Кондратенко, Андрей Владимирович
| Андрей Владимирович Кондратенко | |
|---|---|
 | |
|
| |
 Марий Эл Республикысе ялозанлык да кочкыш йӧрвар шотышто министр
 |
|
| 16.03.2021 — 14.10.2025 | |
| Регионым вуйлатыше | Юрий Викторович Зайцев |
|
|
|
| Шочын |
8 шыжа 1966 (59 ий)
|
| Шинчымаш | |
| Шанче степень | ялозанлык шанче кандидат[d] |
Андрей Владимирович Кондратенко (шоч. 8 шыжа 1966, Йошкар-Ола) — российысе кугыжаныш пашаеҥ. 2020 ий 29 сентябрь гыч — Марий Эл Республикын ялозанлык да кочкыш йӧрвар шотышто министрын пашажым жаплан шуктышо, а 2021 ий 16 март гыч министрже[1][2]. Ялозанлык шанче кандидат (2013).
Илыш корныжо
1966 ий 8 октябрьыште Йошкар-Олаште шочын.
1989 ийыште Марий кугыжаныш университетым «агрономий» специальность дене тунем лектын.
2013 ийыште Марий кугыжаныш университетыште «Россий Федерацийын Шемрокдымо вержын Йӱдвел-Эрвел условийыштыже изи лышташан люпинын кӱкшӧ лектышан агроценозшым ыштымаш» теме дене диссертацийым арален да ялозанлык шанче кандидат шанче степеньым налын[3].
2016 ий гыч Марий Эл Республикын ялозанлык да кочкыш йӧрвар министрын алмаштышыже лийын.
2020 ий 1 октябрь гыч министрын пашажым жаплан шуктен.
Регион вуйлатыше Юрий Зайцевын 2021 ий 15 мартысе Кӱштыкшӧ дене Андрей Владимирович Кондратенко 16 мартыште Марий Эл Республикын ялозанлык да кочкыш йӧрвар шотышто министржылан шогалын[2].
Марий Эл Республикын ялозанлык да кочкыш йӧрвар шотышто министрже шкет виктарымаш негызеш Министерствым вуйлата, задачым шуктымылан шкеак вуйын шога. Тӱрлӧ инстанцийыште министерствым ончыкта, норматив документ-влакын проектыштым ямдыла, структурым да штатым чумыра, роскотым да кӱштыман акт-влакым пеҥгыдемда. Пашаеҥ-влакым пашаш налеш да паша гыч кораҥда, алмаштышыже-влак коклаште пашам пайла, ойпидыш-влакым ышта да нунын шукталтмыштым эскера, финанс ден погым виктара. Пашам аралымашым, увер-влакым аралымашым да чрезвычайный ситуацийлан ямдылалтмашым шукта, тыгак тӧртыклык почеш моло сомылым шукта[4].
2025 ий 14 октябрьыште Марий Эл Республикын ялозанлык да кочкыш йӧрвар шотышто министрже постым шке кумылын коден каен. Тидын нерген указыш Марий Элын вуйлатышыже Юрий Зайцев кидпалым пыштен[5].
Суаптар-влак
- «Марий Эл ончылно суаплан» орденын медальже (2025)[6].
Палемдымаш
- ↑ Кидшер (2025-06-23), Состав Правительства Республики Марий Эл, <https://kidsher.ru/ru/dossier/23961/>. Тергыме: 7 идым 2025.
- ↑ 1 2 Министерство сельского хозяйства и продовольствия Марий Эл возглавил Андрей Кондратенко (руш.). МариМедиа. Тергыме кече: 7 идым 2025.
- ↑ Кондратенко, Андрей Владимирович. Формирование высокопродуктивных агроценозов люпина узколистного в условиях Северо-Востока Нечерноземной зоны Российской Федерации // disserCat. — 2013.
- ↑ Кондратенко Андрей Владимирович. mari-el.gov.ru. Тергыме кече: 7 идым 2025.
- ↑ Андрей Кондратенко покинул пост министра сельского хозяйства и продовольствия Марий Эл, <https://www.marpravda.ru/news/sociym/andrey-kondratenko-pokinul-post-ministra-selskogo-khozyaystva-i-prodovolstviya-mariy-el/>. Тергыме: 15 шыжа 2025.
- ↑ Андрей Кондратенко награждён медалью ордена и покидает должность министра сельского хозяйства и продовольствия Марий Эл (неопр.). Новости Марий Эл - Новости Йошкар-Олы - ГТРК «Марий Эл». Тергыме кече: 15 шыжа 2025.
Кылвер-влак
- Министерство сельского хозяйства и продовольствия Республики Марий Эл (руш.). Тергыме кече: 7 идым 2025.
 |
|---|
Тиде статья РУВИКИ-н вес статьяшт дене кылдалтын огыл. |
.svg){kind=link}