморески]. Йошкар-Ола, 2006. 28 с.
Кувырдик-йывылдик : мыскара почеламут-вл. [Все наоборот : юмор. стихи]. Йошкар-Ола, 2007. 72 с.
Тӱс аршаш : почеламут-вл. [Радуга цветов : стихи]. Йошкар-Ола, 2008.12 с.

Моло йылмыш кусарыме произведенийже-влак

Считалка ; Хитрая Аню ; Быстрее шагаю ; Картуз ; Вездеход ; Сластена : стихи / пер. на рус.
В.Борисова, Н.Беляевой // Дружба. Йошкар-Ола, 1985. С. 212—214.
Звезды в воде : рассказы / пер. на чуваш. Р. Петро во й-Ахти ми рово й. Чебоксары, 1999. 20 с.
По обе стороны маленькой речки два дедушки…: стихи / пер. на коми В.Тимина // Уна рома сикош. Сыктывкар, 2002. С. 74.
Туман ; Дед и внук / пер. М.Альтерович // Антология лит. фин- угор. нар. Поэзия. 2006. С. 122—123.

Илышыже да творчествыже нерген литератур

Егоров В. Мераҥ шовычым кӧ пидын? // Марий коммуна. 1991. 21 нояб.
Васинкин А. Пеҥгыде лийже поэзий шулдырет// Ончыко. 2003. № 4. С 63-69.
Писатели Республики Марий Эл : автобиобиблиогр. сб. Йошкар- Ола, 2004. С. 40-41.
Крылов В. Чылажат лийын икымше // Марий Эл. 2006. 14 апр.
Василий Васильевич Крылов: указ. лит. / сост. Л.Дроздовская, ред.
А.Васинкин. Йошкар-Ола, 2007. 52 с.
МБЭ. Йошкар-Ола, 2007. С. 194.
Анисимов Э. Лач пырляште весела // Марий Эл. 2007. 3 март. Эманова А. Илыш тошкалтыш кӱш кӱзыкта // Кугарня. 2008. 2 май.
Виногорова Е. Мастарлыкым шуарыме пагыт// Марий Эл. 2008. 8 май.

Палемдымаш

↑ ¹ ² ³ ⁴ Марийская биографическая энциклопедия-2, 2017, с. 229.
↑ Василий Крылов (руш.). mari-lab.ru. Тергыме кече: 13 шыжа 2025.
↑ МБУК "Моркинская ЦБС" - Василий Крылов (неопр.). www.biblmorki.ru. Тергыме кече: 13 шыжа 2025.

Литератур

Зайниев Г. З. Крылов Василий Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 229. — 606 с. — 1500 экз. — ISBN 978-5-905314-35-3.

Кылвер-влак

Василий Крылов (руш.). mari-lab.ru. Тергыме кече: 13 шыжа 2025.

[_5232b6ecd444d10f-1] ¹ ² ³ ⁴ Марийская биографическая энциклопедия-2, 2017, с. 229.

[2] Василий Крылов (руш.). mari-lab.ru. Тергыме кече: 13 шыжа 2025.

[3] МБУК "Моркинская ЦБС" - Василий Крылов (неопр.). www.biblmorki.ru. Тергыме кече: 13 шыжа 2025.

[1]

[2]

[3]