Козлов, Михаил Сергеевич
| Михаил Сергеевич Козлов | |
|---|---|
 | |
|
| |
| 21.06.2017 — кызытсе жап марте | |
| Регионым вуйлатыше | Юрий Викторович Зайцев |
|
|
|
| Шочын |
17 вӱдшор 1985 (41 ий) |
| Шинчымаш | |
.png){kind=small}
_(2005).png){kind=small}
Михаил Сергеевич Козлов (шоч. 17 вӱдшор 1985, Чыкма, Марий Автоном Совет Социализм Республик) — россий кугыжаныш пашаеҥ. 2017 ий 5 вӱдшор гыч — «Чыкма ола» ола округ муниципал образований администраций вуйлатышын (олан мэржын) сомылжым шуктышо, 2017 ий 21 пеледыш гыч — «Чыкма ола» ола округ муниципал образований администрацийын вуйлатышыже (олан мэрже)[1].
Илыш корно
1985 ий 17 вӱдшорышто Марий АССР Чыкма олаште шочын. Чыкма оласе 1-ше №-ан лицейыште тунемын[2].
2008 ийыште Москосо автомобиль-корно институтым (кугыжаныш техник университет) «транспорт да технологий машина ден ӱзгарвундо-влакын сервисше» специальность дене тунем пытарен, «инженер» квалификацийым налын[3] да Чыкмасе корно ачалыше-чоҥышо кугыжаныш унитар ыштыкверыште (ДРСГУП) тыршаш тӱҥалын. 2013 ий гыч 2016 ий марте — «Марий Эл Дорстрой» акционер ушемын Чыкмасе филиалыштыже автокорно-влакым кучымо шотышто директорын алмаштышыже[3].
2016 ий август гыч «Чыкма ола» ола округ администраций вуйлатышын (ола мэржын) икымше алмаштышыжын олмыштыжо пашам ышташ тӱҥалын. 2017 ий 5 вӱдшор гыч администраций вуйлатышын (ола мэржын) сомылжым шукташ шогалтыме. 2017 ий 21 пеледышыште «Чыкма ола» ола округ муниципал образований депутат-влак погынын 37-ше сессийыштыже «Чыкма ола» ола округ муниципал образований администраций вуйлатышын (ола мэржын) олмышкыжо сайлалтын[4].
2019 ий 30 шыжаште Чыкма ола администрацийыште VII созыв ола депутат-влакын кокымшо черетан сессийышт эртен, тушто олан мэржым шогалтыме нерген йодышым каҥашеныт. Йӱклымаш почеш олан мэржылан Михаил Козлов шогалын. 2019 ий 31 шыжаште шке пашажым шукташ тӱҥалын. Контрактым VII созыв ола Депутат-влак погынын пашам ыштыме жаплан пеҥгыдемдыме[5].
2024 ий 29 шыжаште «Чыкма ола» ола округын VIII созыв Депутат-влак погынын кокымшо черетан сессийже эртен. Сессийын пашаштыже лийыныт: Марий Эл Республикысе Виктер председательын икымше алмаштышыже Евгений Курмаев, Марий Эл Республикысе Кугыжаныш Погын председатель Михаил Васютин да Марий Эл Республикын элгӧргӧ политике, верысе шкевиктарымашым вияҥдыше да юстиций министр Антон Мирбадалев. Депутат-влак Михаил Козловын кандидатурыжым ола вуйлатышын (мэрын) олмышкыжо у жаплан пеҥгыдемденыт[6].
Мемнан пырля пашам ыштымыланнна ӱшанем да эреак кеч-могай йодышым каҥашаш да пырля пунчалым лукташ ямде улам. А эн тӱҥжӧ — мемнан тӱшка пашанам илышыш пуртымаште ме эреак чолга оласе-влакын, мер калыкын, чыла кӱкшытан депутат корпусын да Марий Эл Республик Виктерын полышыштым шижына. Эше ик гана пуымо ӱшан да полышлан тауштем! Пырля у пашалан тарванена!
— Михаил Козлов, 29 шыжа 2024 ий[6]
Еш
- Пелашан, кок ӱдырым ончен кушта[2].
Палемдымаш
- ↑ Администрация городского округа «Город Козьмодемьянск» (руш.). Тергыме кече: 8 идым 2025.
- ↑ 1 2 ВКонтакте | ВКонтакте (руш.). vk.com. Тергыме кече: 8 идым 2025.
- ↑ 1 2 В городе Козьмодемьянске главой администрации назначен 34-летний Михаил Козлов. Важные новости дня. Марий Эл. Йошкар-Ола. Тергыме кече: 8 идым 2025.
- ↑ Горсобрание депутатов Козьмодемьянска выбрало мэра города (руш.). МариМедиа. Тергыме кече: 8 идым 2025.
- ↑ Назначен мэр города Козьмодемьянска в Марий Эл. Тергыме кече: 8 идым 2025.
- ↑ 1 2 Михаил Козлов снова стал мэром города Козьмодемьянска | Новости Йошкар-Олы и РМЭ от портала ВМарийЭл (руш.). newsmariel.ru. Тергыме кече: 8 идым 2025.
